الحب له اكثر من معنى بس حبي لك ما ينوصف

P4

وام ساره عبير قالت لها : ياقلبي روحي البسي ووريه فارس
ساره : ليش يما انا وريته وهو شاف الفستان مو لازم ان انا البسه مره ثانيه
عبير : لا يا قلبي ساره لازم تلبسينه
تنهدت ساره وقالت : ابشري تمام
وعند ساره الي راحت تلبس الفستان وقالت انها بتسوي ميكب شوي ثقيل وراحت تروشت ونشفت شعرها الطويل الي واصل لين خصرها وبدت تلبس الفستان وتمكيجت ولفلفت شعرها ولبست كعبها وقالت والله لا يموت فيني وجت تتوجه لفارس في غرفته عشان توريه
مشت له تقدمت وفتحت الباب وقالت : هلا فارس
فارس بصدمه من جمالها وجمال شعرها الطويل الملفلف وجمال ملامحها وقد ايش هي فاتنه ولفتت انتابهه مره لدرجه بدأ يتأملها ونسى اساسا هي شقالت وبعدها بشوي رجع لوعيه وقال : سمي
ساره وهي مبتسمه : شوف كذا طلع الفستان علي
فارس وهو يشوف ابتسامتها وغمازاتها الطويله ويتدارك نفسه ويتذكر انه هو ما يبيها وقال : اي حلو
ساره بضيق وكان ما عجبه الفستان بس ما تدري انه الفستان وشكلها اخذ عقله وجت بتمشي
مسكها فارس وقال :
بتمشين كذا؟
ساره : وشو تبيني امشي بسياره ولا وشو طبعا بمشي كذا
فارس : قصدي لبسك ترا اولاد أعمامي موجودين
ساره بضحكه : وانت اساسا تهتم فيني عشان تقولي اني لابسه كذا ورايحه عادي
فارس بحده : تراني بصير زوجك بكم اسبوع افهميها
ساره : اها يعني تغار
فارس بينه وبين نفسه مايدري وش صار له بس فجأه مابي احد يشوفها غيره وقال بصوت خافض : طبعا
ساره بصدمه : وش
فارس : لا لا ولا شي خلاص لا تطلعين لهم كذا البسي عبايتك واطلعي
ساره بخجل : طيب
سكر فارس الباب وفجأه حس بشعور غريب لانه هو ما يحبها ولا اساسا يبيها لكن فجأه غار عليها ومابغي احد يكون معها
ساره وهي تقول بينها وبين نفسه ها يغار علي وضحكت وابتسمت بخجل ومشت وهي كل قلبها فراشات
عند بطلنا فارس الي ما يدري وش صار له كان ما يبيها والحين يغار عليها ومايبي احد يشوفها وكان صارت جزء اساسي من يومه وهي لازم تكون موجوده فيه او يتضايق واذا شافها يبتسم لا اراديا قال بينه وبين نفسه : انا حبيتها؟ هل صرت احبها؟ ولا انا وش فيني لا لا اساسا هي ما تحبني واضح..
عند ليان الي لما شافت ساره مبسوطه انبسطت معها وقالت لها : شصار وش قال حبيبك وغمزت لها
ساره ضربتها بكتفها بخفه : لا لا ماصار شي
ليان : خدودك بتنقطع من الابتسامه ياشيخه وتقولين ماصار شي؟
ساره ضحكت بخفه وقالت لها كل الي صار
بدت ليان تنط وتقول : لا لا ذا يحبك يحبككك
وبدت تغني وترقص وتهز خصرها
سيطر وتمكن من كل قلبي
سيطر وتمكن من كل قلبي
يسري في دمى والانفاس
يسري في دمى والانفاس
يعاملني بطيبه وباحساس
يدلعني قدام الناس
بيعرف اني رومانسيه
وبيلعب ع الوتر الحساس 💃
سارت بدت تضحك بقوه وقالت : لا اساسا واضح هو ما يحبني
ليان : ياعمري واضح ما يحبك وهو يغار عليك
ساره بخجل : خلصت طيب قفلي الموضوع
ليان : تم تم يا اختاه معليه وهي تضحك
دخلت ساره غرفتها وهي قلبها بس تفرفر فراشات وراحت طلعت لبسها وبدت تصوره وتكتب قصايد حب وتنزله بسناب بس نست انه اساسا فارس كان متابعها وبدت تمسح المكياج بعد تعب لأنها تعبت كثير وهي تدور فساتين ونامت
وعند بطلنا الي اول ماشاف اشعار انه ساره حطت ستوري فز من مكانه بسرعه يشوف وش حاطه ستوري وشاف انها مصوره فستانها وكاتبه :

اُنِيق قَلْبِي
عِنْدَمَا اِخْتَارَك ❤️

وعاد ولدنا الخفيف صفر وانصدم من كلامها وخجل وعرف انه ساره تحبه وعاد جاله مغص من الفرشات الي كانت فيه ورد عليها ب 🤍🤍
شافته وفتحت عيونها بصدمه ساره وبدت تنط وتقول : لا ياغبييييه يا ساااارهه انتي وفارس ضايفيين بعضض لاااا اقسم بالله فشييييله لا اله الا الله فشلللله
و خدودها حمرو من الخجل والفشله وراحت تطلع وتوري ليان وورتها وليان فطست ضحك فيها وقالت خلاص واضح تعشقون بعضضضض
ضحكت ساره بخفه و نادتها امها جت لها ركض وامها قالت : يا قلبي تعالي ساعديني بالغدا ونادي فارس يجيب معه خضروات وكم بهارات ابيها
ساره تذكرت الموقف وخجلت وقالت : لا لا يما مابي انتي روحي له
عبير (الي هي امها) : اف للان خجلانه منه تراه بيصير زوجك يلا عادي روحي قوليه يلا
ساره ماكان بيدها شي الا تروح له تقدمت تروح لغرفته طقت الباب ما سمعت شي طقته مره ثانيه ولا سمعت شي استغربت وراحت تسال امها وينه وقالت امها انه بمجلس الرجال قالت تم
مشت لبست عبايتها وطرحتها وتقدمت تروح للمجلس وصلت للمجلس وفتحت الباب وشافت سيف وفارس وعمر وهود ملهم قاعدين ونادت فارس وقالت : فارس تعال ابيك بشي
العيال غمزو لفارس قالو : هالله هالله الحب
ابتسم فارس بخفه ومشى وتقدم لها وطلعو وقال : سمي شبغيتي
ابتسمت وقالت : امي بس تبي كم شي عادي تجيبيها لها؟
فارس : من عيوني ابشري
ابتسمت ساره وجت بتمشي الا فارس يسحبها من خصرها ويقول بضحكه : اها يعني أنيق قلبك يوم اخترتيني؟
ساره ماقالت شي وكانت مرره خجلانه خدودها محمره
ضحك فارس : اما شذا الخجل حتى عند فارسك؟
ساره قالت بخجل : تراي وحده خجوله انا كذا
فارس ابتسم : وقال بينه وبين نفسه يا زينها وقال : حلو
مشت ساره بسرعه ونبضات قلبها كل مالها يزيد وفارس كان يشوف طريقه مشيها وضحك وطلع برا يجيب الأشياء الي طلبته عبير ( ام ساره )
وعند ليونه راحت تنظف مجلس الرجال وهي ماتدري انه في اولاد ودخلت علطول وشافتهم وانصدمت من وجود الاولاد فيه و هود ناظرها بعصبيه وقال : شتسوين هنا اطلعي بسرعه
ليان : اي اي اسفه
وهود كان معصب بشكل لا ينوصف انه الاولاد شافوها
وليان بداخلها كانت مره خايفه وراحت تلبس عبايتها وحجابها ونقابها ودخلت عندهم مره ثانيه وقالت : معليش تطلعون بنظفه وبعده ارجعو
عمر قال بهمس للعيال وهو يضحك ويطقطق : يلبيه ذا الصوت
هود من قوه الغيره بدت ملامح وجهه تتغير وتصير حمراء وعروقه تبان وقال : هيه ما تمزح بذي الأشياء ولا انطمو كلكم واطلعو برا بسرعه
طلعو العيال وهو كان آخرهم قبل لا يطلع تقدم ل ليان بعصبيه ومسك يدينها وضغط عليها وهو صارخ و قال : مجنونه انتي تطلعين مره كاشفه ومره مستوره؟؟
ليان قالت بالم : ياخي انت اترك يديني ايش فيك اتركها والله تعورني
هود ضغط عليها أكثر وقال : اقسم بالله ان طلعتي عندهم مره ثانيه لا اعلم جدي ومايحصل خير فاهمه!!؟؟
ليان وهي فيها البكيه : اي اي
طلع هود معصب وبدت ليان تبكي شافت يدينها الي حمرت من قوه ضغط هود لها وهي ما تقدر تسوي شي لانه ابن عمها الكبير ولازم تسكت وبدت تنظفه وخلصت وطلعت وهي طالعه شافت العيال موجودين وبدت تمشي ولا حتى ناظرت هود ولا عبرته وهود الي جاه تأنيب ضمير من الي سواه..

_____________________

كذا بارت ٤ يخلصص تفاعلكم بالتيك مره لحو اتمنى تستمر يارب 🥹🥹❤️