«فُرصة؟»
~~~~~
قام بتثاقُل، وشاف الساعة الي كانت (3:55) تنهد، ولف حوله.
شاف أخوه الي نايم، وبحضنه محمد، وجنبهم غريب.
لف، وشاف أبوه، وعمه نايمين جنب بعض.
لف لعبداللّٰه، ولقاه نايم بعُمق.
تنهد، وقام طالع من الخيمه.
أول ماطلع حس بنسيم بارد على وجهه خلّا القُشعريرة تسري بجسمه بخفه.
راح، ورا الشجر يقضي حاجته، وكمّل يتمشى.
شدّ على فروة عبداللّٰه إلي معطيه أياها.
تثاوب بهدوء، وقرر يرجع لهُم.
وصل، وشاف أن الكل للحينه نايم.
شب النار، وحط عليه أبريق الشاهي.
جلس بهدوء يتأمل شبة النار، والقمرا.
أبتسم براحة، وطلّع جواله يصور المنظر الرايق.
نزّلها ستوري، ورجع يتأمل المكان الهادي.
~~~~~
قام بهدوء، وشاف مكان سلطان الفارغ.
أستغرب، وطلع برا لقاه مدكي عند شبة النار، ولابس فروته.
أبتسم بحُب، وقرّب منه.
:صباح الخير؟.
أبتسم سلطان، وصب له بيالة شاهي.
:صباح النور يقلبو.
جلس عبداللّٰه، وأخذ بيالة الشاهي من يده.
:غريبة شعندك مصحصح؟.
رفع سلطان كتوفه.
:آي دونت نو الصراحة حتى أنا مستغرب.
رفع عبداللّٰه حاجبه.
:حركات قلك آي دونت نو يعني الحين مختم أُم الأنقلش.
عبس سلطان بخفه.
:تغاار.
أومئ عبداللّٰه.
:أهمشي أنت مقتنع.
لحظة صمت بينهم، وقاطعه سلطان.
:عبود؟.
أبتسم عبداللّٰه.
