الحب له اكثر من معنى بس حبي لك ما ينوصف

P31

بدت ساره تتنفس بسرعه وتشهق قال لها فارس : ليه تنطين وانتي تعرفين انك ماتعرفين تسبحين
قالت له : بالغلط وانا جايه بس اشوف المويه بارده ولا لا زحلقت
قال لها فارس : لاعادي وانتبهي المره الجايه
قالت ساره : طيب
مسكت ساره أطراف المسبح تبي تطلع بره منه
حط يدينه فارس مره ثانيه على خصرها ورجعها مكانها
قالت : نعم
قال فارس : ابي اقولك شي
قالت : وشو
قال فارس : انا اسف وترا اعرف انك انتي تزعلين بسرعه بس والله انا مالي اي دخل اقسم بالله هذي بنت خالتي مب انا يعني انا مو بإرادتي واساسا هي زمان كانت تحبني وتبيني بس يوم تزوجتك زعلت وقاعده تحاول تتقرب مني عشان ذا الشي ف تكفين مب انا الي اخترت يصير لي كذا والله َب ارادتي احلف لك انا مالي اي دخل وهي الي دايما تتقرب مني خصوصا ان كنتي موجوده عشان تنقهرين بس والله انا ما اقولها ولا اتكلم معها واساسا يوم تتهاوشون يوم جيت افرق بينكم ما فرقته على اساس اني انا ادافع عن حلا لا لاني كنت ادري انك بتمو/تينها عشان كذا انا اسف والله على رغم اني قلت لامي لاعاد تجيبها عندي بس انها نست وانا مره اسف والله
كانت ساره تناظره وهي مسكره فمها
نطقت : انت تدري اني ما احبها ليش تخليها تتقرب منك
قال : والله مب انا الي ابي هي تجي واقولها أكثر من مره توقف بس هي ما توقف
قالت : طيب اجل انا حتى مالي دخل اني اشوف زوجي مع بنت خالته وهو ماله دخل
عقد فارس حواجبه وقال : من متى صرتي عنيده كذا
قالت ساره : انا مني عنيده بس طفشت منك ومن تصرفاتك ذي مع بنت خالتك وترا انا زوجتك على الاقل شويه احترام
قال فارس : ابشري ياقلبي والله اسف وعاد هذي هي مره ثانيه ان عرفت بنت خالتي موجوده مارح ادخل من باب الحريم عشان اسلم على امي وعماتي علطول بروح عند العيال وبعدين قبل لا نروح اسلم عليهم وانا مره اسف لك واطلبي الي تبينه مني
قالت ساره : مارح اطلب منك شي ترا ولا ابي شي بس الي ابيه شويه احترام يعني لي
قال فارس : طيب ابشري من عيوني والله ماعد حتى اجي لجهتها
قالت ساره : طيب
قال فارس : اجل رضيتي؟
تنهدت ساره وقالت : مو مره بس عادي يعني
ابتسم فارس وقال : ليه تحرميني منك ليه ليه تحرميني من كل شي فيك ليه
قالت ساره بثقه : مرات ما تستاهلها
قال فارس : اما انا ما استاهلها
قالت ساره : اي مرات ما تستاهلها شسوي
ابتسم فارس
رشت ساره عليه مويه علطول وضحكت وبدت تحاول تتحرك بأطراف المسبح وتبعد عنه وهي يضحك
بينما فارس فاح فمه وسكر عيونه من المويه الي جته
ناظرها وقال : كذا يعني ؟
ضحكت ساره وقالت : اي كذا
بدا فارس يتقرب منها شوي شوي وهي تبعد وهي ماسكه أطراف المسبح بيدينها الاثنين ترش عليه مويه برجولها
اخذ فارس المويه ورماها عليها حتى
وهي تضحك وتعبد وتقول : لا لا
وهي تبعد استوعبت شي وقالت لفارس : فااارس !!
قال فارس بصدمه : لبيه
قالت : مب احنا سفرنا بكره
قال فارس : اي؟
قالت : ورح نقعد هناك شهرين؟
قال : اي وأخذت اجازه من عملي
قالت : طيب وزواج ليان وهود بعد اسبوع كيف نروح؟؟
ناظر فارس الأرض واستوعب حتى هو وقال : صححح والله انك صادقه كيف
قالت : يوووه توي اتذكر
قال : خلاص بشوف بكنسله لأسبوع بس ترا علطول بعد الزواج يعني بيوم نروح
قالت : بيكون شويه تعب لان اساسا بنطلع بعد الزواج مكسرين بس عادي..