الحب له اكثر من معنى بس حبي لك ما ينوصف

P9

عند فارس وساره
دخلت ساره غرفه فارس مره ثانيه وقالت له : فارس انت بالله شفت القاعه او اي  شي هناك
انا خايفه تطلع مهي حلوه القاعه او شي
كانت ساره قدام فارس الي قاعد بالسرير
سحبها من خصرها وجلسها فوق فخذه وقال : دامك موجوده بتحلينه
ناظرته ساره بصدمه وقالت : اصبر علينا لسه ما صرت زوجتك
شد يدينه على خصرها وقال : انتي الحين حلالي وزوجتي اسوي الي ابيه
لفها فارس لجهته وبدأ يناظر عيونها وهي خجلانه وحضنها
ابتسمت ساره وبداخلها فرح كبير ان اخيرا بدأ يحبني ويظهر محبته لي بافعاله وكانت بنفس الوقت مستحيه
قاطع حضنهم صوت صراخ جوري تحت وهي تنادي : فاااارسسسس ابي شاحنييييي
ضحك فارس وهو يحضنها
بعدها عنه وقال : يلا انا نازل تبين شي
قالت : لا سلامتك
تقدم فارس يقبل خد ساره بهدوء وقال : والله انك سرقتي قلبي انا و وش اسوي بس
ضحكت ساره وقالت : يلا يلا لا جوري تموتنا احنا الاثنين
نزل فارس وعطى جوري الشاحن بينما ساره راحت قعدت عند جدها وقالت له : ياجدي ودي اشوف فستان الزواج والقاعه
ابتسم الجد ونادى عبير جت عبير وقال الجد : طلعي لها فستان الزواج الي اختارنه
ابتسمت عبير وقالت : ابشري
بعد كم دقيقه جت عبير ومعها فستان حريري طويل وحلو وكان هذا فستان زواج ساره
ساره لا اراديا عيونها لمعت وكانت ماسكه الصيحه
انها خلاص رح تتزوج وما بقى الا شوي
جت عبير وحضنت ساره وقالت : الله يهنيكم ويسعدكم يارب
ابتسمت ساره ومره عجبها الفستان وبعدها قالت: عن القاعه طيب؟
ابتسمت عبير وناظرت الجد وقالت : لا لا هذا بعدين بتشوفينه
ابتسمت عبير تقدمت تمشي لغرفتها تنام وهي تمشي قالت بحط تغريده وابتسمت بخجل من تذكرت موقفها هي وفارس وقالت بخليه يعشقني بس ينتظر وضحكت
وصلت لغرفتها لبست بجامتها وراحت تكتب التغريدة جاهله ان فارس يقدر يشوفه لان متابعها مو بس بالسناب حتى بتويتر
وكتبت :
               انظر اليك واتسائل ماذا عملت
             من عملاً صالح لأفوز بحياه معك ❤️

كتبته وراحت نامت
وكل الي كانو في البيت نامو الا فارس كان صاحي يشرب قهوه ويقلب في جواله
شاف اشعار من ساره علطول فتحه قرأ الي كانت كاتبته وصفر خجل وصار كله في كله فراشات من الفرحه اخذ لقطه شاشه عشان يذكرها فيها بعدين ورد عليها وقال
                 
                   ثم تسائلت هل يجب علي
                ان اقول هذا ام انتي؟ فاليقت
               الجواب ب انا من يجب قول ذلك 💗

تقدم يمشي لغرفته ينام وشاف هود صاحي وقال : افف للان مانمت
ضحك هود وقال : على اساس انت نمت
تقدم فارس وجلس جنبه غمز له وقال : اشوف عيونك عند ليان ذي الفتره
ضحك هود وقال : الصدق اي والله انها جذبتني بأقوى ما عندها صح اني شديد بس والله هي ماقدر أقاومها ماعرف اتكلم عن صوتها او جمالها او شعرها
ضحك فارس وقال : البداياتتت البداياتتت
قال هود : لا ترا صدق بعد ما انت تتزوج انا بتقدم لليان
فتح فارس عيونه بصدمه وقال : صدقق؟؟
ابتسم هود وقال : اي والله
ابستم فارس وبدأ يتكلم عن زمان يوم كان يحب وحده في وحده من مواقع التواصل الاجتماعي
ضحك هود وقال : اي اي اتذكر واحنا كنا نطقطق عليك ونحط اغاني نانسي ونرقص عليه علشانك
بدا يضحك فارس وقال : اييي اتذكر كنتو ترقصون يوم قالت لي احبك لأول مره ضحك هود بقوه وقال : ها الحين ساره بتصير زوجتك
ابتسم فارس وقال : زوجتي تسواهم كلهم
ابتسم هود وقال : هالله هالله ماشا الله على ذا الحب الله يهنيكم 
ابتسم فارس وقال : يلا بكره عندي أشغال الزواج لازم اجيب الثوب والبشت وكل شي
ابتسم هود وقال : ابشر يلا خل ننام
وفعلا راحو نامو العيال
( اليوم ثاني )
صحت ساره اليوم الثاني على صوت أهلها يسولفون وياكلون
قامت نظفت وجهها ولبست بجاما وفوقها عبايه وطرحه بس اذا يشوفون إذا الاولاد موجودين يكون عليها احتياط حطت مسكرا وروج تقدمت تنزل تحت شافتهم كلهم مجتمعين بطاوله الطعام واستغربت انه بس فارس موجود مو الباقيين
تقدمت تجلس على الكرسي وهي تاكل لاحظت نظرات فارس لها وابتسمت وقالت : وين باقي العيال
وضحكت وقالت: عموري فين؟
ضحكو البنات عكس فارس الي عصب لانها دلعته او حتى جابت سيرته هي مالها دخل في عمر والا لها دخل في زوجها وبس وحس بنار الغيره بداخله وسكت وماقال شي
خلصو العيله اكلهم وقامت ساره تنظف وترتب السفره لاحظت انه فارس راح علطول ولا ناظرها وصد عنها استغربت منه وقالت بتروح له
تقدمت تمشي وراه وتناديه : فارس
لف فارس لها وقال : هلا
قالت : شفيك
قال : ولا شي
قالت له ساره : لا واضح فيك شي
قال فارس : لا وتقدم يمشي
سحبته ساره من ثوبه وقالت : فارس قولي وش فيك
صارخ عليها فارس وقال : ماتفهمين ماتفهمين قلت مافي شي ليش ناشبه لي لذي الدرجه ترا الزواج بعد يومين بعدها انشبي لي زي ماتبينن!!
ناظرته ساره بصدمه وعيونها لمعت بدت تبكي ناظرها فارس وتذكر الكلمات الي قالها له وان هو اذا عصب يقول كلام مو حلو مهما كان الشخص الي قدامه
ناظرها وقال : هيه اقسم بالله اني اسف والله والله ساره والله اني اسف والله مب قصدي بس عصبت
مشت عنه ساره وهي تبكي مشى فارس وراه وسحبها من عبايتها وقال : اقسم بالله اني اسف ساره ناظريني ساره والله اني اسف والله
ضربته ببطنه وقالت : اتركني اتركنييي
قال فارس: هيه بنت والله اني اسف وطلعت مني بالغلط والله مو قصدي
قالت له ببكي : انا الحماره الي حبيتك وقدرتك وسويت كل شي اقدر عليه عشان تحبني وبالنهايه تقول عني نشبه!!
تقدمت تمشي بغضب وراحت لغرفتها وبدت تبكي فيها لين نامت
وعند فارس الي جاه تأنيب ضمير من الي سواه والي قاله وكيف وهي تبكي اعترفت له بحبها وانها كانت تبغاني احبها طول الوقت بدأ يفكر فيها
جا وقت الغداء وكانت ساره تطبخ الاكل وهم مسويين كبسه فكانت تطبخ وانظف المطبخ وهي لحالها لان باقي البنات ما جوو يساعدونها وبنفس الوقت فارس كان يبي مويه فدخل المطبخ شافها وشاف حجابها للي من طول شعرها بان شعرها من تحت وعبايتها
قال : ابي مويه
لفت له ساره بضيق وقالت : طيب
خذت كوب وعبته مويه وعطته وصدت عنه علطول وهي تطبخ ولا سولفت معاه ولا سوت له شي
قال فارس : اساعدك بشي؟
قالت ساره بضيق : لا عشان ما اناشبك
حط فارس يدينه على راسه وقال بعصبيه : طيب ليه تخليني اغار قولي لي ليه تدلعين عمر؟ وليه تسالين عنه العيال انا اساسا قلت لهم لاعد ياكلون بالطاوله محبة لك!!
لفت له ساره بصدمه وعرفت ليه سوا كل ذا وانه كان غيران عليها من العيال وعشانها دلعتهم
تنهدت وقالت بضيق : ماكنت اعرف بتغار
قالها فارس : اي طيب ومشى وبداخله ضيق
بينما ساره الي نزلت منها كم دمعه..

__________________

لا تقصرون ب ⭐