الحب له اكثر من معنى بس حبي لك ما ينوصف

P43

استغفر الله ~ سبحان الله ~ الحمدلله..
عند ساره وفارس ~
في الصباح صحت ساره وهي كلها نشاط وحيويه عشان الزواج
قامت ولبست بجامتها بينما فارس نايم نومه اصحاب الكهف
وهي صاحيه سوت لها أفوكادو مع شويه سلطه وبانكيك وعصير مانجا
عشان تروق
سوت أكلها وبدت تسوي نفس الشي لفارس
سوت له الاكل وبدت هي تاكل أكلها وحطت اكل فارس في الثلاجه
بعد مده قصيره صحي فارس وشافها ابتسم وهو اساسا يومه ما يكمل بدون ما يشوفها
توجه للحمام ( أكرمكم الله ) غسل وجهه ويدينه
وطلع من الحمام توجه يجي الصاله من شافته ساره قامت بسرعه وتوجهت تروح للثلاجه فتحت الثلاجه وطلعت الاكل وقالت : كل بالعافيه عليك
ابتسم فارس وقال : يعافيك
بدا فارس ياكل وفي نص الاكل وهو ياكل قال : متى بتروحين عند البنات ؟
قالت ساره : الحين ناكل وننتظر صلاه الظهر نصلي الظهر ونروح
قال فارس : تم بس وحنا بالطريق باخذ الثياب حقتنا طيب
ابتسمت ساره وقالت : طيب
مشت ساره بسرعه وخذت شنطتها وبدت تحط فيها فستانها واغراضها واكسسواراتها وكعبها وعطرها ما خلت شي في الغرفه الا وخذته
جت بتاخذ الشنطه بس حست انه ثقيل ما اهتمت وضحكت بخفه من وزن الشنطه الكبير وخلته على جنب ومشت تدور لها عبايه تلبسها وخذت عبايه لونها زيتي مع حجاب اخضر وخلتهم
بينما فارس خلص اكله وأذن الظهر لبس فارس ثوبه وحط عود ومشى يصلي صلاه الظهر
طلع فارس من البيت وراح للمسجد
في نهايه الصلاه وفارس في السجود يدعي بينه وبين نفسه وربه..
~ اللهم احفظ لي زوجتي واسعدها دائما يارب واجعلها معي الا اخر انفاسي.. وارزقنا ثمره حبنا يالله... ارزقنا ثمره حبنا... ~
سلم فارس (اي خلص من صلاته)
وقام يرجع للبيت
بينما ساره اخذت شرشفها وصلت الظهر وهي تدعي لربها ان يحفظ زوجها ويسعده
بعد ما خلصت ساره بنت الغرفه وأخذت شنطها وخلتهم بالصاله مع أغراضها الباقيين
وهي تتنظر فاري يرجع عشان تطلع من البيت وتروح عند البنات
اخذت جوالها وبدت تطقطق فيه وتضحك من المقاطع الي يجيها
بعد مده قصيره دخل فارس وقال : يلا حبيبتي انزلي للسياره فتحتها عشانك والاغراض انا باخذهم
ابتسمت ساره وقالت : شكرا
نزلت ساره تحت ووقفت عند السياره تنتظر فارس
اخذ فارس الأغراض ونزل تحت
فتح سيارته وفتح الصندوق حق السياره وخل فيها الأغراض كلها
سكر الصندوق وتوجه يجلس على كرسي السايق
وقعدت ساره
حرك فارس وتوجه يروح لبيت الجد
بالطريق قالت ساره : والله واحد بالميه ما توقعت هود وليان يتزوجون لكن ماشاءالله يديمهم
ابتسم فارس وقال : هود أقرب شخص لي والصدق كان ودي ياخذ اختي مب ليان حتى لو جوري والحين ما صدقت بالله بيتزوج اختي يعني بيصير سهل نتقابل أكثر
ضحكت ساره بخفه وقالت : وين أسهل يشيخ بعد ذي رايحين المالديف الي لنا قرن نخطط عليه شعر العسل راح وحنا لسه ما رحنا
ضحك فارس بخفه وقال : لا ان شاء الله بكره بإذن الله نروح للمطار وكل شي
قالت ساره : اي انا رتبت اغراضي ان شاء الله نرجع من العرس بس القى نظره مره ثانيه على الأغراض
قال فارس : تم
وصلو ابطالنا لبيت الجد وساره ما صدقت بالله نزلت واخيرا بتشوف البنات بعد ما صار مده طويله مهي شايفتهم ودعت فارس ومشت بسرعه تروح عند البنات
دخلت الصاله وشافت امها وان هود والحريم كلهم قاعدين حضنت امها وباست راسها بحنيه
وسلمت على كل الحريم
قالت ام هود : كل هالمده ولا جيتي لنا يا ساره احا زعلتينا
ضحكت ساره بخفه وقالت : لا والله ماكان في وقت وكذا نجي حرفيا أشغال كثيره كل شي الا زعلكم ما يهون
ابتسمت ام هود
ومشت ساره بسرعه حتى عبايتها ما فسخته
وفتحت الباب
من فتحت الباب كل البنات ناظرها وفتخو فهمهم بصدمه صح انهم يعرفون انها جايه بس ما كانو يدرون بتجي بدري
علطول صارخت وحضنتهم وقالت بصوت مليان اشتياق : اشتقتتتتتت لككككممم يا اطلق بنات عممم
ردت نجلا : والله عاد سحبتي سحبه قويه ذي المره
ابتسمت ساره وقالت : لا والله ان شاء الله ذي المره مارح اسحب عليكم بس صدق صدق اشتقت لكم مررره
ابتسمت ليان وقالت : والله كلنا
بينما وعد كانت بره من شافت ساره جت وقفزت على ظهرها وحطت يدينها على عيونها وقالت : يلا توقعي مين انا
ضحكت ساره بخفه وقالت : ظهري طيب انكسر
قالت وعد : لا قولي لي الحين مين انا ولا ما خليتك
ضحكت ساره وقالت : اعرفكم من سنين تحسبوني ماعرفكم وبلا غباء عاد من دخلت الغرفه شفت كل البنات الا انتي اكيد انتي وعد
ضحكت وعد بخفه ونزلت من على ظهرها وقالت : اي ترااا وعد
ضحكت ساره بخفه وقعدت ورمت عبايتها على السرير وقالت : اي وش التجهيزات يا بنااات
قالت جوري : والله ولقيت لي فستان اقسم بالله بعطي عليكم كلكم
رفعت ساره حواجبها وقالت : لا تحلفين تراها انا الي بغطي عليكم واضحه يعني
ناظرته وعد وعقدت حواجبها وقالت : اقول أقول لا انتي ولا هي انا
ناظرته غلا بصدمه وقالت : لا والله اهجدو بس انا افوز عليكم كلكم
ناظرته ليان وحطت يدينها على خصرها وقالت : لا انتي ولا هي اجهدو كلكم انا بفوز
ناظرو البنت بعض وقالو : اممم اي ممكن ليان تفوز
ضحكو البنات وضحكت ليان
وعقدت معهم بدو يسولفون وش بيلبسوا ووش بيصير في الزواج وبدت ساره تسولف عن حلا وحركاتها الي تقهرها
والبنات كلهم كشرو منها ومن حركات حلا
قالت نجلا : لا عاد صدق صدقت نفسها
وقالت ليان : يوه عاد ذي الغثيثه لو تعرفين يا ساره كل ما رحنا عزيمه زمان كانت تقول فارس لي وفارس يحبني ويعقشني اففف مره تقهررر
قالت جوري : اي والله يا ساره حرفيا انا وليان قاعدين فجأه تقول فارس مكتوب لي ومادري وش حرفيا خلاص قرفتنا
ناظرته غلا وقالت : يوووه يعععع الله يعيننا بس اذا اليوم تسوي شي لا حول
قالت ساره : وع الله يعطينا ثقتها العميا ذي لا اله الا الله
بدو البنات سواليف وحش يمين ويسار وكل ما قالو اسم احد استلموه
بدأ القوت يتأخر شويه على الساعه ٣ العصر
شافت وعد الساعه وقالت : يا ستار احيه بنات الساعه ٣ بسرعه قومو قومو
ناظرته نجلا وقالت : طيب و؟ توه بدري احس
قالت ساره : اي احس بدو يمكن نبدأ تجهيز ٥ دامنا رح نروح هناك ٨ و ٩ بيجون العزايم فأي اتوقع
تنهدت وعد و قالت : طيب
بينما ليان خلصت جلسات الليزر حقها من قبل يومين وشافت جسمها عجبها مره البياض وكل شي بس كانت متوتره لسبب ما ماتعرف وش هو تحس بشعور غريب وتوتر هائل في راسها صدعت من كثر التفكير وقالت : بنات ابي انام
ناظرته ساره وقالت : كيف تنامين يشيخه اليوم زواجك وش فيك
قالت ليان :لا جد لاني تعبانه احس
قالت ساره :بسم الله عليك ليه
قالت ليان : والله صدعت من التفكير
قالت ساره : بإيش تفكرين
قالت ليان : مادري احس توتر في راسي من الزواج والأفكار هاذي ماعرف ايش اسوي احس في توتر كثري فيني بس ماعرف من وشو
تنهدت ساره وقالت : طبيعي يا ليان حتى انا في زواجي مع فارس كنت كذا متوتره مره بس بالايام بتصيرين افضل صدقيني
وقالت جوري : معليك يا اختي انا معك ترا التوتر شي طبيعي بالبدايه بعدين بتصيرين عاديه يعني معليك هي كلها فتره والتوتر يروح
سحبتها نجلا من يدها تجلسها وقالت : عادي يبعد عمري طبيعي تتوترين بالبدايه بس بعدها بتصيرين افضل واقوى صدقيني
ابتسمت ليان من كلامهم والايجابيه الي عطوه لها
وجلست وقالت : طيب بس رح انام تمام بنات
قالت ساره : نوم العوافي يروحي
ابتسمت ليان ومشت تجلس على السرير. وتأخذ البطانيه وتلفه حولينها وتنام
بينما البنات كملو سوالفيهم وحشهم
وصل الساعه ٤ ونص
وقالت نجلا : يلا بنات ناخذ فستانيننا ونكويها وكل شي
قالت ساره : انا بخرتها وكويتها والحين فارس يكلمني سناب ماعرف وش يبغى
قالت نجلا : اجل تم انا والبنات بنبخر وانتي روحي لفارس
قالت ساره : تم
قامت ساره ونزلت تحت لقته ينتظرها بالصاله ابتسمت من شافته وهو ابتسم
قربت منه وقالت : اي هلا
قال فارس : اسمعي جبنا الثياب وكل شي بس عادي تكوينه
قالت ساره : مهو مكوي هو؟
قال فارس : الا بس احس يبيله تكويه مره ثانيه
قالت ساره : ابشر اجل عطيني حقك وحق العيال كلهم عشان عشان اكويهم كلهم
قال فارس : طيب
مشي فارس عند العيال واخذ كل الثياب الموجوده عندهم
وجابها لساره وقال : الله يسعِدس
ضحكت ساره وقالت : يسعِدس ؟
قال فارس : اي حبيت السين قلت اخليه بالكلمه
ضحكت ساره وبان غمازاتها ومشت
بينما فارس يناظرها ويناظر مشيتها حط يده على قلبه وقال : اخخخخ ذي تموتني
مشت ساره فوق عند البنات وقالت : يلا بنات انا بكوي الثِّياب واتجهز
قالت غلا : صحو ليان المفهيه ذي حتى بيوم زواجها تنام لا حول
ضحكت جوري بخفه وقالت : طيب
مشت وصحت ليان قامت ليان وهي حاطه يدينها على عيونها وتقول : ها ها شصار
ضحكت جوري وقالت : كنسلو الزواج
فتحت ليان عيونها بصدمه وقالت : وشش!؟
ضحكت جوري وقالت : يالله شكثر انتي مفهيه امزح قومي يلا لازم تروحين للقاعده تتجهزين
ابتسمت ليان بخفه وقالت : طيب اصبري شوي
قامت ليان ومشت تروح لأمها
نزلت للمجلس وشافت الحريم
شافوها الحريم بوجهها المفقع نوم
ضحكت ام هود وقالت : عروسه وكذا
ضحكت ليان بخفه وقالت : لا والله يا خاله كله عشان ما نمت
ضحكت ام هود وقالت : عادي يروحي
قالت عبير : يلا حبيبتي نمشي للقاعه هاشم نكلم الميكب ارتست ومصففه الشعر تجي يروحي
قالت ليان : ابشري
قامت ليان ولبست عبايتها وراحت فوق كانو الحريم ماخذين فستانها
راحت ليان فوق عند البنات وقالت : يلا بنات اتجهزو وتعالو للقاعه طيب انا رايحه
ناظرتها جوري وتقدمت تحضنها حضن قوي وهي تقول : يلا حبيبتي
اخذت ليان عبايتها وودعتهم ونزلت تحت
اتجهزو الحريم ومشو معها للقاعه
~ دخلو السياره مع السواق ~
بالطريق كان ليان كل تفكيرها ايش رح يصير وش بيكون ايش رح يحصل وش رح يكون وده فعل البنات والأمهات وهود بكبره
بعد ساعه وكم دقيقه وصلو للقاعه
نزلت ليان تحت وناظرت القاعه وقد ايش هي كبيره
دخلو القاعه وشافت ليان الديكورات وكل شي هي كانت تبيه سووه العمال وما قصرو بأي شي
مره عجبها ليان القاعه وكذلك الحريم مره عجبهم وبدو يصورون
بس كان في مشكله وحده ان المطبخ العيال والحريم مع بعض بس ما اهتمت ليان مره للموضوع ونست من شوقها
راحت لغرفه من الغرف تتنظر الميكب ارتست
ربع ساعه ووصلت الميكب ارتست لانهم اساسا كلموها قبل لا يجون للقاعه
وصلت الميكب ارتست وشافت ليان وابتسمت وقالت : تهبلين يروحي
ابتسمت ليان وقالت : اوووه شكرا 
جلست ليان علي الكرسي وبدت الميكب ارتست تمكيجها وتزينها
حطت الفاونديشن والايلانير والمسكرا و الكونسيلر حطت كل شي اخذت تقريبا ساعه وهي تخلصها وتخلص شكلها
خلصت الميكب ارتست وبعدت تشوفها شافتها وبدت تسمى عليها وتقول : مررره تهبلين والله
ابتسمت ليان وشافت شكلها بالميكب ابتسمت من شافت شكلها قد ايش حلو وعيونها التمت دموع من شافت شكلها صح انها حلوه بس ما توقعت بيوم رح تتزوج واليوم ها هو زواجها
شافتها الميكب ارتست وقالت : لا الا البكي يا روحي اهم شي يكون عاجبك
قالت ليان وهي تشوف شكلها : مره يجنن شكرا. ابتسمت الميكب ارتست وقالت : انا مارح اروح بكون في ذا الغرفه عشان اذا صار اي شي في وجهك او تخرب شوي تيجين عندي اوك؟
قالت ليان : ابشري
مشت ليان ولبست فستانها شافت شكلها بالمرايا كان شكلها مره حلو وكانت صدق صدق تهبل رفعت عيونها ورموشها فوق وأخذت منديل تحاول ما تبكي
بعد مده قصيره جت مصففه الشعر وبدت تصفف شعرها وتسوي اللوك حقها ما كانت تبغى تسويه كعكه والا تسوي اي تسريحه ثانيه
بدت المصففه تسوي الي هي تقول لها عنه
وصل الساعه ٦ وهي لسه تصفف شعرها
خلصته وحطت مثبت الشعر عليه
ابتسمت ليان يوم خلصت وشكرتها ومشت تشوف شكلها بالمرايا ابتسمت وهي تشوف شكلها قد ايش طالع يهبل بكل معاني الكلمه وابتسمت وأخذت جوالها تصور نفسها وهي تضحك وتبتسم
~ عند البنات ~
جت الميكب ارتست حقهم وبدت ستوى لكل وحده بالدور وكل وحده لها طلب ميكب وحده تبغى قوي ووحده تبغى قلوي كل وحده تطلب شي
بدت الميكب ارتست في ساره وبدت تمكيجها على حسب كل شي ساره تبيه
شويات وخلصت الميكب ارتست
ناظرت ساره شكلها بالمرايا ولفت يمين ويسار مره كان شكلها عاجبها لبست فستانها ومره كان شكلها يجنن حصنت نفسها وبدت تصور فيديوهات
وبدت تسوي شعرها بالفير
وبدت نجلا بالمكياج طلب المكياج الي تبيه وصوته الميكب ارتست
خلصت نجلا وبدت تسوي شعرها وتزينه
وبعدها خلصت وعد شعرها وبدت المكياج حبت تسوي العكس
بعد مده خلصت ميكبها وعجبها مره وتقدمت تاخذ فستانها
بينما وعد سوت شعرها وبعدين سوت ميكبها اختارت ميكب الي تبيه وقالت الميكب ارتست وسوته لها ولبست فستانها وبدت تتصور
وجوري خلصت ميكبها وشعرها
عند غلا خلصت مكياجها وسوت شعرها ولبست فستانها وبدت تتصور هي ونجلا ووعد وساره وجوري
بعد مده خلصت ساره من كل شي بعد ما خلصت كوي ثِّياب العيال
كلمت فارس وقالت له : اسمع تعال المجلس طيب اعطيك ثياب العيال
قال فارس : تمام
نزلت ساره تحت وتوجهت تروح للمجلس كان فارس مديها ظهرها لف كبر عيونه من شافها وشاف فستانها وكشختها بدأ يناظرها بعمق بلع ريقه من شاف جمالها واناقتها بالفستان الي كانت لابسته
قرب منها وبدون أي مقدمات او حتى ما قال لها شي سكر باب المجلس وسحبها للجدار وتقدم يقبل شفايفها بقوه
انصدمت ساره منه انه سواها بدون مقدمات بس ردت القبله من ردت ساره القبله حط فارس يدينه الاثنين على خصرها ماقدر يتمالك نفسه من جمالها وجمال شكلها واناقتها وزينها بعد عنها شوي وقال : شوي شوي علي تراي بذوب
ابتسمت ساره بخفه مع بغماراتها وقالت : عاد قلت لك انا بنت عبير بنتها اكيد ذا شي طبيعي
ابتسم فارس وقال : اسمي حصني نفسك وانتبهي احد مو العيال يشوفك ما احب احد يشوف شي يخصني
ابتسمت ساره وقالت : شي يخصك؟
قال فارس :  اي انتي لي وبس لي شي يخصني انا
ابتسمت ساره وقالت : طيب
وقالت : خذ الثياب والبسهم مع شماغك وانت ماخذ ثوب اسود ؟
ابتسم فارس وقال : اي انا ماخذ انا وسيف اسود
قالت ساره : اها وانا اقول حق مين
اخذ فارس الثياب وقال : يلا بروح بلبس وارجع
قالت ساره : تم
_______________________________________