الحب له اكثر من معنى بس حبي لك ما ينوصف

P8

طلعت بره ليان تنادي هود وهي تناديه مالقته بدت تدور بالأماكن بس ما لقته دخلت مجلس الرجال ومن دخلت ناظرته قاعد يشرب شاهي وتذكرت الموقف لما ضغط على يدينها
ناظرته وقالت : السلام عليكم ورحمة الله وبركاتة
رفع هود انظاره لها وشاف عيونها الغزاليه وقد ايش عيونها جميله وتسرح الواحد وقال : وعليكم السلام ورحمة الله وبركاته شبغيتي
ردت ليان برجفه وقالت : والله بس قلت لو تقدر تودينا المول ابي اخذ فساتين انا والبنات
ابتسم هود وقال : ترا مارح اكلك عادي تكلمي عادي
قالت ليان بحده : وتتوقع اني بنسى كيف ضغطت على يديني
ناظرها هود بعصبيه وقال : انتي لسه معصبه من ذا الموضوع يعني؟؟
قالت ليان : طبعاً
صارخ عليها وقال : ليه اجل ليه؟
بعدت ليان منه وقالت : ليه تضغط على يديني اجل ليه؟
بدا يصارخ هود وقال : اغار اغار عليك اغاااار اغاااار مابي لا العيال يشوفونك ولا غيرهم!!!
بلعت ليان ريقها بصدمه منه ومن اعترافه انه يغار عليها وبدأ نبضات قلبها يزيد وهي ساكته
تنهد هود وقال : خلاص بوديكم تجهزو
مشت ليان وهي عيونها مفتوحه لابعد حد ومنصدمه منه وكانها ماعد تبي تشوفه من قوه الخجل الي فيها وانها فجأه استحت
دخلت عند البنات وقالت : هود قال تجهزو بيودينا الحين
قالت جوري : اف ظهر وش ذا حر بنروح
قالت وعد : عادي بس ليان شفيك انتي وجهك محمر
ضحكت ليان وقالت : لا لا هههه بالغلط طحت بوجهي
استغربت وعد وقالت : بسم الله عليك
ابتسمت ليان وتوجهت تروح لساره
شافتها قاعده كمان تتقهوى
وراحت عندها وقالت : ساره
ردت ساره : لبيه
قالت ليان كل الي صار من أوله لاخره
فتحت ساره عيونها بصدمه وقالت : أسألك بالله صدق؟!!!
قالت ليان : اقسم بالله
بدت ساره ترقص وتقول : يلا باقي شوي وزواجكم قريب
ضربتها ليان بكتفها وقالت : ماعرف شفيني احس حبيته
ضحكت ساره بقوه وغنت :
قالو لي الحب له علاماااااااااااات
وبدت تضحك وتقول : اف يالكبل الحلو هذا
ضحكت ليان وقالت : خلاص خلاص انتي من زين ماحد يجي عندك بس لا اله الا الله
ضحكت ساره وقالت : اف ما اضحك على مجانين زيكم
رفعت ليان حواجبها وقالت : والله ما المجنون الا انتي وفارس
ساره عطت ليان نظره وقالت : هيه الا هو
وضحكت ليان وقالت : اي اي نسيت هو الحبيب
ضحكت ساره
وليان قالت : يلا بروح البس عبايتي
قالت ساره : تم
لبست ليان عبايتها ونقابها وكذلك البنات وطلعوا واقفين ينتظرون هود
بينما ليان الي كانت مستحيه طول الوقت ومنزله راسها تحت
جا هود شافها وابتسم
مشي يفتح السياره فتحها ودخلو البنات كلهم وركبو ورا
بالطريق لاحظت ليان نظرات هود لها وكانت مرره مستحيه ومنزله راسها
وصلو البنات المول واول وحده طلعت كانت ليان وطلعوا البنات بعدها كلهم يدخلون المول وكان وراهم هود يمشي معهم
بدو يدورون البنات لهم ساعه وهم يدورون ولا لقو شي
لقت جوري لها فستان احمر حلو طويل مفتوح شوي من الركب ومن الخصر ماسك
وعن وعد الي لقت لها فستان ازرق غامق حريري كان قصير شوي وحلو بنفس الوقت
أما ليان الي لها ساعه تدور ولا لقت لها شي
خلصو البنات وطلعوا وقالو لليان : ليان والله تعبنا متى تلقين لك فستان
قالت ليان : والله ماعرف اصبرو بس شوي ادور أكثر
مشو البنات تقريبا ساعتين ولسه ليان معي راضيه ب ولا فستان
قالت جوري : والله يا ليان انا بقعد وانتي ووعد روحي دوري
بينما وعد قالت : لا والله امشي أكثر من كذا رجولي بتنكسر وانا امشي والله
قالت ليان وهمست لهم : يعني تخلوني لوحدي مع ذا هود منجدكم!
قالت جوري : خلاص عاد ترا مارح يقرب منك بس بيمشي معك
بلعت ليان ريقها وقالت : طيب طيب بوريكم بعدين
ناظروها البنات وسكتو وقعدو بالكراسي الي كانت موجوده
وبدت ليان تشمي ووراها هود وهي خايفه و متوتره
بعد نص ساعه وهم يمشون نطق هود وقال : يابنت الناس لك ساعه تدورين اختاري فستان عاد
قالت له ليان : تراي اخت العريس يعني لازم أجمل اطلاطه اسكت
ضحك هود وقال : طيب بس تكفين والله
كسرتي رجولي
ليان قالت بدون وعي : هيه بسم الله عليك انت الثاني
ناظرها هود بصدمه وحس بشعور ما ينوصف من كلمه وحده منها بس وكانها خايفه عليه وسرحح فيها وبدأ يتأمل عيونها ويتذكر كلمتها براسه وهي ماهي مستوعبه وقاعده تدور الفساتين
قال فارس : اسمعي انا بروح الكوفي بس اخذ كوفي واجي
قالت ليان : طيب بس بسرعه
رجع هود بعد ١٠ دقايق شافها لسه بنفس المحل
طلعت من المحل وراحت محل ثاني لقت فستان قرمزي طويل حريري ويجنن وقالت : ذا ابيه
ابتسم هود وهز راسه بالموافقه وقال : عطيني اياه
قالت : طيب خذ الفلوس
قال : مجنونه انتِ انا بدفع
قالت : لا ياهود غالي لا تدفع
قال : والله لا ادفع خير اخليك انتِ تدفعين
ابتسمت ليان وقالت : طيب شكرا
قال : ولا تقولين شكرا ترا ما بيننا شكر
ابتسمت ليان وقالت : الله يسعدك
قال : وياك
راح هود بيدفع الفلوس جت ليان وراه دفع الفلوس هود وتذكر ان جواله كان حاطه في الكوفي طلع بره المحل وراحت ليان وراه وهي تحسبه ماخذ الكيس ركض هود يوصل للكوفي
ناظرت ليان يدينه وهي تركض وتقول : هود الكيس نسيته
اخذ جواله والتفت لها وقال : طيب كان خذيتيه
قالت ليان : طيب احسبك ماخذه
رجعو للمحل وسبقته ليان وهي توصل
قالت : معليش نسيت الكيس
قال الكاشير : اي زوجك نساها هنا
جت بتاخذ الكيس وسمعت كلمته بلعت ريقها وقالت : مهو زوجي
قال الكاشير : اوه اسف والله
قالت : عادي وهي مستحيه
وعند هود الي ذاب وقال بينه وبين نفسه والله بيجي يوم ويقولون لك يا زوجه هود بس اصبري بالايام بيجي
بدت تمشي ليان بسرعه وهي تتذكر كل شي صار بينهم وهي من كثر الخجل والاستحياء خدودها صارت حمرا
ضحك هود وقال : ترا بتصيرين طماطم يكفي خجل
ناظرته ليان واكتفت بالسكوت
وصلو عند البنات وأخذو كلهم الأكياس وتوجهو يروحون للسياره دخلو السياره
ومعليش للتذكير (جوري هي اخت هود)
قالت جوري : ياخي شغل لنا شي على الاقل
قال هود : وش تبغوني اشغل طيب
ناظرت جوري البنات وقالت : ها شتبون
قالت وعد نانسي او هيفاء وهبي
قالت جوري : وانتِ يا ليان وش تبغين
قالت ليان بصوت خافض : اي شي تبغونه عادي عندي
قالت جوري ل هود شغل هيفاء وهبي
قال هود : وشذا لا بالله تسمعون اغانيها والله يا زين ذوقكم بس
قالت جوري : لك من عم يحكي ( طبعا هذي نفس الرياكشن ذاك المشهور بس حبيت ادخله 😭)
ضحكت ليان بقوه هي ووعد
سمع هود ضحكتها وبين وبين نفسه وكأن يبغى يسمع ذي الضحكه دايم
وبالاخير ولا حطو شي
وصلو البيت طلعت ليان بسرعه تتوجه لغرفتها وبدت ترتب اغراضها وكل شي عندها عشان الزواج بس باقي له يومين

____________________

إذا في أخطاء املائيه معليش ويلا عاد البارت الجاي بدلعكم رومانسيه لان كلكم قلتو لي حطي ولو شوي رومانسيه ف يلا ابي أشوف تفاعلكم 🫣
لا تقصرون ب ⭐