«بِداية»
~~~~~
:عبدالعزيز زوجتك عطتك عُمرها أما الطفل سليم.
شاف الطفل الي كان متحمس له من تسع شهور، والحين يحس أنه فاقد كلشي بعد وفاتها يحس أنه مايطيق يشوفه حتى.
:أيش بتسميه؟.
رفع أنظاره لهم، ورجع يناظره.
:غريب...
~~~~~
~~~
~~
~
كان واقف قدام أبوه المنفجر من العصبية.
:غريب؟..غرييب؟؟؟. شذا الاسم عبدالعزيز؟؟ الولد بيتعقد بسبتك!.
تجاهله، وطلع برا البيت.
تنهد الجد، وهو يناظر الطفل الي بين يدينه.
:غريب؟.
دخل المجلس بهدوء بيده حفيده، واليد الثانية عكازته.
قام ولده الكبير، وأخذ الحفيد، وساند أبوه.
:يبه لا تتضايق ماردها بتزين.
تنهد الجد، وجلس بصدر المجلس.
قام ولده الأصغر، وصب له قهوة.
:يبه تقهوى.
خذاها من يده يشربها بهدوء.
:عبود أنت توك جاي من دوامك رُح أرتاح، وعطني غريب.
أبتسم عبداللّٰه يحب إهتمام أخوه الصغير إلي كأنه الأكبر بينهم؛ لأنه يهتم فيهم كُلهم، ويعتني فيهم.
:أبشر ياطويل العمر.
قهقه بخفة، وطق كتفه.
:ياللّٰه عاد عبود.
باسه مع جبهته، وراس أبوه.
:تمسوا على خير.
تنهد، وهو يشوف النتفه الي بين يديه.
:واللّٰه عزوز ظالمه بذا الاسم.
تنهد الجد.
:محمد أنتبه له أنا بروح أنام.
أبتسم محمد، وباس راس أبوه.
:تصبح على خير.
أبتسم الجد.
:أنت الخير كله.
أبتسم محمد بوسع، وهو يشوفه رايح.
:يبعد روحي وللّٰه.
نزّل أنظاره لغريب الي يمص أصبعه.
ماتحمل، وضمه بقوة.
:وقلبسس غرّو.
