بسم الله الرحمن الرحيم
الكاتبة؛ نور الهدى
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
ليان: رحت صبيتله غدا وجبته آله كعد يتغذى واني كاعده ع الجربابه
سيف: تعالي اكلي
ليان: غير هسه اكلت لفه
سيف: تعالي اكعدي يمي
ليان: كعدت بقيت اكل عنب وشربت لبن واكلت زلاطه باوعلي وكال
سيف: هاي عود ماكله
ليان: اسم الله شبيك هنه عنبات وزلاطه ولبن
سيف: لا مااكلتي شيء
ليان: عينك عليه ماريد بطلت
ردت اكوم وسحبني عليه وكعت بالصينيه اطشر الاكل وكع البن على الفرشه هو يباوع عليه ويضحك واني ماعوزي بس ابجي
ليان. هو هيج سيف شبيك هسه شينضف الفرشه
سيف: عوفيه لا تنضفينها انا انضفها
ليان: شال الصينيه وطلع كيفت كلت صدك راح ينضفها اني طلعتلي ملابس ابدل وهو دخل عليه يمسح على شواربه ويضحك اتقرب عليه وشمر الملابس وكال
سيف: انا ابدلج مو وكعتج انا
ليان: لا حباب اني ابدل
سيف: شو تعالي اروح فدوه للبن الوكع عليج وخلاج تنزعين ملابسج
ليان: شويه وكال كعديني علمود اروح رحت اني سبحت وبدلت ونضفت الفرشه لان سيف اعرفه مايسويها بس مااعرف شلون صدكته نص ساعه وكعدته سبح وبدل لفيتله الشماغ ولبسته الساعه ورشيتله عطر وجبتله البخور بخرته كتله اللهم صلِّ على محمد
ضحك وكال
سيف: هسه شطلعت
ليان: گمر
سيف: وبعد
ليان: تخبل
سيف: وبعد
ليان: هاي كافي الطمع مو زين
سيف: لا اكو كلمه يكولونها لشخص اذا لبس واتكشخ
ليان: اي صحيح يكلوله جنك عريس؛
ضحك باوعتله شنو قصدك عيني
سيف: انتي كلتي
ليان: وانته كيفت لعد غير ملابسك
سيف: ولج شغير تخبلتي
ليان: لعد ليش هيج تحجي
سيف: غير انتي عروستي وحبيبتي وام بيتي
ليان: ضحكت
سيف: اروح فدوه لهضحكه جعل محد يضحك غيرج
ليان: باسني براسي وطلع رجعت لميت الملابس ورتبت الجربايه وطلعت للبيت تنضيف وغسل المواعين وجهزت كباب ودولمه للعشاء ورحت توضيت وصليت كعدت اقراء قران وتصل سيف
