بسم الله الرحمن الرحيم.
«الكاتبة: نور الهدى»
✿✿✿✿✿✿✿✿✿✿✿✿✿✿✿✿✿✿✿✿✿
ليان: ومر اليوم عادي كلشي ماكو كملت شغلي ورجعت للغرفه اخذت ملابس رحت سبحت رجعت للغرفه لكيت سيف گدامي محلق الشعر والحيه مبقي بس الشوارب طالع صاك ابن الأوادم عبرت من يمه سويت نفسي مامهتمه واني بداخلي نار شكو هيج مرتب وين يريد بس ما اكدر اسئل اعرف ما يجاوب يوه هسه اني شكو قاطعني سيف
سيف: طلعيلي ملابس اسبح
ليان: ماشي
طلعتله اتراك
سيف: رايح جيبيهن وراي
ليان: اهوو هسه انته مو رايح اخذهم وياك
سيف: والله ياعيني عاجبني اجيبينهن ورا
ليان همست: خبيث
سيف: ترى اجي افرك حلگج
ليان: اهو مخوفني شحجيت هسه
سيف: اجيج والله
ليان: اي اي خوش روح يله
سيف بضحكة تلاعب : مو تنسين الملابس
ليان: غمزلي وراح هذا شبيه من كل عقله ساعه افرك حلگج ساعه يغمز واني شبيه ضليت امسلت لوحدي خل امشط احسلي مشطت ورشيت عطر ورطبت وجهي شو عجبني اخلي حمره يله وياها شويه كحله بقت على مورد الخدود باوعت لروحي يابه اخبل اروح فدوه اندك الباب
ليان: منو
زينب: اني
ليان: تعاي
زينب: عيني سيف يريد ملابسه
ليان: اي هسه جايه
عزا بعيني نسيت الرجال بل حمام
اخذت الملابس ورحت دكيت الباب
سيف: منو
ليان: هاك ملابسك سيف
جان ماد ايده انطيته الملابس وسحب ايدي سحبتها منه يمهه والله اذا ما عفتني هسه اصرخ
سيف: دتعالي
ليان: كتلك عوفني والله افضحك
سحبت ايدي منه ورحت للغرفه احس گلبي يريد يطلع تخبل هذا شبيه زعلان وما يحجي وياي ويريدني هاي شنو شمرت شالي وتمددت بفراشي شويه ودخل رفعت راسي خزرته
سيف: ليش ما جيتي الماي دافي والجو يخبل
ليان: عفته الك ماريد توني سبحت
ليان: يله نعوضها اهنا
ليان: عزاا شبيك انته
سيف: ليش مخليه فراشي جوه
ليان: وهو انته تنام جوه
سيف: بس عجبني انام فوك
ليان: منو لازمك جيب مخدتك وتعال
