الحب له اكثر من معنى بس حبي لك ما ينوصف

P6

ابتسم فارس وكانها تقصده
وعند بارت:
ابوس اسمه قبل ما تنطق به شفاهي
قال : مابي تقولينها اغنيه سويها حقيقه
ناظرته بصدمه وقالت : اهجد
ضحك فارس وقال : صرعيتيني اغاني وقفيه
قالت : اجل وش احط
قال :حطي قصايد كذا كلام
قالت :انت حط انا ماعرف
ابتسم فارس وحط :

ي سعود مالي وطن بالعارض الا وطنها

قلبي عدا واستيسره لين العود

محد يفك القلب منها ياسعود الا ساطي

وفي كفه قديحه وبارود

وادخل يده بين الضلوع ودفنها..

ابستمت ساره بعدها وصلو البيت فيصل وهو ماشي لمجلس الرجال قالها : استودعتك الله
ابستمت ودخلت البيت لقت ليان مستقلبتها اول شي وتقول: وين اختفيتي؟
ضحكت ساره وقالت: لا بس رحت مع اخوك مكان
ضحكت ليان وقالت: ها رومانسي ولا لا
ضربتها ساره بكتفها وقالت لها: يالله منك بس يلا انا بروح بنام اليوم تعبت
ابتسمت ليان وهزت راسها بالموافقه ومشت ساره وتوجهت لغرفتها ونامت وكانت الساعه ٢ الفجر
بينما عند ليان الي كانت تسب البنات عشان ولا وحده منهم كالعاده كان صاحي لها عشان تسولف معهم بس كلهم نامو وراحت تسوي قهوتها
وهي تسويه شافت يدينها المحمره وتنهدت بضيق وقالت : مادري ليه سوا كذا على اني والله احبه واحب شخصيته واحترمه ما ادري ليه سوا كذا وتذكرت انها ماقالت لساره عن الموضوع تركت القهوه بالمكينه وراحت علطول ركض في غرفتها شافتها تغير لبسها ولبست بجامتها وقاعده تنظف وجهها من المكيب
انخرعت ساره من دخولها السريع هذا وقالت : سمي
قالت لها ليان : اسمعي بقولك شي
قالت ساره : سمي
قالت لها ليان بكل الي صار وقالت مادري ليه سوا كذا على رغم اني والله صرت احبه بس بعد فعلته ذي مره زعلت
ناظرت ساره ليان بصدمه وقالت : مجنونه انتي ردت ليان : ليه
قالت ساره : واضح يغار عليك من العيال عشان كذا عصب ولا ماكان عصب ياغبيه
ليان قالت : افا صدق بس احس لا
ضحكت ساره وقالت : وربي انك غبيه الرجال يغار عليك وانتي تقولين ما احس ارقل تأكدي تراه يغار عليك
ضحكت ليان وقالت : طيب خلاص بروح بسوي قهوتي
قالت لها ساره : اك
راحت وهي بالدرج تذكرت كلام ساره والابتسامه شاقه وجهها ودخلت المطبخ بسرعه الا شافت هود وعمر موجودين يسوون قهوه التفت هود وشاف ليان وليان شافته وكانت تناظره بضيق بينما خوينا العزيز عمر قاعد يقول عن انه الورق عنب خلص قبل لا ياخذ وحده منهم وما انتبه لليان ليان علطول صدت ولبست نقابها ودخلت وقالت لهم : مالقيتو وقت الا تيجون الحين؟ بالمطبخ؟
قال عمر : ما اشوف اسمك فيه عشان تتكلمين
ضحك هود على رده وكانه يطقطق على ليان بس هو ماكان يضحك على كلام عمر لا كان يضحك على عصبيتها بس هي حست انه ضحك على كلام عمر دمعت لا اراديا لأنها قالت من جهه انه عور يدينها ومن جهه يضحك عليها شاف عمر دمعتها وقال : هيه هيه والله امزح اقسم بالله امزح شفيك
قالت ببكي وعصبيه : خلاص انقلع اخذت قهوتها ومشت بسرعه وراحت السطح ومسحت دموعها وقالت : اقسم بالله لا اوريه الكلب هذا
بدت تشرب قهوتها وبدت تفكر بحياتها ومستقبلها
في المطبخ عند هود وعمر الي عود بدأ يهاوش عمر ويقوله : خير انت ليه تقولها كذا؟؟
قال عمر : وش شوفي الحبيب يدافع عن حبيبته ترا اطقطق معها
ضربه هود بكتفه بقوه وقال : تأدب والله والله رح أأدبك
عمر ضحك وقال : طيب طيب

بعدها هود طلع وبدأ يدور ليان وين هي مالقاها خاف عليها وراح للسطح يشوف
شافها حاطه حجابها وتشرب قهوتها تناظر بالقمر جا لعندها وقال : ليان
ليان ناظرته وشمقت له وقالت : نعم؟؟
قال : والله اني اسف ومهو قصدي بس انا سويته كذا عشاني اعرف انك بنت عمي مايصير تدخلين قدام العيال..
ليان : اي وبعدها تحمر يديني عشان ذا الشي؟
رد هود: والله اني اسف ومهو قصدي
ليان تنهدت وقالت : طيب
هود حس بتانيب الضمير وقال بينه وبين نفسه اقسم بالله اني اسف بس ماعرف كيف اقولك اني اغار عليك..
مشى وراح التفتت ليان وشافته زعلت وبينها وبين نفسها قالت : وش اسوي لازم أكابر ولو شوي
( اليوم الي بعده )
صحى فارس وشاف جواله شاف انه الساعه ١١ الصباح وراح لغرفه العيال وبدأ يصحيهم صحو العيال وعند البنات محد كان صاحي الا ساره  وكانت ساره طول الوقت تبتسم ولا كأنها من اسبوع تبكي دخلت ساره المطبخ وكانت لابسه مخور ضيق من عند الصدر والخصر وكانت تجنن فيه وملفله شعرها وحاطه ميكب خفيف وطلعت تنزل المطبخ تسوي فطور بحجه ان اساسا الكل متعب من الملكه وحتى امها وام فارس ( سالي )
كانت تعبانه والكل تعبان من الرقص والغنى
دخلت المطبخ وبدت تسوي الاكل والفطور
وعند فارس الي لقى رساله من امه سالي تقول :
حبيبي روح قول ل ساره انه بكره رايحين شاليه نسوي عزيمه وكانت راسله الرساله امس بس هو ماشافها وكتب: ابشري يما
طلع متوجهه للمطبخ وكان لابس ثوبه وشعره كان طايح على وجهه دخل المطبخ وشاف ساره الي كانت تغني وتتمايل ومديته ظهره :

عالبساطه البساطه
وياعيني عل البساطه
اقديش مستحليه اعيش
جنبك يا ابو الدرويش

ابتسم فارس من شافها وشاف جمالها الي يجذبه كل مره اكثر من الثاني وتقدم يحضنها مو ورا استحت من فعلته اول ما شافته وقالت: صباح الخير حبيبي
فارس قال : الله حبيبي
ضحكت ساره وقالت : ليه ماعجبك
ابتسم فارس وقال : لا حبيته
ابتسمت وقالت: يلا ساعدني اسوي السلطه
قال :تم يلا
بدت تشرح له انه لازم يقطع الخيار كذا وبعده يحط ليمون ويقطعه زين وتوريه
وهو ولا همه سرحان فيها وجمالها وجمال ملامحها وشعرها الطويل الي واصل لين آخر خصرها وقال : اي اي فهمت
قالت : هيه اذا غلطت بضربك
ضحك قال : انتي تضربيني
قالت : ايه والله ترا ضربي قوي انت بس جربه وتروح المستشفى
ضحك فارس بقوه وقال : خلاص بغلط عشان تضربيني واشوف ضربك بيعورني ولا لا
ضحكت ساره بقوه وقالت : لا بس صدق طيب
قال : ابشري
بدأ فارس يقطع الخيار والطماطم بطريقه محترفه ويحط ليمون فوقها ويحط ملاعق وبعدها قال : ساره شوفي
لفت ساره له وشافت وقالت : يلا اذا شكلها يفتح النفس خل نشوف طعمها
ضحك فارس وقال : ترا طعمها زي الخيار والطماطم مافي مكون سحري
ضحكت ساره وقالت : لا نشوف الاكل من يدينك
ضحك فارس وقال : يلا تم
خذت ساره الملعقه واكلت فتحت عيونها بصدمه وقالت : والله انك فناننن
ابتسم فارس وقال : تتوقعين اي شي من فارس مهو حلو انسي
ضحكت ساره بقوه وبانت غمازاتها وسرح فارس فيها وكان يبيها طول عمره تبتسم كذا وهو يتأمل غمازاتها الطويله
قال فارس : اساعدك بشي ثاني
قالت ساره : لا سلامتك
ابتسم فارس وطلع : وتذكر شكلها بالمخور وكيف هو حلو عليها وكيف خذت عقله
عند ساره الي طول اليوم كانت مبتسمه لأنها حست حياتهم مارح تكون حلوه وصار العكس وكيف هي الحين مبسوطه عن اول...

_________________

تفاعلكم في قلبييي🥹💗💗
شكرااا وصلنا ٤٠٠ احد يقرأ ذي الروايه صدق صدق شكرا لكم من القلب 😞🤍