الحب له اكثر من معنى بس حبي لك ما ينوصف

P27

عند ساره وفارس ~
قامت ساره من مكانها من سمعت اتصال من امها
ردت على امها..
الاتصال :
الام : هلا والله بنتي كيفك شخبارك
ساره : الحمدلله وانتي
الام : الحمدلله يروحي حبيبتي بكره في عزيمه نبي نسويها
قالت ساره وني تناظر فارس : بس فارس ماخذ لنا شاليه انا وهو
ابتسمت عبير ( الام - ام ساره ) وقالت: يلا عاد كنسلو لازم تيجون اعمامك الي جايين من بعيد بيجون حرام عاد ما تيجون
تنهدت ساره وقالت : طيب بخلي فارس يكنسلها
قالت الام بضحكه : واساسا بعد بكره رايحين المالديف شتبون أكثر
ضحكت ساره بخفه وقالت : اي ههههههههه يلا الحين بقول لفارس
قالت عبير : يلا حبيبتي انتبهي على نفسك يقلبي مع السلامه
قالت ساره : وانتي كمان انتبهي على نفسك مع السلامه
قفلت الخط وميلت شفتها وهي تناظر فارس تنهدت وقالت : شسمه كنسل الشالي..
ما كملت كلامها وقاطعها فارس وقال بضحكه : سمعت كل شي خلاص ابشري من عيوني بكنسله وان شاء الله ان رحنا المالديف نشوف هناك شي ثاني
ضحكت ساره بخفه وقالت : اك
مشت وشافت الأشياء الي جابتهم من سيفورا وقالت : اووه ما استخدمت ذا الكريم بحطه
ضحك فارس بخفه وقال : شسمه وش البس بكره ثوب ابيض ولا اسود
قالت ساره : امممم يمكن ابيض لانك دايما تلبس اسود فخذ ابيض ذي المره
ابتسم فارس وهز راسه بالموافقه
حطت ساره الكريم وبدت تقول : الله يجنننن، الله ذا عطاني نظره كذا بوجهي ،الله ذا لمع وجههي
وفارس يسمعها ويبتسم انها فرحانه فيه
خلصت ساره ورجعت للسرير
ناظرت فارس وقالت له : ياخي احس ودي اسوي مسابقه وارجع اشتري شي
ناظرها فارس وميل راسه وقال : بتطفريني والله شكلك
ضحكت سارت وقالت : لاني استاهل
قال : طبعاً تستاهلين ياعمري وقلبي فديتك
ابتسمت ساره وقالت : يلا خل نسوي مسابقه في الصاله والي يفوز يتشرط
ناظرها فارس وما حب يكسر بخاطرها وقال : ابشري من عيوني يلا
قامت ساره من السرير ومشت بسرعه وهي تبتسم تطلع للصاله ضحك فارس من مشيتها وطلع
مشت ساره لين وصلت نهايه الجدار وجا فارس جمبها وقالت : يلا
واااحد
اثنيننن
ثلاااثه
ركض فارس بسرعه وعلطول لمس الجدار الي قدامهم
لف وشاف ساره وهي تناظره ميلت شفتها وقالت : حمار مفروض انا افوز
ضحك فارس وقال : مب ذي المره
قالت : يلا وش شرطك
ناظرها فارس وقال : اممم خل افكر .. شفتي فستانك الأحمر هذاك الي مفتوح من الفخذ ارقصي لي فيه
ناظرته وقعدت حواجبها وقالت : لا وعع ههههههههه عند البنات اي عندك لا مابي
تنهد فارس وقال : طيب اطلعي لي فيه ولازم تغريني فيه
ناظرته وضحكت بخفه من شروطه وقالت : بحاول ههههههههه
مشت ساره لغرفتهم وكان فارس يطقطق وما كان في باله انا صدق بتسويه
مشي فارس ودخل بالغرفه
وهي اخذت فستانها الأحمر ومشت للحمام ( أكرمكم الله ) ولبست فستانها شافت كيف شكلها حلو ومغري سوت ميكب مره خفيف حطت روج مع مسكره وشوي بلشر
فتحت شعرها الطويل طلعت من الحمام كان فارس يطقطق بجواله رفع انظاره لها بلع ريقه وهو مصفر من منظرها الجذاب والحلو
قالت له : انا ما اعرف كيف أغري بس يلا بحاول
انت لا تتحرك طيب اجلس
قال فارس : من عييييوني
مشت قدامه وحطت يدينها ورا رقبته وقالت : هلا والله حبيبي كيفك
مل نطق فارس بشي وهو يشوفها ويشوف كيف متجرأه انها تسوي كذا
حطت عينها بعينه وحضنته
فتحت ازرار لبسه وهي مبتسمه وداخلها ودها الأرض تنشق وتبلعها
وقالت بخفه : احبك ياحبيبي
قامت من مكانها بسرعه وهي صدرها نيزل ويصعد وقالت : يلا شسمه خلصت الشرط
جت بتمشي سحبها فارس وخلاها فوق فخذه وقال : وين وين رايحه لسه ما رضيت
قالت : وش اسوي ما فهمت
قال : ابي اول شي اطلع تيشرتي وبعدين نتفاهم
بعدت عنه بسرعه وقالت : لا عاد وع ماحب
قال  لها فارس : مب كيفك الشرط بيبقى شرط
قالت له : بيبي تعرف ماحب
قال لها : تكفين بس يوم
تنهدت واخذها فارس كجواب نعم
طلع تيشرته ورماه بالسرير ولف ساره لجهته وتقدم يقبل شفايفها ويذوق طعمها حس انه لحظه ولا أجمل وكان ودي يكون بذي الوضعيه لو القرن الجاي كانت ساره منزله يدينها
مسك فارس يدينها الاثنين وخلاه على صدره وهو يقبلها
بعد عنها وقال : انتِ ليه تفتين الشخص لذي الدرجه
ابتسمت وقالت بثقه : لاني بنت عبير
ابتسم فارس وقبل عنقها بقوه وشم ريحه عطرها الفواحه والي تجننه
قال فارس : يلا رضيت
ابتسمت ساره ومشت تغير لبسها ولبست بجامتها ومسحت الميكب حقها وقالت : خساره توي سويت سكن كير وبعدها سويت ميكب والحين انظفه وبعيد من جديد السكن كير
ضحك فارس وقال :فرحه زوجك اهم
ابتسمت بخجل وبدت تمسح الميكب الي في وجهها
في بيت الجد ~
الصباح صحي الكل وصحو البنات والعيال وزي كل يوم البنات يروحون يسوون فطور
بدت ليان تسوي اكل وتبدع فيه وكذلك نجلا وغلا
بينما جوري تهوجس وهي تفكر بسيف
خلصو البنات الاكل وقالت جوري : خاله عبير جيبي عبايتنا بالله العيال بره
قالت عبير : هيه خير تراني مني خاله توي بزره لا تكبروني وقالت الرياكشن انا سعيله ههههه ( ذا رياكشن بالتيكتوك اتوقع تعرفونه ضفته بس ك رياكشن ) 😭
ضحك جوري وقالت : اك يا عبير جيبي لنا العبايات
قالت عبير : اي كذا
وجابت عبير عباياتهم وطرحاتهم
لبسو البنات طلعو بره كانت جوري ماسكه صحون وهي تحطهم على الطاوله كان العيال جالسين والجد جالس وعبير وام فارس والكل جالس ماعدا البنات يجيبون الاكل
لاحظت جوري نظرات سيف لها ماتدري ضيق ولا نظرات حلوه ولا انه خاق
وليان جابت الفطور وغلا ونجلا بينما وعد في سابع نومه ماتدري ربها وين حاطها
وهم ياكلون كانت جوري تهوجس وهي تفكر كانت تفكر بكلمه سيف بينما سيف يناظرها وكان عارف انها تهوجس بكلمته وحس بالضيق
وليان تناظر وهود يغمز لها بمعنى ادري انك انتي الي سويتيه
كانت جوري زعلانه من سيف ومتضايقه منه
خلصو الفطور وبدو البنات ياخذون السفره والفطور الي على الطاوله ويحطونه بالمطبخ
بينما ليان مشت لهود وقالت : حبيبي اسمع شسمه اليوم بروح انا وانت طيب ادور فستان للزواج
ابتسم هود و قال : ابشري
عند البنات كلهم رتبو وخلصو بينما جوري شافت اخر صحن وكان سيف قاعد ولا اكل لقمه قالت له ببرود : بتاكل ولا أخذها؟
قال سيف : لا خذيها
أخذته وهي تمشي نطق سيف : جوري
صدت عنه ولا كأنها سمعته ومشت للمطبخ تحط الاكل
ناظر سيف الطاوله وهو متضايق ما يدري يعترف لها ولا لا
عند وعد قامت من النوم واشفت ولا وحده من البنات في الغرفه ودرت انه راح عليها وقالت بينها وبين نفسها : يوووه كل مره اتأخر بنومي لو شافوني اصحاب الكهف بس
ومشت تحت تدور لها اكل وشافت عمر وهو طالع
قال عمر بضحكه : توك تصحين
قالت وعد : نومي عاد الله لا يوريك
قال عمر : ترا خلصو الاكل تبين اسوي لك اكل
ناظرته وهي كل عيونها قلوب وقالت :ابد ابد لا تتعب نفسك
قال : بالعكس عادي و......

______________________

علي اني قلت اني بسحب الا اني كملت شفتو قد ايش احبكم 🥹🥹🥹💘
وشكرررا على كلامكم الي يجبر الخاطر الله يسعدكمم ويجبر بخاطركمم زي ما جبرتو بخاطري الله يسعدكمم
لا تنسون بكره عرفه وصومو وبدعي لكم بكل خييرررر 🤍🤍