مرحبا اني اسمي ليان عمري 21 واني الجبيره من بين اخواني عندي اربع عمام وابوي الخامس 3 عمات اهلي من النوع العصبين ومايقبلون بكلشي عدهم عيب وحرام واي شي ممنوع ماكو تفاهم كله ضرب وسب بحيث متحس بقيمتك بلبيت
ليان. كعدات اليوم من الصبح لان عمتي عدنا د اسوي العشاء واجاني ابوي كالي تعالي وراي له الاستقبال اريد احجي وياج موضوع اني فرحت لان كالي اريد احجي وياج وخايفه خاف اكو مصيه دخلنه له الاستقبال
ابوي. ليان اكو ناس تريد تجي تخطبج وهمه خوش ناس شنو رائيج
ليان. اني خجلة وماجوبته تركته وطلعت من الاستقبال
ورها فتره كال ح يجون علينا الناس طبعن انصدمت اني لان بعدني ما انطيتهم الجواب موافقه لو ما موافقه اجتني امي وهيه تحجي وياي بنتر
امي بنتر. شنو راح تلبسين
ليان. عندي دشداشه بعدني مالبستها ح البسها
جوبت عليه وهيه معصبه
امي. شنووو دشداشه هاي خطوبه شنو ح تكول علينه الناااس
ليان كولتله. عادي
لان بوقته محد اخذ رائي ولا احد جابلي شي البسه وما شفت احد فرحان الي ولا احد مهتم الي
المهم اجا اليوم الي راح يجون بي اهل الولد جان بوقتها الجو حاار وترابه وامي طلبت مني انضف البيت ول الكراج كلو وحته لو نضفنا مايفيد
دخلت له البيت وكلت لهلي
ليان. خل يجون بغير يوم لان الجو مو مناسب وهمه قريبين علينه مو ابعاد
اني بس كولت هيج كلها عصبت عليه وبقت تعيط
ابوي.. الخطوبه مااا تتاجل الولد عسكري ويريد يدااوم اليوووم يجون
سكتت اني ورحت كمل تنضيفي
الهوه شلع كلبي انضف منا ويرجع التراب منا وقت الضهر حاار وخواني اصغار اني الجبيره بيهم امي تفتر فوق راسي دردم تريدني اوفق اليوم تجي الناس واني محضره نفسي انضف ودمعتي بعيني
مليتت كتله
ليان. والله العظيم راح اوفق شمايكون عفته ودخلت
كملة تنضيف واندك الباب كالو اجو. الناس
اني اهنا ماعرف شسوي لان ما محضره نفسي لاسابحه ولا مبدله ملابسي كلها تراب من تنضيف الكل متحضر واني ما متحضره ماعرف منو راح ينخطب اني لو همه وعمي وخالتي اجو همه وجهالهم بوقت ماخلصت كلشي دخلت له الحمام اريد اسبح لكيت الحمام مابي مي صحت ع اختي كتله جيبيلي مي بس خل اغسل جبتلي مي غسلت وطلعت اني اهنه دمعتي بعيني بكوه كمشته ماطيح دمعتي
ليان. طلعت دشداشه وردي وحليت شعري اريد احد يجيني يكولي هيج لبسي وهيج سوي محد اجه كلشي ماعرف اجت امي جيبتلي ذهب سناسل وتراجي حته البسهم بس اني من التوتر ماعرف شنو اسوي مالبستهن طلعت ورها دخلت شفت خالتي ام الولد الي ح يصير خطيبي سلمت وكعدات متوتره افرك بيدي من التوتر بقت تسئل امي وخالتي يجوبن ع الاسئله شويه وطلعت
اجتي امي
امي. ليان الولد يريد يشوفج بل استقبال
ليان اني نصدمت شنو يشوفني هوه كلشي مايصيرلي حته الخطبه بعدها.
ليان. مادخل شنو يشوفني واني ماعرفه شلون ادخل ع رجال غريب وحدي
امي وابوي بقو يعيطون بعصبيه الى ادخل
ونو احنه دخل وياج قبلت
دخلت اني وامي وابوي كعدات مارفعت راسي وهوه يحجي وامي وابوي يردون عليه اخذله شويه وطلع
كالو نرد الكم الخبر ثاني يوم ردو الخبر اموافقين
وره اسبوع جابو المهر خمسه وبعد محد اجه منهم وره فتر طويله انطونه خبر انو راح نجي
ليان. لبست فستان ازرق وشال حطيته ع شعري ومكياج خفيف دخلت سلمت جانت بس امه جايه وامي وخالتي وجداتي موجودات
وهيه طلعت الحلقه والفلوس ونطتهن الي لبست الحلقه طلعت جبيره كالت هسه تسمنين وتصير كدج سكتت محجيت لان اهلي كاعدين كالت لاامي متجين تشوفين بيت بنتج غرفتها
ردت عليه جداتي واني انصدمت ونزلت دمعتي
جدتي ام امي .. احنا ماعدنا هيج شي ام العروس تروح شوف الغرفه ولابنيه اعتبريها خدامتج
طلعت من الاستقبال لان جداتي هيج حجت
