الحب له اكثر من معنى بس حبي لك ما ينوصف

P3

وعند بطلنا فارس الي ماكان يبغى ساره وكان يقول عنها دلوعه وبكايه وام دميعه ومارح يقدر يحبها لكن لولا طاعةً لجده ماكان سوا كل ذا واساسا كان يبغى اي وحده غير ساره.. وبدأ يفكر بينه وبين نفسه وش رح يصير بينهم وكيف بتكون حياتهم..
وعند بطلتنا الي للحظه كرهت فارس واسمه عشان غصبها يتزوجها هو وجدها وهي ماكانت تبي تتزوج من ذا العمر الصغير وبدت تبكي وتنهار لدرجه حمرت عيونها الا أبعد حد وجو ليان وجوري ووعد يحاولون يساعدونها ويهدونها وهي بس ترفض وتقول اطلعوا من غرفتي ما ابي اشوف وجهيكم!!!

طلعو البنات من الغرفه حزنانين عليها خايفين يصير لها شي واكتئبو كلهم
بينما سيف استغرب من السالفه ولسه ما تقبل انه واحد من اخوياه بيتزوج بس قال عادي
بينما البنات كلهم بدو يبكون زعلانين على حاله ساره وحتى عبير بكت وحست بالذنب لأنها ما تكلمت
وعند بطلتنا ساره بعد ما انها انهارت وبكت تذكرت انه في كثير بنات في عمرها الحين حامل وهي كمان قالت عادي بما انه هذا الي كتبه ربي
راحت عند جدها وتكلمت بضيق: هلا ياجدي انا موافقه..
الجد حس انه زعلها وقال : يعمري يروحي يا ساره والله اني اسف اني سويت كذا احلفلك معاد اصارخ عليك
وساره الي حتى نظره ما ناظرته ولا عبرته : اي ان شاء الله
الجد: يلا شرايك الزواج يكون بعد اسبوعين
ساره فتحت عيونها بصدمه وناظرته وقالت : اسبوعين!!! كيف اسبوعين لا!!
الجد : معليش يابنتي لازم نسويه بدري على اساس لسه باقي حفله ملكه فالملكه الاسبوع الجاي
ساره الي بدت تبكي وتقول ليه ياجدي ليه
الجد بعصبيه : يا بنت قلت لك مره ماتسمعين
ساره ببكيه : اي ياجدي ان شاء الله
ومشت وبدت تبكي زياده وشافها فارس وهو توه راجع من الدوام تقدم لها وقال شفيك صدت وجت تمشي الا يمسك يدينها ويقول : اقولك اشفيك؟؟
ساره عطته نظره وقالت وهي عيونها كله دموع : بتصارخ على زي جدي يعني؟؟
فارس : اف وش ذا الدراما ترا زواج يا بنت الناس زواج مهو شي ثاني محسستني بتدخل السجن ذي
ساره صارخت عليه : شتقصد يا المعتوه احمد ربك اني باخذ زيك فاهم!؟ احترمني تراني بنت عمك لا تنسى
فارس رفع حواجبه ومسك يديها وبدأ يضغط عليه وقال : انا احمد ربي ولا انتي واضح من يحمد ربه بالثاني انا الي باخذ دلوعه زيك يا ام دميعه
ساره ضربته كف نساه اسمه وقالت : تذكر حدودك عند زوجتك! ومشت وخلته بصدمه بأن بحايته ماقد احد رفع يدينه عليه وهي رفعته وانجمد بمكانه وهو يقول بينه وبين نفسه كيف قدرت ترفع يدينها على؟
الجد بعدها بكم ساعه نادى ساره وفارس على اساس يوقعون دفتر الملكه ووقعو 
مشت ساره وهي تبكي وراحت عند امها وبدت تعاتبها وتقول امي الي هي امي ما تكلمت عن ذا الموضوع ليت ابوي حي والله كان بيأخذ حقي!!!
ورجعت لغرفتها هي تقول يمكن زعلت عشان الي صار وكنت حاطه في بالي على الاقل الشخص الي انا بتزوجه احبه ولكن هو ولا حتى يعبرني ويقول عني ام دميعه يالله ليه كذا ليه
(اليوم الثاني)
بدت ساره تربت أغراض الملكه وكله الي فيها هي وامها على أن ما كانت تنطق ولا كلمه ولا تخليهم يساعدونها وتسوي كل شي لوحدها
في الصباح صحت ساره وشافت انه الساعه ٢ وتذكرت كل البكي الي مرت فيه وايش صار لها وقالت : الحمدلله على كل حال..
مشت شافتهم ياكلون حطت حجابها في راسها وراحت غسلت يدينها وتقدمت تجلس عندهم ولا نطقت بأي كلمه واكلت بسرعه وقامت وفارس علطول قال : وش ذا ما كليتي ولا شي اقعدي كلي زين
ساره : وش شايفني بمشي على اوامرك؟ اتخسي
عصب فارس مره من كلمتها وقال : تاكلين يعني تاكلين!
ساره :و لا يعني لا افهم
الجد : ياقلبي يا ساره كلي حبيبتي
ساره قعدت بكل عصبيه وقامت تاكل
خلصو الاكل كلهم وقامت ساره وقالت لفارس ودني المول اليوم بجيب فستان الملكه
فارس أشر بعيونه وقال : من عيوني
ابتسمو كل الي كانو بالطاوله وخجلت ساره واستغربت وقالت بينها وبين نفسها هو الحين طيب معاي عشان اهلي ولا ايش؟ ما اعتمر بالموضوع وراحت علطول لبست عبايتها وطرحتها وراحت هي وفارس دخلت السياره وهي مرتبكه وخايفه راحت المقعد الي ورا
قال فارس : شايفتني اوبر ولا وش
ضحكت بخفه : ما ابي اقعد قدام
فارس شاف ضحكتها وحس بشعور غريب واول مره يحسه وكانه فرح من ضحكتها
فارس : تعالي اقعدي قدام
قامت ساره من مكانها وراحت قعدت قدام وطول الطريق وهم ما يتكلمون
بدا فارس يحس بشعور غريب لها وكان ينبسط من داخله اول ما يشوفها
وصلو المول طلعت ساره علطول وكان فارس وراها يمشي دخلت محل ولفت عيونها فستان بنفسجي فاتح قصير وشوي مفصوخ بس عجبها أخذته تقدم فارس يشوفه وقال : شذا بتلبسين ذا بالملكه لا والله ايش هذا مره قصير!
ساره : ملكتي وانا العروسه اسوي الي ابيه
فارس : اقول مارح تشتريه يلا انقلعي
ساره : ما بنقلع يلا بشتريه
فارس : ساره
ساره : عيونها
ساره انصدمت من نفسها وقالته بدون وعي وهو انصدم قال : لا تاخذينه
ساره : خلصت يا فارس تكفى ابي اشتريه ما لقيت شي غيره
فارس : اول واخر مره فاهمه
ساره : اي فاهمه يا معلم
راحت ساره بتدفع المبلغ الا فارس يوقفها يقول منجدك انتي تدفعين ارقل انا بدفع يلا ابتسمت ساره ومشت للسياره وسبقته خلص فارس واخذ الفستان وقال بينه وبين نفسه يا انك بتطلعين جميله فيه
دخلت ساره السياره ورجعوا كلهم البيت بدو كلهم يزغرطون ويباركون لها وهي قالت بينها وبين نفسها مهما صار بخليه يحبني غصب لو ايش وهو بيشوف ومارح ازعل ولا ابكي
جت ليان وباركت لها ولكل البنات وجاها رسايل وكل أقاربها باركو لها وبعدين راحت ليان مع فارس اخوها تاخذ فستان كمان هي وجوري ووعد وراحو كلهم وأخذت ليان فستان ازرق فاتح مفتوح من عند الركب وكان يجنن وجوري خذت فستان اسود طويل وحلو ووعد خذت لها فستان بني طويل منفوش شوي وكان يهبل وكلهم رجعو البيت..
_____________________
كذا بارت ثلاثه انتهى بنوتاتي ما اشوف اي تفاعل والله اتعب وانا اكتب تكفون تفاعلوا ولو شوي 😞