فصباح اليوم الموالي، دق عماد باب بيت مرتو بطرقات خفيفة قبل ما يحلو و يدخل ملي ماسمعش حسها، شافها ناعسة مرتاحة بشعرها المليوح على راحتو جنبها و بيجامتها المثيرة الي فتناتو خلاتو يقرب منها بخطوات بسيطة و يدوز صبعان ايديه على خذها بحنية، بانو ليه ملامحها تغيرو ملي استشعرات لمساتو قبل ما تحل عينيها بتثاقل و غير هي اللي شافتو مقرب منها، قفزات حاطة ايديها على قلبها اللي كان كينبض بالخوف
-عماد بعينين كيبريو: صباح النور الحب ديالي
-اكرام بصوت كيرجف: خلعتيني، كيفاش دخلتي؟
-عماد: دخلت كيفما كيدخلو الناس، دقيت لباب مجاوبتينيش و دخلت
-اكرام: و نتا مولف تحل لبيبان و تدخل بلا استئذان؟
-عماد بهدوء على غير عادتو: لا مامولفش، انا قلت ماشي مشكيل الا دخلت، راني ماداخلش على شي وحدة مكنعرفهاش راك مرتي
-اكرام بشك من هدوءو: واش نتا بيخير؟ ياكما مريض؟
-عماد ضحك بخفة: لا والله الا بيخير و بكثرة ما طاير للسما و فرحان جيت عندك باش نخرج انا و ياك ندوزو ليوم فشي بلاصة زوينة و غير ب 2
ها اللي مابغاتش، سيمانة و هو حاطها فداك الكلينيك ما خرجها حتا بغات تحماق و دابا خارج لها تاني بهاد الخرجة، ناضت من بلاصتها و وقفات مهربة عينيها خايفاه يعيق بها
-اكرام: لا لا مانقدرش، عندي مايدار
-عماد: شنو عندك؟
-اكرام: راك عارف لعرس بقات ليه سيمانة و ليوم دايرة مع الخياطة باش نجيب حوايجي و غندوز عند النگافة نرصي معاها و باقي ليا
-قاطعها: هادشي كولو ماشي مهم، انا باغي نخرج معاك، وصي ختك توقف ليك على كلشي
كيهضر و عينيه كيتساراو عليها، كانت فشكل بحوايج النعاس خلاتو ساهي فيها لتواني قبل ماتفيقو بصوتها
-اكرام: ا سبحان الله ا شريف نعل الشيطان
-عماد بابتسامة خبيثة: وا راك مرتي، واش حتا الشوفة مانشوفش فيك؟
-اكرام صبرات حتا مابقا ليها فين تزيد: شوف والله حتا معاك بصح عندي بزاف مايدار، كون ماحبستينيش فداك الكلينيك كون ساليت كلشي (تأففات) عماد سيمانة دغيا غطير و ديك ساعة نخرجو و نسافرو و نديرو اللي بغيتي
-عماد بابتسامة هادئة و صوت حاد: اكرام انا راشقة ليا و مابغيتش اللي يعصبني، قلت لك يلاه نخرجو صافي ماتعاوديش معايا لهضرة
أنت تقرأ
مهمة رسمية (مكتملة)
Romanceهي قصة زواج اجباري اتفقو عليه واليديهم اللي كل واحد فيهم عندو غرض من داك الزواج، الاول اللي باغي يخرج ولدو من القوقعة اللي عايش فيها بسبب الغذر اما الثاني فكان عندو سبب قوي اللي مخليه يفكر يحط بنتو امانة عند صاحبو و ماغيلقاش شي حيلة من غير انو يزوجه...
