الحب له اكثر من معنى بس حبي لك ما ينوصف

P39

في بيت الجد ~
عند العيال بالصباح صحى فهد وعمر مع بعض بنفس الوقت قامو وشافو بعض وضحكو علشانهم صحو بنفس الوقت
قال عمر : اما توك تصحي
قال فهد : اي توي صحيت زيك
ضحك عمر وقال : صحينا بدري
قال فهد : اي والله
قال عمر : شفيك يعني أمس وانت يوم كنت تهز كتفك وقفت فجأه
ابتسم فهد وقال : اسمع بقولك شي بس لا تقول للعيال
ابتسم عمر وقال : اي قول
قال فهد : امس وانا اهز كتفي وكنت اضحك لفيت بس وشفت غلا قاعده تناظرني من الشباك وتضحك ومن شافتني اناظرها هجت وسكرت الشباك وخلت الستاره
ضحك عمر وقال : عشان كذا وقفت؟
قال فهد : اي والله مادري احس اني استحيت انها كانت تشوفني طول الوقت
ابتسم عمر وقال : لقيت لك حبيبه يعني ها
ضحك فهد وضربه بكتفه بقوه وقال : لا عاد ترا بس كانت تشوفني
ضحك عمر وغمز له وقال : بس كانت تشوفك يعني بس كانت تشوفك
شمق فهد لعمر وقال : اي بس كانت تشوفني
ضحك عمر وقال : يلا بعد زواج ليان وهود زواجك
ضحك فهد وقال : يالله انت مستعجل ياعمر
ضحك عمر وقال : لا ابد بس كل شي واضح
ضحكو الاثنين مع بعض واستوعبو زواج ليان وهود بعد ثلاثه ايام
قال فهد بصدمه : ياعمر!!!
ناظره عمر وقال : ها
قال فهد : يشيخخخخ نسينا نفصل الثوب!
ناظره عمر وحط يديه بجبهته وقال : اي والله نسينا هو يقدر يفصلها الحين بثلاث ايام!!
قال فهد : لا والله مادري
قال عمر : طيب الكلب هود من وين فصلها وليه ما قالنا عشان كنا ناخذ من نفس المكان
قال فهد : لا عاد الحين هم عريس في فرق
في نفس الوقت صحي ياسر وجا عندهم وقال : ما لقيتو الا وتسولفون فوق رؤوسنا يعني حتى نومه ما نمت منكم بالعين راديو
ضحك عمر وقال فهد : انسى ذا الحين الحين زواج ليان وهود بعد ثلاثه ايام!!
قال ياسر : طيب؟
قال فهد : الثوب ما فصلناه!!
فتح ياسر فمه بصدمه وقال : يالله صدق!!
قال عمر : يعيال ما عندنا الا اننا نروح الحين لاي مكان بفصل الثوب او سوق حق الثيَّاب
قال ياسر : مجنون انت بذا الحر تبي تروح تفصل!؟
قال فهد : معليه اهم شي ناخذه يشيخ ما بقى الا ثلاثه ايام توي استوعب احسبهم حبايب وطلع الزواج بعد ثلاثه ايام
ضحك عمر وقال ياسر : لا عاد احباب مره وحده محسنني دراما ذا
ضحكو الاثنين وقال عمر : طيب خل نشوف يمكن فارس فضل او شي وناخذ اسم المحل منه ونروح له
قال ياسر : طيب فارس مع ساره
قال عمر : لا عاد ترا يدينهم مهي ب ملزوقه يعني
ضحك عمر وقال : طيب
اخذ عمر الجوال ودق على فارس
عند ساره وفارس ~
كانت ساره نايمه وفارس نايم
ويجي صوت الرنه
بعد كم دقيقه حس فارس فيها وقام وهو هلكان نوم ورفع الجوال وقال : هلا؟
قال عمر : فأر سرحان عنك يشيخ
ضحك فارس وقال : اي والله اشتقت لسواليفنا
ضحكو مع بعض وقال عمر : تعرف انه زواج ليان وهود بعد ٣ ايام؟
كان فارس يبتسم لين ما قال عمر "بعد ثلاثه ايام"
اختفى الابتسامه بسرعه واستوعب كلام ساره يوم قالت له :
" لازم تفصل ثوبك بسرعه تراهم يتأخرون"
وقال : بالله ؟
قال عمر : لا لا تقول حتى انت ما فصلت
قال فارس بصدمه : اي والله ما فصلت
قال عمر : لا حول ولا قوة الا بالله الحين شنسوي
قال فارس : طيب بسرعه بسرعه خل نطلع يا عيال
قال عمر : ياسر يقول حر
قال فارس : لاحر ولا شي الحين اذا هود درى بيزعل يحسبنا مب مهتمين
قال عمر : طيب.. بس وش عن فيصل؟ احنا شدرانا اذا عنده ثوب ولا لا واساسا عيب نسأله اذا عنده ولا لا
من سمع فارس اسمه تنهد وقال بحده صوته : معليك انا بشتري له
قال عمر : طيب بس الحين مين يجي عند مين
قال فارس : اسمعو ياعيال انا اجي بيتكم طيب ونروح من هناك لأي محل ثوب فاهمين؟
قال عمر : طيب
قال فارس : اي وجيب كل العيال فاهم بس هود خليه نايم
قال عمر : تم
قفلو الخط وقام فارس بسرعه وغسل وجهه ورتب شعره واخذ ليه قميص ابيض مع بنطلون اخضر غامق
واخذ جواله
وتذكر ان ساره نايمه وان صحت وما لقته بتخاف
اخذ ورقه وكتب فيها
" صباح الخير ساره ، اذا صحيتي وما لقيتني اعرفي اني عند العيال بتفصل ثيابنا واجي طيب "
خلاها بنفس المكان الي ينام فيه قرب من ساره وقبل جبهتها و شفايفها بخفه ومشى يطلع
نزل فارس بسرعه وحرك سيارته
وبالطريق قال بينه وبين نفسه
اي والله حر بشكل ما يوصف صدق كلام ياسر