بسم الله الرحمن الرحيم
الكاتبه: نور الهدى
...........…………......................................
*
*
*
*
امجد: اني راح اشوف الموضوع لا يظل بالج
ليان: شفت يريد يطلع كتله
ليان: اجي وياك
امجد: وين ابقي يم زوجج محتاج بهيج وقت
ليان: بس هو كالي
سيف جان كل هل حجي هوه كاعد ما بدر منه اي شيء ولا حجى ومن كلت لامجد اروح وياك الى حجى
سيف: روح امجد خلص مدام صار عندك خبر بس لا تعوف الموضوع
ليان: سلم امجد وطلع اني بقيت على وكفتي وصافنه شنو من بشر بكل لحضه اله الف قرار رجعت لغرفتي ودموعي تصب على حالي مااعرف شنو اسوي لو احجي لانو كلش تغير تعامل سيف وياي ليش هيج من يوم صار الحادث لحد الان وين سيف الي دائمن يضحك وياي ويشاقه وين سيف الي جان يكول ماريد احد يدخل بعلاقتنه واذ احد شك ب الثاني او شيء مانسرع بقرارتنه لازم نثق ب الثاني لعد شسوى هسه هوه شويه ودخل سيف كتله
ليان: انته شنو من بشر ليش هيج تسوي اول ما طردتني وفشلتني كدام اخوي وبعدها تسلم عليه وتكله عوفها تريد تلعب على اعصابي انته
سيف: خلصتي
ليان بصايح : جااااوبني ااحجي وياك شب.
منتضرني اكمل كلامي طفر من مكانه ولزمني من شعري شهكت من سحب شعري
سيف: صوتج مااااا اسمعه مو عفتج اهنا عبالج عفيت عنج لا بس علمود اعرف منو هذا وبعدها الي حجي ثاني وياج
ليان: انهد حيلي من كلامه يعني مجان متراجع ولا متندم عافني يمه علمود بس يعرف واذا عرف شنو يسوي بس اني ما عندي شي والله اخذت ملابسي ورحت اسبح بس اريد ارتاح احس نار بصدري رغم برودت الجو سبحت واجيت تلفلفت بفراشي حتى بدون لا امشط ولا شيء عفتها على الله لليل كعدات ع تصال من امجد
امجد: الوو
ليان: هلا امجد
امجد: هلا بيج
ليان: بشر شنو صار
امجد: ولا شيء بس اتصالات ع رغد تشوفلي الوضع
ليان: شتشوف امجد
امجد: مالج علاقه بس انتي خليج طبيعيه غير تفهمني
(طبعن راح تكولون رغد وين رغد تدرس جامعه وكاعده بيت عمي وامجد طلب منها تراقب مرة عمي لان هيه من جانت عدنا صارت بينا مشاكل ولهذا السبب عمي عزل بيت بحده)
نهيت كلامي وي امجد وكلت خل اتصل ع رغد واشوف أشكالها امجد
ليان: هلو رغوده
