جريمة قلب .

Part 3

نبتعد كل البُعد عن البارت الاول ونشوف الحياه الثانيه والعائله الثانيه الي قريبه كل القرب من عائلة عزيز واسيل  -

مهره .. تبلغ من العمر 20 ثالث سنه جامعه ، تقدرون تقولون انها هي الي شايله البيت ومكافئة الجامعه تروح طلبات اختها ومقاضي البيت..
مالها وقت لنفسها ابدا ! الصباح جامعه والليل وضيفه كل هذا عشان اهلها يعيشون بسلام وامان مادي

دخلت البيت مستعجله تدور مفتاح سيارتها الإيجار على سريرها الممتلئ بالاغراض العشوائيه .. مثل مرطب وروج وشنطة فاضيه واستشوار الشعر وكم شي ثاني..

لقت المفتاح بصعوبه وطلعت لسيارتها وهي تتحلطم : من بداية اليوم اضيع أهم شي ! حلو حلو
ركبت السياره وهي تقرأ اذكار الصباح وبعد ما انتهت شغلت قرأن طول الطريق للجامعه ‪...‬

‪ بمكان اخر مختلف تمامآ صوت الأغاني عالي لدرجة غير طبيعيه! صراخ الاولاد مع الاغاني شي مرعب ومهلك للسامع ‬
‪توقفت السياره عند احد المدارس المتوسطه والثانويه للبنين ونزلوا الاولاد بعد اطفاء الاغاني مباشره ‬
مشعل : ‪ي عيال كاره المدرسه والمعلمين مره! .. انتوا انزلوا وانا بروح افطر بأقرب بوفيّه
عامر''صديق مشعل'' :ي رجال خذني معك لاتخلييني الوضع فكك هننناك
احمد ''صديق مشعل'':كلكم بتروحون وتخلوني ! صدق جحّودين انتوا!

تكلم مشعل "هو الي يسوق الكامري المضلله تضليل من الدرجه الثالثه! مستحيل تشوف جنس الشخص هو بنت و لا ولد من قوة سواد التضليل! تكلم وهو يضحك : لاتبكي يا ورع ! اركب معنا وكلّم فادي 'دافور الفصل' يقول للأستاذ اننا بالحمام وموجودين بالمدرسه

عامر وهو يركب السياره : صدق ياولد لاينكبنا ذا والله ابوي لو درى اني غايب لحّطني بالعقال
أحمد : عندنا وعندك خير ... بس الفرق انا بالخيزرانه حقت جدي ..يعيال من المّها تنسى اسمك
ضحكوا الثلاثي المجنون ومشوا وهم يعلّون على صوت الاغاني والي برا السياره يسمع الصووت

مهره وقفت عند الاشاره وهي تقصر القرآن بالتدريج ونبضات قلبها ترتفع بعد ما شافت سيارة مراهقين قدامها واول مانفتحت الاشاره مشت السياره بأقصى سرعه وبدوا يفحطون مثل اي مراهق عاشق للتفحيط..
مشعل وهو يفحط كان خايف من داخله لان بالسياره معاه ارواح ولو ماتوا بسبته راح يندم طول عمره ...لكن استمر بالتفحيط وكل مايسمع صراخ اخوياه وفرحتهم يزيد السرعه اكثر واكثر

عند مهره الي كانت ترجف وتردد بنفسها "مالك دخل فيهم قربتي من جامعتك اصلا " لكن الي ماكانت متوقعته .. رجوع السياره بعكس الاتجاه وتكملة التفحيط مقابل سيارتها
كلها ثواني والسيارتين دخلوا ببعض من قوة سرعة سيارة مشعل!

حست بألم الكون كله للحظه... كانت بتموت من الالم مصدومه من اللي صار وكل الي تقدر تسويه تصرخ وتعبر عن المها
احمد وعامر من الصدمه تلثموا وفتحوا باب السياره وركضوا هاربين من الواقع ! كانوا متوقعين مشعل يلحقهم لكن صار العكس
نزل مشعل وهو يرجف ويردد" لاحول ولاقوة الا بالله! " كان مفجوع من المنظر موسع عيونه وفاتح فمه مصدوم ومباشرة ركض للسياره الي صادمها وفتح الباب بسرعه خوفا على الي موجود : فيييك شي!