بسم الله الرحمن الرحيم
الكاتبه نور الهـُدى
لا تنسو التصويت 🙂🫶🏻
......................................................................
ليان: حاول يسكتني بس القهر ياكل بگلبي مااحب احد يستعطف عليه احب اكون انسانه الي قيمه بس گلت يله اني الغلطانه والحمدالله هاي ولا غيرها نمت من بعد تفكير وتعب كعدت الصبح على الوجع بقيت افرك برجلي وظهري باوعت سيف نايم والجو بارد رجعت نمت ماكعدت غير الضهر طلعت غسلت ورحت اسوي ريوك مااعرف غدا دخلت المطبخ وخالتي گدامي صحيح خفت انو تحجي عليه بس قويت نفسي وهيه هم ماحجت ولو مالها عين تحجي بعد الي صار سويتلي كلاص حليب واخذت خبزه وكعدت بالاستقبال بقيت اكل والله مالي نفس، بس مجبوره علاج عندي شافني عمي
عمي: ها بويه الحمدلله على سلامتج شلون صرتي
ليان: الحمدلله عمي شوي احسن
خلصت غسلت اكلاصي وغسلت ورحت للغرفه اخذت علاجي ما عندي شي اسويه احس بفراغ بس مااعرف شنو گلبت بالموبايل ماكو شي ولا عندي صديقات احجي وياهم اخذتني صفنتي للماضي المشئوم ب المدرسه
الماضي:
ليان: صباح الخير اسراء
اسراء صديقتي
اسراء: صباح النور هلاو همزين اجيتي
ليان: خير شكو
اسراء: تعاي لكيتلج حل لكلشي بحياتج وراح تتحسنين
ابتسمت
ليان: يمعوده خليها على الله
اسراء: لا والله انتي مثل اختي ما يهون عليه اشوفج هيج تعاي نكعد واسولفلج
ليان: يله
رحنه كعدنا اني وياها على المصطبات مال المدرسه
اسراء: لكيتلج وحده تعرف تحصنج من الي
انتي بيه وبعد محد يتقربلج
ليان: ومنو هاي وليش تحجين الها اني سولفتلج لان انتي اقرب وحده الي ليش هيج اسراء
اسراء: ولج شبيج اكلتيني لحضه ماسولفت كلشي ولا حجيت بس اني اعرفها المره ومجرباتها اهواي كلت احجيلج عنها ونروح اني وياج الها وتشوفج
ليان: يمعوده صدك تحجين وين اروح والله امي تدفني بس تعرف طالعه لو متأخرة
اسراء: ولج شبيج محد راح يعرف وهيه هاي قريبه مو بعيده اخر درس ما عدنا شي نطلع والله مايصير شي جربي
ليان: لا اسراء والله اخاف
اسراء: لا تخافين كلشي عليه حتى ترتاحين انتي شايفه نفسج لا طبه لا طلعة لا حالج حال البنات
