الحب له اكثر من معنى بس حبي لك ما ينوصف

P19

بالصباح على العصر قامت نجلا تصلي والبنات ماصحو بينما هي قامت وصلت حست ان الأجواء حلوه طلعت بدون عبايه وهي لابسه مخور ضيق من الخصر تطلع
جلست بالتراب وكانت قريبه من خيمه العيال شوي تأكدت من أصواتهم ان كلهم نايمين قامت تكلم صديقتها الي دايما صاحيه وتضحك وتسولف معها وتقول لها ان الرياض مره حلو وماتوقعت تتطور لذي الدرجه
صحى ياسر على صوت نجلا وهي تضحك بصوت عالي
قام واستغرب مين ذا طلع من الخيمه وكانت نجلا مديته ظهرها
استغرب ياسر من الصوت صوت ناعم وحسب ان ذي ساره ضحك بخفه
وتقدم يشوف مين هي ولا استوعب ان ذي بنت وتتغطى
انتبه ياسر لطول شعرها وشعرها البني وتذكر ان ساره شعرها مب كذا
انصح وهو يشوف وهي تضحك ولا تعرف وراها احد
نطق ياسر : نجلا؟
لفت له نجلا ومن شافته قمزت من مكانها وصارخت وقالت : يامجنوننن شتسوي هنا!
عقد ياسر حواجبه وقال : انتي يلي وش تسوين صرعيتيني وانتي تضحكين
ناظرت المكالمه وقفلت وشمقت له وقالت : مالك دخل انقلع ولا تقول لأحد انك شفتني
ما عطى ياسر اي اهميه لكلامها وتقدم يمشي لجهتها خافت نجلا وبدأ صدرها ينزل ويصعد لمس ياسر شعرها ونطق : اخخ اخر مره شفتك كان شعرك مره قصير الحين طول
بعدت عنه بسرعه ودفته وقالت : انقلع من جدك انت وتقدمت تمشي لخيمه البنات
ضحك ياسر بخفه وتذكر طفولتهم ابتسم ابتسامه عريضه وتقدم يرجع ينام
بالصباح صحو البنات غسلو وجهيهم وتقدمو يروحون يسوون اكل لهم والعيال
خلصو البنات وحطو السفره
نادت ساره فارس وكانت تصارخ باسمه سمعها فارس ضحك من صوتها وقام من مكانه عند العيال وتقدم يطلع شافها وشاف المخور الوردي الي كانت لابسته وشعرها الي يتحرك شوي من الهوا خصرها المنحني
ابستم بخفه ووصل لعندها وقال : لبيه
ابستمت وقالت : لبى قلبك شسمه بس خذ للأكل ووديه عند العيال
ابستم وقال بهيام : ما ابي اذوق الطعام ودي اذوق شفايفك
فتحت عيونها بصدمه وقالت : انقلع ياوصخ مب وقتك خذ ورح
ضحك فارس بخفه وقال : اففف نفس الموال
ضحكت بخفه وقالت : شسمه ولد ولد صديق جدي هنا؟
عقد حواجبه وقال : مين ذا
قالت : شسمه مو ذي الخيم والناقات صاحبها صديق جدي ولد ولده هنا؟
قال باستغراب : قصدك فيصل ؟
ابتسمت ابتسامه عريضه وقالت : اييي هذاك شسمه اذا مو معكم روح للبيت الصغير هناك وأشرت له وقالت : اتوقع انهم يعيشون هناك روح وعطيه ذا السلطه وقول انه من سارت بنت عبير
اناظرها باستغراب وقال : انتي شدخلك
ناظرته وقالت : فارس تكفى تكفى وديه وقوله ابي اشوفه تذكرني ولا لا
قال فارس بحده : وليه ؟؟؟
قالت له بابتسامه توضح غمازاتها : زمان زماان كان جدي يجيبني هنا وكنت اشوفه وكنا دايم نلعب غميضه ونضحك وحرفيا ههههههههه من ونا صغيره كنت اقول للكل امم اذا كبرنا بتزوجك وحتى كنت اقوله وهو كان يصدق ويجيني ويقولي عن قاعه الزواج وكذا والحنين بس ابيه يشوف اذا متذكرني ولا لا
مسك فارس يدينها بقوه وقال : اقول اسمعي ولا تقربين منه فاهمه مالك دخل مريضه انتي تراك متزوجتني احترمني على الاقل كزوجك
ناظرته وقالت : وش وش وش تراه زي اخوي خلاص مب كل شي تحرمني منه بروح اكلمه وتراه أكبر مني ب ٦ سنوات يعني تراه زي اخوي الكبير
ضغط على يدينها بقوه أكثر وقال : اقسم بالله ان طلعتي اني لا اوريك والله لا تودعين ام شفايفك
ناظرته وقالت : بنشوف
عطته ساره الاكل ومشى فارس وهو داخله غيره حارقته بشكل ما ينوصف عض شفته بقوه وقال والله لا اوريها ان سوت شي لا تودع شفايفها
اكلت ساره الاكل مع البنات وشافت السلطه الي مسويته في الطاوله تضايقت وقالت لا خلصت كيفي عادي بطلع وبلبس عبايتي وطرحتي
لبست عبايتها وطرحتها وتقدمت تروح البيت الصغير
بينما فارس كان توه طالع من الخيمه يشوفها ويشوف هي وين لأنها ماكانت ترد على رسايله
شافها تروح البيت الصغير مشي بعصبيه ووقف من شاف فيصل فتح لها الباب
أما عندها
فتح لها فيصل الباب اناظرها واستغرب وقال : معليش من انتي
ابتسمت وقالت : افا ما تعرفني
ناظرها وقال : ساره ؟؟؟
ابتسمت وقالت : ايي هههههههههههه
توك تعرفني
ابتسم وقال : من صوتك ماشاء الله نفس الصوت هههههه
كانو يضحكون مع بعض بينما فارس يناظر والغيره اكلته من الداخل اكل
بدت ساره تقوله عن انها تزوجت متذكره بالماضي وهو يضحك ويبتسم
وبالنهايه قالت له : والله فرحت اني شفتك يا فصولييي هههههه
ضحك فيصل وقال : وانا كمان ياسوسوو
ماكان قصد ساره شي كبير وانا انها تعتبره اخوها الكبير
جت بترجع الخيمه وما انتبهت لفارس جت بتدخل سحبها احد من يدها بقوه صارخت وقالت : فك يدككك!
ناظرته الا ذا فارس وكانت عروقه باينه ووجهه محمر وعيونه محمره
ناظرته وقالت : شفيك انت
ناظرها وقال : حتى تقولين وش فيني اجل رايحه مع الكلب الي هناك تتبسمين وتضحكين عادي اجل!!!!؟
ناظرته وقالت : اصفي نيتك ولا تقول عنه كلب تراه زي اخوي الكبير
قال : اها اجل اخوي الكبير انا اقدر الحين اروح اكلم غلا ونجلا واقول عادي اختي الكبيره
ناظرته وقالت : اهجد تراك انت اكبر منهم في فرق!!
ضغط على يدينها بقوه وقالت : فكني فارس خلاص يديني تعورني فكها
قال بعصبيه : والله ما افكها
نزلت منها دمعه من ضغط يدينه على يدينها
من شافها فارس ترم يدينه وصد عنها ومشى وهي كانت تبكي لأنها تالمت
دخلت داخل خيمة البنات وكان البنات جالسين من شافو انها تبكي قامو وقالو : ساره شفيك
جلست ساره وجت ليان من شافتها بعدتهم كلهم وجلست جنبها وقالت : انطقي شفيكك!
قالت لهم ساره الي صار بحرقه
حضنتها ليان وقالت : سامحيني اخوي هذا غيور لدرجه ماتنوصف
وبدو البنات يقولون : والله غلط ياساره مفروض ما تطلعين يعني احس حتى لو يعني بيزعل
بكت ساره زياده وقالت : وش اسوي طيب زعلان مني مره
مسكتها ساره على جنب وقالت : انتي الحين قايله له شي من زمان
قالت لها ساره : لا والله
قالت ليان : حصل خير حصل خير عادي عادي خلاص مارح يصير شي معليك روحي نام
وفعلا راحت ساره تنام ونامت أطول نومه لفوق ال ٧ ساعات
باليل جا الجد وقال : يلا ياعيالي بنرجع لبيوتنا
صحت ساره ولبست عبايتها وحتى البنات لبسو بيطلعون
جت ساره بتجلس بسياره البنات مع البنات شافت الجد يناظرها بحده وقال الجد : بالله عليك اقول امشي امشي مع زوجك جيتي مع البنات ترجعين مع زوجك
ضحكت ساره بخفه وقالت : ابشري ياجدي
دخلت ساره السياره وكان ورا جوري وليان لان ماكفى السيارات فقالو يروحون مع فارس
بالطريق طول الوقت كان صمت ولا احد تكلم
وصل فارس لبيت الجد ونزل ليان وجوري بينما ساره خلاها لأنها بتروح معه لشقتهم
من نزلت ليان وجوري كان صمت أقوى بكثير ولا حتى قال اي كلمه طول الطريق
وصلو لشقتهم نزلت ساره بسرعه
وتقدمت تفتح الباب لان معها المفتاح
فتحت الباب وعلطول راحت الحمام ( أكرمكم الله )
واغتسلت طلعت من الحمام مالقت فارس موجود تنهدت بضيق ومشت تنشف شعرها بعد نص ساعه تقريبا خلصت تنشيف شعرها وتمكيجت ولأول مره لأنها كان في راسها فكره تبي تسويه
لأنها شافت صده القوي وكيف ماتكلم معها وزعلت
تمكجيت ولبست لها بيجاما حريريه سوداء وفتحت شعرها ولفلته من تحت
طلعت من الغرفه وشافته قاعد بالصاله يطقطق بالجوال مشت للمطبخ ولا كأنها شافته
بينما فارس شافها انصدم منها اول مره تلفلف شعرها وتتمكيج وتسوي ذا كأنها رايحه عرس
خق فارس بس تكابر
دخلت ساره للمطبخ اسوي له اكل تراضيه فيه
وفعلا سوت لها سلطه واندومي
طلعت بره لقته لسه قاعد حطت الصينيه
وجلست وقالت : كل تراك ما كليت شي من الصباح
اناظرها فارس وصد عنها ورجع يطقطق بجواله
ناظرته بصدمه وقالت : فارس الو ترا اكلمك
لف لعا فارس وقال : شتبين ؟؟
ناظرته بصدمه مره ثانيه من تعامله معها مسكت دمعتها وقالت ببكي : خلاص ولا شي
جت بتمشي لغرفتها مسكها فارس من يدينها وخلاها فوق فخذه وقال : تعبااان تعبااان
ناظرته وقالت :  اذا تعبان يعني تصد عني وما تكلمني طول اليوم
ناظرها فارس وقال : اجل وش اسوي مني فاهم خليتني اغار عليك وانحرقت من جوا لين قلت امين
ناظرته وهي ماسكه الابتسامه : اسم الله عليك ياغبي لا تقول كذا
ناظرها فارس بابتسامه وقال : طيب
قالت له : ياويلك ان فتحت وربي لا اجلدك 
قربت وجهه من وجهها وقالت : اعشقك ينور حياتي وقلبي
وقبلت شفايفه بخفه
فتح فارس عيونه بصدمه من كلامها

______________________

ادري تأخرت سامحوني ولا تقصرون ب 🌟
يلا احبكمممممم🥹❤️❤️❤️