جريمة قلب .

Part 4

الساعه 5 الصباح
صحت روز قبل الكل ودخلت غرفة اخوها "المرحوم" واخذت ثوب وشماغ وكم شي ولبستهم وكانوا نفس الطول فا طلع عليها بالضبط
اخذت مشد عشان تخفي اي اثر يبين انها بنت وطلعت للشارع تراقب بيت عامر ولد جارهم

وكلها دقايق وطلع عامر بثوبه وقافله معاه ويمشي للمدرسه وهي وراه ومستعده تسوي اي شي بس عشان تنتقم من مشعل

دخلت المدرسه وهي متلثمه ونبضات قلبها سريعه كانت تلحق عامر لانها داريه انه بيروح لمشعل
وفعلا دخل الحمامات وكانوا جالسين على المغسله وجلس معهم عامر
دخلت احد الحمامات وقفت تسمع وش يقولون
احمد : مشعل قسم بالله توقعت تزبن معنا !
مشعل بسبب انه جداوي اغلب المصطلحات مايعرفها : ازبن وش معناتها ذي
عامر : يعني تركض . حتنى والله توقعت بس انصدمت انك رحت لها .. حتى يوم احترقت السياره وكيف شلتها وخفت عليها وتشرّبها مويه انصدمنا والله
مشعل : ياشباب انا اهرب اذا صدمه خفيفه .. صدمنا شايب ولا ورع مو بنت!
عامر : معاك حق .. بس وجهها ماكان باين
مشعل : انا والله ماركزت على اي شي خايف عليها وبس .. يعيال تدرون ابوي حول لها مبلغ جامد! لو ماحول لها كان انا بالسجن الحين
احمد وهو ينزل اكمامه ويعدل ثوبه : طابور يلا

طلعوا وبقى عامر يصفق بيبان الحمام ويصرخ : اللي بالحمام بسررعه طابور! " كان عريف مؤقت عشان كذا يستغل الفرص ويصرخ على اي شخص يشوفه ويطلع الطاقه السلبيه "
توترت وبسرعه فتحت الباب وتقابلت الأعين
عامر : متلثم بالحمام شوضعك انت .. فك فك ترا مايخلونك تصف طابور
تأفأفت ومشت بسرعه ونزلت اللثمه عن فمها وهي تلبس كمام بسرعه
الوكيل : ابو كمام !! نزله!
بلعت ريقها وخشنت صوتها اكثر : ت..تعبان ياستاذ
الوكيل : جديد انت؟
هزت راسها ب ايه بسرعه ولفت وجهها ماتبي تكثر اسئله معاه ...

دخلوا الفصل وكان التوتر مالي قلبها حطت راسها على الطاوله وتبي تغفي لين يجي نهاية الدوام وتجلد مشعل .. ذا الي براسها
شوي سمعت صراخ مشعل وعامر يتعالى واحمد يقول " يعيال اقصروا الشر!"
مشعل : المرجله ويين يااعامر والله ماتوقعتك كذاا!
عامر : تعلمني عن المرجله وانت جداوي ياطفل !!
مشعل دف عامر بقوه : الجداوي ذا يربيك يابن الكلب
تصافقوا وعيال الفصل يفكون فيهم لين دخل الوكيل وتهاوش معهم قدام الطلاب
عامر قام بحكم انه جنب مشعل والان مايبغى يجلس جنبه ابدا .. ناظر الاماكن الفاضيه وماكان فيه الا كرسي جنب روز ، مشى ووجلس جنب روز وهنا روز رجولها ماتوقف رجفه ابدا وتناظره
عامر التفت عليها وهو يقول شفيه سرحان فيني ذا .. حس العيون مو غريبه عليه : ياولد احسني اعرفك وخر اللثمه
: لالا
عامر ناشب : وخرها يبوي مامن غريب
: حطت يدها على الشماغ تثبته : لالا
عامر وسع عيونه : اخو العيال.. وش ذا الي على اظافرك ياولد
ناظرت اظافرها واستوعبت الغباء الحقيقي " روز ياغبيه ما مسحتي مناكيرك !"
بلعت ريقها وهي تخشن صوتها : اختي الصغيره الله يهديها "حطت راسها على الطاوله بسرعه
عامر تأفأف وبطبيعته يحب يسولف : وش بقعد لحالي يعني ... سولف معي ياورع!
ماردت وتسب نفسها بداخلها تقول وش الي خلاني اسوي كذا !
قبل ما يرن جرس الطلعه قامت بسرعه قبلها بعشر دقايق واستأذنت لدورة المياه
ووراها طلع عامر وهو شاك شك كبير
راحت عند المغسله تحاول تمسح مناكيرها ومعقده حواجبها وتشتم بهمس : الله ياخذ مشعل ليه سويت كذا بنفسي وش الورطه هذي الله ياخذك يامشعل