بسم الله الرحمن الرحيم
الكاتبه./ نور الهدى
لاع تنسو التصويت
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
جبتله جاي شرب وشلت الگلاص غسلته ورجعته لمكانه رحت للغرفه لكيت سيف متمدد على الجربايه كعدت بصفه.
ليان: شو صافن شكو؟؟
سيف: ولاشي تعالي خل انام
ليان: خلاني بحضنه ضليت اتگلب
سيف: شبيج اتحوصين.!؟
ليان: اختنكت ماريد الغطا
سيف: ولج الجو بارد
ليان: اي مااحب اغطي وجهي اختنك طلعت وجهي من البطانيه وهو مغطي راسه ساعه يسحبها واني انزلها
كتله
ليان: ما اكدر انام
سيف: شبيج ليش يوجعج شي؟؟
ليان: لا مابيه شي بس بعد وكت
سيف؛ ولج اني تعبان وهسه يله ارتاحيت خلينا انام
ليان: زين نام انته وانطيني موبايلك
سيف: ومبايلج شبيه؟؟
ليان: مابيه شي بس اريد موبايلك
انطانيه جان مخلي الرمز مواليدي • امممم هلكد اتحبني؟؟!
سيف: لا ما احبج بس حتى ما انساه
ليان: اي اي كلها ولا تكولها كلمه احبج
سيف: مو حلو التبذير
ليان: وانته عيني شوكت كلتها؟؟!
سيف: ليش من جنت بالدوام؟
ليان: وهسه خجلان من عندي متكولها؟!
سيف: ليان
ليان: هااا؟
سيف: نامي كافي
ليان: يله كافي بعد ما احجي بس انطيني الموبايل. انطانياه بقيت اگلب دخلت على الصور شفت صور بعرسنا ويا بنت خالته مصوره حذفتهم وصور بنات ومقاطع كلها حذفتها دخلت على الواتساب وشفت اسماء بنات انطيتهم حضر ما بقيت شيء بالموبايل طفيته ونمت مقهوره شلون بيوم العرس ويصور مع البنات يصير خير سيف صار الصبح كعدت مالي خلك لكيته جايب ريوك سويتله وجبته اله واني شغلت التلفزيون وبقيت اكلب بيه
سيف: ماتجين تتريكين؟؟
ليان: ماريد شبعانه
سيف: ليش شوكت اكلتي؟؟؛
ليان: مو الى اكل
جان ردي عليه بنتر معصبه عليه
سيف: شبيج هيج تحجين صاير شي؟؟!
ليان: لا سلامتك شنو يصير مثلا
سيف: ليان احجي عدل
ليان: شلون بله شايفني احجي مكلوبي
