الحب له اكثر من معنى بس حبي لك ما ينوصف

P33

سكر الباب هود وقال : ليه طالعه كذا؟؟
تنهدت وقالت : مني طالعه كذا لا بس اخذ الطلب من المندوب
قال هود : طيب قولي لي انا افتحه واخذه مب انتي ، تعرفين انه يمكن يمسك يدك او شي انا هنا قاعد في الحوش على الاقل قولي هود تعال خذ الطلب
قربت ليان منه وعطته بوسه على خده وقالت : اسفه
وأخذت الطلب ومشت
وهود الي متصنم في مكانه من حركتها وجرئتها ما توقع واحد بالميه انها رح تسوي كذا حط يدينه على خده وهو شوي ويدوخ
ناظرته ليان وضحكت ومشت فوق عند البنات وعطت كل وحده واكلها وبدو البنات ياكلون

عند ساره وفارس ~
بعد نص ساعه تقريبا قامت ساره وقالت : يلا خذ التشيز كيك حقك
قام فارس واخذ حقه وأخذت ساره حقها وجابت معها ملاعق
قعدو بالكنب وقالت ساره : يلا بعد وانت كُل حقك وانا باكل حقي
واحد..
اثنين..
ثلاثه..
اكلت ساره حقها واكل فارس حقه انبهر فارس من اكله ما توقع بيطلع طعمه كذا حلو بينما ساره اكلت حقها وكان طعمه مرره يجنن
ناظر لبعض لكم ثانيه وقالت ساره : يلا نتبادل
بادلو الصحنيين واكلت ساره من حقت فارس رفعت حواجبها بانبهار لان طعمه كان حلو بينما فارس ذاق حقت ساره وعجبته مره
قالت ساره : واو ما توقعت تكون حلوه مره
قال فارس : ابد لأنها من يدي
ضحكت ساره
قال فارس : حقك مره لذذذذييييذ
قالت ساره : طبعا لاني انا سويته
قال فارس : بس في شي الذ
عقدت ساره حواجبها وقالت : وش
قال فارس : شفايفك..
غصت ساره وهي تاكل ناظرته بصدمه وهي مبتسمه
قرب منها فارس وقال : اقول الحقيقه شفيك
بعدت منه وقالت : خليني اكل بس
ضحك فارس
وهي تاكل ساره قالت : قولي شعر ولا عباره او شي تدري انا وليان كنا نبي شاعر ههههههههه
ناظرها فارس بهيام من غمازاتها الي دايما تاخذ عقله وقال : < حرم الإسلام شرب الخمر ولكن حلل مص الشفاة الحمر >
فتحت ساره فمها بصدمه وخجل جاها مشاعر متلخبطه من كلامها ماتعرف تنصدم اول ولا تخجل ولا تهرب ولا وش تسوي
ناظرها فارس وضحك بقوه وقال : اما حلوه يعني
ناظرته ساره بصدمه وهي ساكته وماقالت كلمه
ناظرها فارس وقال : معليه ترا مارح اكلك
ضحكت ساره بخفه وناظرت الجدار وبدت تاكل بصدمه
وقالت : اساسا كنت زعلانه منك بس يلا عادي
قال لها فارس :
لا تجيبي طاري الزعل وانا عاشق
في الميدان الحب محارب
فقد الغمازه يجيب الزعل الحارق
لكني فارس في ميدان الحب كاسب
ناظرته ساره بصدمه وهي ماتدري ذا من متى صار شاعر لفت له بصدمه وقالت : من متى صاااااير شاااعر وانا ماعرف
قال فارس بهيام : من شفت غمازاتك
ابتسمت ساره بخجل وسوت نفسها مشغوله بالأكل..
عند البنات ~
كانت ليان تاكل وتذكرت انها كانت طالبه لهود والعيال حتى بس نست تقولهم مشت تحت
وشافت هود بالحوش
قربت منه وقالت : هود
يناظرها هود وقال : سمي
قالت ليان : جبت لك اكل انت والعيال
قال هود : ليه تكلفين على نفسك طيب كان انا طلبت لهم عادي
ابتسمت وقالت : مافيها مشكله انت خذه وعطه للعيال
ابتسم هود وقال : طيب
لفت ليان ومشت
نطق هود :
شبهت عينها بعين ريم الغزلان الناعم
لكن عينها شبيه نجمه لامعه باليل الكاتم
لفت ليان وابتسمت من قلب دخلت البيت وابتسمت ابتسامه عريضه شوي وينشق معها خدودها وقالت بينها وبين نفسها يالله من جهه صار شاعر ومن جهه مز شوي شوي علي
عند هود شاف حركاتها وضحك دخل عند العيال وعطاهم الاكل
بدو العيال يصارخون مين ياخذ ذا ومين ياخذ ذا
صارخ هود وقال : بس!!
انا بعطيكم انطمو واقعدو مسويين فيها ماقد شفتو اكل
ضحكو العيال وعطاهم هود كل واحد له وجبته
اكلو العيال وطلع ياسر ينظف يدينه وبنفس الوقت طلعت نجلا تنظف يدينها
شافته وعلطول مشت تلبس حجابها لبسته ومشت تنظف يدينها قرب ياسر وشافها قرب وغسل يدينها لفت نجلا وشافته وما قالت شي
نطق ياسر : الحين تتذكرين يوم كنا نتهاوش واحنا صغار
ناظرته نجلا وشمقت له وقالت : اي اتذكر
ناظرها ياسر وقال : وع نفسيه
قالت نجلا : مافي غيرك نفسيه أقول بس انقلع
ناظرها ياسر وقال : انطمي
قالت نجلا : انت الي انطم وع
مشت نجلا عقد ياسر حواجبه ومشى
عند جوري نزلت تحت حتى هي تغسل يدينها وصادفت سيف الي كان ماشي ياخذ له مناديل ابتسمت من شافته ولفت علطول تغسل يدينها
شافها سيف وسرح فيها للمره الالف دايما يشوفها ويسرح فيها دايما يشوفها ويقول بينه وبين نفسه مني ابني نفسي واشتري لي واشتغل لمهرها يالله بس متى يجي اليوم الي اكون انا وهي بغرفتنا قرب منها سيف
جت جوري بتمشي وسحبها سيف من يدينها وقال : شفيك تصدين عني
ناظرته وقالت : ما اصد عنك قاعده اغسل يديني
قال سيف : طيب ودي اتأملك من اليوم لبكره
ناظرته وضحكت وقالت : مني صنم انا
ضحك سيف وقال : يا انك جميله ماشاء الله
ناظرته وابتسمت بخجل وقالت : يلا انا بروح فوق العايل لا يشوفونك بس
قال : اليوم يمكن لا بكره ان صرتي زوجتي بتشوفين وش بسوي فيك وقدامهم
ناظرته بصدمه وضحكت ومشت فوق ترجع عند البنات و.....
__________

ادري البارت مرررره قصير بس والله انا مررره تعبانه ادعو لي بالشفاء مره تعبانه وقلت لا لازم اسوي لكن بارت عشان لا تزعلون
طبعا الشعر مب مني من وحده ثانيه من عجبني شعرها وحطيته شكرا 🖤
طبعت سويت حساب انستا ضيفوني فيه : laiw_33
الكاتبه : ايفا ✍🏻🖤
احبكممم 🩵🩵