بسم ﷲ الرحمن الرحيم
الكاتبة.. نور الهدى
************************************
ليان. بعد ثلث اشهر من زواجي الي هيه عشت بيها ايام حلوه صحيح تمر مشاكل بس بنفس اليوم تعدي وبعدها اجاني الخبر الي مجنت متوقعته حسيت نفسي بحلم مااعرف شلون تقبلت الوضع بيومها جنت كاعده والحيرة والتفكير دمرني بتصرفات سيف يوم يتعامل وياي زين وايام ينگلب عليه حاولت وياه بكل الطرق بس ما فاد وماعرف اني هاي التصرفات والتقلبات المزاج كلها بسبب مرضه واني د افكر دخل سيف لى الغرفه
ليان. سيف اريد اروح لاهلي
سيف. ليش شعندج
ليان. ما عندي شي بس اريد اروح اشوفهم
سيف. تمام بدلي خل اخذج
ليان. رحت بدلت وشي يمنعني اروح بس ما ادري احس مخنوكه اريد اطلع بدلت وطلعنا طول الطريق ساكته ماحجيت شي كسر هل صمت سيف من كال
سيف.. بيج شي
ليان. لا
سيف. لعد ساكته مو من عوايدج
ليان. ما عندي شي سولف انته
سحب تليفونه وشغله لمن وصلنا كال
سيف. بليل اجي اخذج
ليان. تمام ما تنزل اسلم عليهم
سيف. لا عود من اجيج بليل
ليان براحتك
دخلت لاهلي كاعدين بالحديقه لاگوني اخواني سلمو عليه كال عمار
عمار.. هسه جنا نسولف بيج
ليان. يبعد اختك واني هم حسيت بيك وجيتك تعال شوف شنو جبتلك
جانو عندي حلويات عفتهن بالجنطه علمود عمار وغلا بقيت ادر ع امي ماكو سئلت
ليان. لعد وين امي
عمار. بيت جدي راح تشوفه
دخلت جوه البيت هدوء الي بالدوام والي نايم اخذتلي مخده عفت عمار بحضني ونمت ما حسيت على نفسي بسرعه غفيت كعدتني رغد
رغد. صح النوم
ليان. هلا حبيبتي بيش الساعه 12 هواي شكد نمت
رغد. لعد شوكت جيتي
ليان. الصبح جيت
رغد. يله كومي غسلي وخل نتغدى
كعدت لكيت امي بالمطبخ اسوي بالغداء سلمت عليها جهزنا السفره وخلينا الغداء واحنا نتغدى امي تسأل
امي. بيج شي جيت لكيتج نايمه وما كعدتج
ليان. لا يمه مابيه شي بس لان الفراشات والغرفه بارده نمت كلت بين ماتجين
اني بالي ماريد احد جنت مكتفيا بالسكوت الي يسأل اجوبه خلصنا غداء والبنات شالن المواعين جيت اغسلهن ما قبلت رغد.
