نهار جديد، من بعد ما رجعات هدى للدار و تجمعو عليها باركو لها و زرروها فبنتها، تفرقات الجماعة و اللي عندو شي دار شدها من غير العائلة البعيدة اللي شداتهم ام يونس حتا يدوز السبوع اللي غيكون فالنهار السابع هو و الذبيحة بحالهم بحال مها و راجل مها اللي جاو على هاد الاساس....
فالمساء، كانت هدى فبيتها كترضع بنتها حتا دخلات عليها منى اللي تلاحت فوق الناموسية حداها كتلمس فخد البيبي و هي كتشوف فيها بحب، هدى غير شافتها تفكرات شنو عاودات ليها زينب و غوبشات
-منى: تبارك الله شحال فنة
-هدى: باغا تقولي ليا شي حاجة ؟
-منى على حالتها بقات: بحالاش؟
-هدى بعصبية: مثلا على تقربك من سفيان
-منى خرجات عينيها بالصدمة و تقادات فجلستها قبل ما ترجع تقلب عينيها و تتوتر: اش.. اش كتخربقي كيفاش تقربي من سفيان
-هدى: بلا ديك الضصارة ديالك را فخباري كلشي بلاما تحاولي
-منى تفكرات التحدي د زينب: قالتها ليك زينب ياك، راها غير كتكذب و بغات السبة و لصقاتها فيا انا، انا مادرت والو
-هدى: وا كوني تحشمي، ماتخيليش الشوهة اللي شوهتيني و الحشمة اللي تحشمت بسبابك، واش عرفتي شنو هي ختي كادور على راجل لوستي؟؟ واش نتي واعية بشنو كاديري ولا لا
-منى بعصبية: دابا نتي شنو ضرك فهادشي؟ اش مشا ليك؟ السيد باغاه و باغيني
-هدى تعصبات: واش نتي مريضة؟؟ واش شوية لاباس؟ اش باغيك؟؟ واش هو تقرب منك ولا بين لك شي حاجة ؟
-منى: اه بين واخا ماقربش هو و لكن بين، راك ماشفتيش اللهفة ديالو و هو كيسولني مالي و باغي يعرف علاش كنبكي
-هدى: و زايداها بتخراج العينين والله مكتحشمي.... شوفي انا ماسوقيش فالتفاصيل و فشنو وقع، اللي عارفة و متأكدة منو هو السيد كيحماق على مرتو و غادي يتصالحو و يرجعو لحياتهم و نتي غتطلعي معاك الصبع و تستاهليه حيث من الاول قلت لك بعدي منو و بعدي على اي راجل مزوج حيث واخا يكون گاع بين لك و قال لك بلي باغيك كوني متأكدة بلي غتكوني فقط نزوة نهار غيفيق منها غتبان ليه غير مرتو و غيمشي يبكي على رجليها حتا تسامحو و يلوح مك كي الكلبة، و لكن الواعرة فهادشي كولو هي نتي اصلا مامبين لك ما مقرب منك، نتي مليوحة عليه و مذلولة كي ايخان و مازال كتخرجي عينيك و كتقابحي، انا فبلاصتك نقتل راسي حيث هادشي اللي كاديري و اللي درتي فات الذل لهيه.... شوفي من اللخر و بلاما نزيد نمرض راسي معاك و نرضع بنتي العصاب، جمعي قشاوشك و اي حاجة جبتيها معاك و تبعي مك ملي تكون غادا بحالها
أنت تقرأ
مهمة رسمية (مكتملة)
Roman d'amourهي قصة زواج اجباري اتفقو عليه واليديهم اللي كل واحد فيهم عندو غرض من داك الزواج، الاول اللي باغي يخرج ولدو من القوقعة اللي عايش فيها بسبب الغذر اما الثاني فكان عندو سبب قوي اللي مخليه يفكر يحط بنتو امانة عند صاحبو و ماغيلقاش شي حيلة من غير انو يزوجه...
