«زواج»
~~~~~
نزل للمطبخ، وقبل مايدخل سمع صوت خلاه يتصنم.
بلع ريقه، وقرّب أكثر، و وسع عيونه لمّا شاف محمد، وسعود يشفشفون بعض.
رجع للغرفة بخطوات سريعة.
تنفس بعمق، وهو واقف عند باب الغرفة.
"سعود، ومحمد يحبون بعض؟!!"
تنهد، ودخل الغرفه شاف جابر منسدح بتملل يطقطق بجواله.
تجاهله رايح للدولاب يطلّع له ملابس، وراح بعدها للحمام.
طلع بعد كم دقيقه، وهو ينشف شعره المتبلل.
لاحظ أن أخوه موب موجود، وتنهد براحه.
رمى نفسه على السرير، وفتح جواله يطقطق عليه.
قلّب عيونه لمّا شاف رسالة من نفس المجهول.
"هَذا مايرتاح ولا يخلي أحد يرتاح"
فتح المُحادثه بتملل.
°طابَ العُمرُ بِكَ، وطِبتَ لي عُمرًا°
حاول يمنع أبتسامته، وتحمحم بخجل.
هو ماينكر أنه يحب كلامه، وغزله بس مايثق فيه لأنه ما يعرفه في النهاية صح؟.
•أبي أقابلك•
تنهد، وأرسلها بعد تردُد.
°كُلشي بوقته حلو حُبّي°
قلّب عيونه، وطلع من المُحادثه.
دخل على حسابه، وشاف تعليقات آخر بوست له.
أبتسم، و ردّ عليهُم كُلهم.
شدّه تعليق كان محتواه.
^ليش ماتفتح بث؟؟^
صغّر عيونه بتفكير، وأبتسم.
"ليش لا...بفتح بث اليوم"
دخل على مُحادثته مع يوسف، وقال له كُلشي.
[تم بنفتح أنا، وياك بث بس وين المكان؟]
هز أرجوله بتفكير.
:تعال عندي أتوقع عيال عمي بيروحون كُلهم لعرس سمعتهُم يقولونه.
-أوه- متفهمه من يوسف، ونطق بعدها.
[آي عرس؟ وليش ماتروح معهم تنبسط؟]
عقد غيث حواجبه بخفه.
:زواج ولد خالتهم...تعرفني أكره الحفلات، وأخواني ماتوقع بيروحون بس مايهم.
تحمحم يوسف بخجل.
[أحم يعني عبدالرحمَن ماراح يروح؟]
قلّب عيونه بتملل من خويه الي مايفهم.
