مهمة رسمية (مكتملة)

مهمة رسمية 37

فڤيلا ياغمور، دخل يونس هو و يوسف ضاحكين على بوسط مضحك قراه يوسف ففيسبوك و شاركو مع خوه مخرجو من لموود اللي كان فيه، غير دخل للصالة و شافها تبدلو ملامحو و خنزر بلا هواه، سلم على مو و باه و جلس حداهم مامحاشيهاش ليها...

أميمة نغزاتها هدى اللي علماتها باشارة من عينيها انها تنوض لعندو داكشي اللي ماتردداتش هي فانها تديرو و لكن غير شافها هو جلسات حداه ناض وقف

-ام يونس: فين نايض ا ولدي لعشا غيتحط دابا

-يونس: نبدل حوايجي الواليدة و نجي

-اميمة حدرات راسها: غير خليه ا خالتي غادي هربان مني

تبسم بسخرية و كمل طريقو طالع لبيتو بلاما يجاوبها

-ام يونس: بسبب داكشي اللي وقع لبارح ا بنتي ياك

-يوسف: ختي من الاحسن ماتهضريش معاه فهاد الموضوع حيت مازال معصب

-اميمة: واش انا غلطت فشي حاجة؟ اه خبيت و لكن ماعنديش شي نية خايبة

-اب يونس: اميمة بنتي من الاحسن نسدو هاد الموضوع
-اميمة وقفات: لا مغانقدرش نبقى ساكتة انا غنطلع نهضر معاه...

خرجات مخلياهم موراها كيشوفو غير الفراغ اللي بقا فبلاصتها

-ام يونس: الله يهديهم و يديرو عقلهم

-هدى: ماتخافيش عليهم ا خالتي (خفضات صوتها حتا رجع مسموع لها غير هي و راجلها اللي كان حداها) راهم دازو فما كثر هادي كي والو

-يوسف بنفس نبرة صوتها: انا مامرتاحش، جاني يونس فشكل هاد المرة خصوصا الموضوع داخلة فيه زينب

-هدى فخاطرها (لو كان تعرفو زينب شنو دايرة فيها ماكنتوش تتعاملو معاها هاكا): واخا هاكاك، وحدة ختو و الثانية مرتو اكيد غيعرف يفرق بيناتهم، لو كان كنتي نتا بلاصتو شنو كنتي غادير؟

-يوسف بتفكير: ماعرفتش، بصراحة انا علاقتي بزينب شوية سطحية ماشي بحالهم هما اللي قراب و لكن لو كان نحط راسي بلاصتو اكيد غيبقى فيا الحال الا كذبتي عليا و خبيتي عليا و لكن غير نبرد و تعتاذري مني و منها غادي نسى كلشي و نرجع عادي

-هدى: و نفتارضو زينب كتعاملني خايب و انا مكنقولش ليك و فاش وقع هادشي قلتها لك غتيقني؟

-يوسف: اكيد لا، غتكون باينة بلي باغا ترجعي راسك ضحية و ترجعيها هي اللي ظالمة

-هدى فخاطرها (و هذا هو الغلط اللي دارت اميمة): ماتيقنيش گاع؟ علاش غنتبلى عليها ممكن نكون خبيت عليها حيت مابغيتش تخسر علاقتك بها و لكن فاش شفت علاقتي بيك غتخسر اعتارفت لك