~හීන~[ONGOING]

85 වන කොටස

පරණ අවුරුද්දක් ගෙවිලා ගිහින් අද අලුත් අවුරුද්දක් උදා වුනා....අලුත් දවසක්... අලුත් වෙච්ච හීන හුඟාක් එක්කම අපි අද අලුත් අවුරුද්දකට පය ගැහුවා......

"Happy new year චූටී......"

නලල උඩ නැවතිච්ච ආදරණීයම පුංචි හාදුවක් එක්ක මට මගේ පලවෙනිම අලුත් අවුරුදු සුභ පැතුම අයියගෙන් ඒ විදියට හම්බ වෙනකොට අහසෙ රටා මවපු මල් වෙඩි පවා අපිට ආශිර්වාද කරා වගේ හැගීමක් මගෙ හිතට ඒ වෙලාවේ දැනෙන්න පටං ගත්තා..

" Wish you the same අයියේ...."

මාත් ආපිට මගේ සහස්ට ලොකු හග් එකක් දෙනකොට මං බලාගෙන තැත් තැන් වල විසිරිලා හිටපු මිනිස්සුන්ගෙං මුලු පල්ලිය වත්තම වගේ බලාගෙන ඉන්නැද්දි පිරිලා ගියා.....

31 st night mass එක මිස් කරගන්න තරම් අපි කවුරුවත්ම එච්චර මෝඩ වුනේ නෑ....මොකද ඕනම දෙයක් පටං ගන්නකොට එතනට දෙවියන්ගෙ ආශිර්වාදය හුඟක් අත්‍යාවශ්‍ය දෙයක් කියන කන්සෙප්ට් එක මං මගේ මුලු හදවතින්ම වගේ විශ්වාස කරපු තවත් එක කාරණාවක් කියන්න අයියලා වුනත් හොදට දැනගෙනයි හිටියේ....

" චූටි මල්ලිලා දෙන්නා මොකෝ කියන්නේ ගෝල් පේස් එක පැත්තෙ ගිහිං පොඩි රවුමක් දාලා එමුද අහ්....."

පල්ලිය වත්තෙන් එලියට අඩිය තියනවත් එක්කම වගේ ෂාන් අයියා කියපු ඒ අයිඩියා එක සම්බන්ධයෙන් මටත් ලොකු ආසාවක් ඇති නොවුනම නෙවෙයි....ඒත් ඉතිං මං ඔය කෝකටත් කියලා අපේ නවෝත් දිහා බැලුවෙ රෑ එන්න කලින් වගීෂා ආන්ටි කියපු දේවල් ටික මගේ ඔලුවට දඩාස් ගාලා අත ඇරිච්ච හෙනයක් වගේ මට මතක් වෙච්ච හින්දයි.....

" අම්මලා බර බරේ දායිද දන්නෑනේ...."

" ඒකම තමයි බං මාත් මේ හිතුවෙ....මතකනෙ ගෙදරින් එන්න කලින් දීපු දේශනාව....."

" ම්ම්......"

" ප්‍රශ්නයක් වෙන්නේ නෑ ඉතිං උඹලයෙ ලොක්කා අයියත් මෙතන මේ ඉන්නෙ... මොනවහරි වුනොතිං එහෙම පොර වගකීම භාර ගන්නැතෑ...."

" අනේ මේ මට නම් බෑ ඔය එකේක හිකනල් පැටව්ගෙ මගුල් වලට කර ගහන්න හරි....."

" තමුසෙ කොහොමත් මගේ දේවල් වලට හොට දාන්න එන්න ඕනෙ නෑ ඕයී...."

" අදත් පටං ගත්තා මෙතන ඊස්‍රායෙලෙයි පලස්තීනෙයි වගේ ඇවිලෙන්න...."