جريمة قلب .

Part 13

جا اشعار ل اسيل بنص هواجيسها ودموعها من '' عزيز زوجي '' اخذت الجوال وهي مو مصدقه انه ارسل اكيد يستهبل ! ليه ما بلكته اصلا ؟ دخلت على الرساله '' اسيل ، ابغى اكلمك ضروري ... انا برا ''

انصدمت من وقاحته وتفاجأت يوم سمعت صوت طق الباب وخافت يصحون عيالها خايفين ، قامت بسرعه وركضت للباب والروب الحرير عليها : ليه جيت ؟؟!
عزيز قرب منها : منهم الي معاك ؟ عيالنا ؟
حاولت تقوّي قلبها ولا تضعف بيّنت كرهها له : مالك دخل مالك دخل
عزيز : هذول عيالي مثل ماهم عيالك !
رفعت حواجبها بأستهزاء : عيالك ؟ هههههههه ضحكتني عزيز
اشتاق لاسمه من منطوقها ناظر شفايفها ووجهها الي مشتاااق له كل شي كان يذكره بالماضي : فكي لي الباب ابغى اشوفهم
: تخسي وااالله تخسي ما تشوفهم ولا تقرب منهم سامع ! انا معد اثق فيك بكرا القاك ماخذهم اركب سيارتك واذلف !
عزيز : لااا تنسيين نفسك اسيل ! مجنونه انتي ؟ تمنعيني من عيالي !
: ماهم عيالك
عزيز راح تفكيره بعيد ووسع عيونه وهو يمسك ذراعها بكل قوته وشدها له : من مين اجل !!! انطّقي لا اجرّم فيك !
لمعت عيونها من ريحة العطر الي رجعت لها كل الذكريات : صرت قاسي والله ''دفته بقوه'' لا تلمسّني !
قرب منها بخطوات سريعه وكأنه بيهجم مسك كتوفها وشد على اسنانه : وخري عن وجهي عيالي ومن حقي اشوفهم
تناظر القسوه والشر بعيونه تغير كل شي فيه حاولت ماتبكي لكن بانت نبرة صوتها المهزوزه من قوة الغصه : كم مره اقولك لاتلمسّني ! 'ضربت صدره بقوه وكل ماتضرب يقرب منها اكثر ، تضرب صدره اكثر من مره تفرغ عن كل الي جواها وانهزمت ، نزلت دموعها وهي تكرر '' لا تلمسّني لاتقرب مني ! '' كان يعاندها ويقرب وهو يشوف دموعها تنزل .. مسك يدينها يوقفها وسحبها بقوه لحضنه : اسيل ارحميني ''كان شاد على حضنها لدرجة ماتتحرك تحاول تبعد تدفه ماقدرت من قوته ، غرست اظافرها بظهره واليد الثانيه رقبته : وخر عني وخرر
همس عزيز : والله لو تطعنيني ماوخرت
فزت العنود اول ماسمعت صوت امها برا الغرفه وقامت ركض تطلع : ماماا شفيي.. ''شهقت اول ماشافت عزيز حاضن امها واسيل تدفه لكنه مصّر ركضت وهي تصرخ وتضرب ساق عزيز بذراعها الصغير : وخر عن مامااا

ماكان ملاحظها من صغرها ارتخت عظامه وجسده بالكامل وكأنه تبنج ، نزل راسه يناظر شبيهته ونسخته الصغيره : ب..بن بنتي ؟

نزل جسده بالكامل لبنته جلس على ركبته يتأملها وهي خايفه على امها حط يدينه على شعرها وعلى وجهها مو مصدق الي شافته عيونه
اسيل لا ارادي انهارت وهي تغطي وجهها وتصد كانت تتمنى تشوفه مع بنته وولده اول ماولدوا ويعيش معاها كل التفاصيل
العنود بعدت وجهها : ليه تقرب من ماما ليه انت حرامي !
هز راسه بلا وهو يحس بدمعته تنزل لأول مره يُهزم : انا بابا
عقدت حواجبها ببراءه : بس بابا مسافر وسمعت ماما تقول انه ميًت ، مو بابا ليه تكذب تدري الي يكذب يروح النار
كيف ماتماسك ؟ كيف ماحس بدموعه وهي تنزل بغرازه وكيف يدينه ترجف وهو يتحسس وجه بنته مو مصدق وكأنه بحلم : طيب عادي تحضنيني ؟
هزت راسها ب لا : ماما تقول لاتحضنين غريب 'بعدت عن عزيز واقتربت من امها : ماما فيك شي ؟ ماما اليوم بكيتي كثير وش فيك