الحب له اكثر من معنى بس حبي لك ما ينوصف

P5

الايام مرت ومرت وجا يوم الملكه واليوم الموعود لكل البنات وكلهم بدو يتجهزون
وعبير وام فارس جابو لهم احلى الفساتين والكل كان فرحان..
صحت من النوم ساره وتذكرت اليوم ملكتها وبدت تجهز نفسها من بدري وترتب فستانها وتعطره وعند ولدنا فارس الي صحى من النوم وادرك انه فعلا حب ساره وحب شخصيتها وحبها هي كلها في كلها من كم اسبوع فقط غير رايه وغير نظرته لها وقام وتروش وطلع يرتب ثوبه ويبخره
َعند ليان الي صحت من النوم بكل فرحه عشان كلمه ساره وبدت تتجهز لان الملكه بتكون ٨ اليل تبدأ وهم يادوبهم يصحون خمسه العصر 😭
وبدت تتجهز الميكب ارتست جت لساره وبدت تتمكيج وسوو لها شعرها ولبست لبسها
وعند العيال سيف وعمر وهود بدو يلبسون ويتبخرون ويتدبون على الرقص لمكله فارس وجت المصوره تصور فارس وساره وكانت تعطيهم مواضع جريئه وهي كانت متوتره وخجلانه وهو كان مستحي خلصو الصور وكانو البنات يرقصون رقص ويهزون اكتافهم وخصورهم والكل كان منتبه لهم ولجمالهم وهود وهو مار بيجيب مويه من عند الحريم لان امه طلبت له انه يجي وياخذ مويه انتبه لليان الي كانت تهز اكتافها وتغني وفتنته شكلها وكيف اللبس الأزرق عليها حلو وكيف خصرها منحني وجميل وقال بينه وبين نفسه : اخخ يا نور قلبي والله اني اسف بس شسوي خليتيني اغار جعلك لي انا وبس يارب وراحو يقطعون الكيك الكل كان يصور والكل كان فرحان لذيك اللحظه الي مافي زيها طلع فارس لمجلس الرجال وبدو ياكلون خلصو الرجاجيل وجو البنات بعد الأكل يباركون لساره خصوصا ليان الي كانت تبكي وبعدها كل البنات بكو لحظه ما تنوصف هذي ملكه ساره وفارس كيف بذي السرعه صارت ملكه وبعده بأسبوع زواج وبعدها وعد قالت : يلا بنات شيلو كل ذا الحزن ويلا نرقص على يا ندمانه
البنات وهم يبكون ويضحكون يلا قدااام
وقعدو يرقصون فارس تذكر جواله كان بالقاعه ونسى ياخذه وهو جا لفت انتباهه رقص ساره عند :
يا ندمانه
على حبي وايامه
وشاف كيف تهز خصرها وجمالها الفاتن والي ياخذ العقل بشكل مو طبيعي وبدأ يتاملها ويقول : اخخ مادري شسويتي فيني بس مادري
تقدم ياخذ جواله انتبهت له ساره ووقفت بخجل وفشله ناظر لها وابتسم وهي ابتسمت وكملو بنات الرقص
انتهى اليوم والكل رجع بيته وكان يوم حزين وحلو بنفس الوقت..
فارس راسل ساره وقال لها تعالي عندي
ساره : هلا والله ليه
فارس : بوديك مكان
ساره : والله تعبانه من الملكه وكذا بعدين ان شاء الله.
فارس : لا الحين تيجين يلا
ساره تأففت طيب
لبست عبايتها ولبست بجامه والمكيب لسه ما مسحته وراحت لغرفته
دخلت الغرفه وقالت: اي هلا
فارس بدا يناظرها فوق لتحت وبدأ يتاملها وقال بخفه : يا انك تهبلين
ساره سمعته انصدمت وقالت : وش؟؟
فارس : ولا شي يلا تعالي معي السياره
وفعلا دخلت السياره معه وبدأ يويدها مكان ما هي ما تعرفه اساسا وداها عند جبال وكان ظلام وليل ومكان يخوف
وصلو المكان و ساره كانت خايفه وتقول: لا لا خليني بالسياره مابي اطلع
فارس : يلا يا بنت الناس انزلي عادي مافي شي
ساره : لا تكفى خليني هنا تكفى
شالها فارس وهي بدت تتنفس بقوه وكانت مستحيه منه وحضنته وهو حس بشعور يجنن منها ونزلها وقالها: اقعدي بجيب شاهي وأشياء ثانيه قالت: طيب
وفعلا جاب شاهي وفصفص وحلويات لها لانه يعرف انها ما تحب الفصفص والمكسرات وقال لساره : كنت داري تكرهينه الفصفص وجبت لك حلويات
ضحكت ساره بخفه وابتسمت وقالت : بس كيف تعرف ايش الحلويات الي احبها؟
فارس : لاني احبك اعرف اي شي عنك
ساره بصدمه : ايش ؟؟ تحبني ؟؟ وشو شقلت؟؟!
فارس ضحك بخفه وقال : والله مادري سحرتيني وحبيتك على كل ذا والله مادري وش صاير فيني
ساره بخجل : اي اها
فارس : طيب ودي اسالك
ساره : تفضل
فارس : تحبيني؟
ساره بخجل بالوقت الي ما قدرت فيه تسكت واعترفت له انها هي من زمان تحبه ويوم جدي قال لها تزوجيه ما زعلت عشاني اكرهك بالعكس انا بس كنت زعلانه عشان صغر سن وماكان ودي اتزوج بدا العمر ويوم كنت تعاملني بعصبيه انا قلت بيني وبين نفسي انه يعني انك ماتحبني
فارس : لا والله اني احبك وانا اعترف
ساره ابستمت وهي ميته خجل ومستحيه لابعد حد اكتفت بالسكوت وسكتت
ضحك وقال : لسانك اختفى
ساره ضحكت بقوه وظهرت غمازاتها وقالت : لا لا هههه
فارس كان سرحان بغمازاتها الي ظهرت وقد ايش هي حلوه وجذابه وقال : كم ابن وبنت تبغين؟
ناظرته بصدمه وقالت بضحكه : ولا ابن وبنت شرايك
ناظرها فارس بنظره حاده : اقول بلا مزح
ساره قالت : يمكن ابنين وبنتين
فارس : كيف تبغين يكون ليله زواجنا؟ وغمز لها بضحكه
قالت بصدمه : انطم يا وصخ اقول انطم بس
ضحك فارس بقوه وقال : الي يحب حلاله يصير وصخ؟
ضحكت وقالت : خلاص مالك دخل
وطقوها سواليف لين جا الساعه ٢ وبعدها سمعت ساره صوت كلاب وعلطول فزت من مكانها ونطت بجنبه وقالت : فارس فارس لا تكفى الا هم تكفى
فارس بضحكه : ترا مارح ياكلونك
ساره : خلا فارس تكفى خل ترجع البيت
فارس وهو يضحك : تمام تمام من عيوني
دخلت ساره السياره ودخل فارس وحركو يرجعون البيت
في الطريق قالت ساره: خل نشغل اغاني او شيلات
قال : فارس طيب
وشغلت شيله وبدت تغني بصوتها الحنون :
قلطني ورحبي
ياجرحي وياطبي
جيتك حب ياحبي
مابغى واحد ثاني
ولفيت صوبي لعيونك
سولف لي على هونك
يالمزيون وشلونك
قاطعها فارس وقال وغمز لها : انا المزيون صح
ضحكت ساره وقالت : كلهم مزيونيين الا انت
قال فارس : افا
ضحكت وقالت : امزح امزح مزيون مزيون معليك
ضحك فارس وبدت تغني اغاني اكثر
تغني وتتغنج وتغني وتقول :

ودي كثر ما يحبني واعشق اسلوبة
أبوس إسمه قبل تنطق به شفاهي
واصير عطر ما بين احضانه و ثوبه
لين يتنشقني واملا صدره الباهي
الغيرة عذروب خلي ما احلى عذروبه