رجولها ودتها للقسم بدون ماتحس بنفسها جلست تسأل عنه
مساعد : لازلتي تسألي عن قاتل ومختطف ؟
بلعت ريقها بخوف وتوتر وشهقت وفبالها تقول لايكون هو الي قتل اخت اسيل !!! : اسمع مابغى خبر يصدمني مابغى اي شي يضيق خلقي ابي اشوفه وبس
مساعد : عساس بسمح لك ؟؟! يابنتي تحسبي الدنيا سهله ؟!
دخل مشعل بعد ماسمعهم وحاط الشماغ على كتفه : اي بتسمح لها يبه
مساعد : مشعل اخرج من الموضوع ! بعدين هذا شكل واحد ابوه شرطي ؟! شماغ وثوب وكأنك رايح للاستراحه خير يابوي اشبك ؟؟
مشعل ناظر ابوه ببرود وهو يمشي وروز مشت وراه : مشعل صدق بتخليني اشوفه ؟
مشعل وهو مايناظرها ويمشي بخطوات سريعه : امشي معي
كان مستعجل وهي تركض وراه : انتظرني طيب ؟؟
دخل للتوقيف ومشى وروز وراه : ععامرر
ركضت لعامر الي شافته بأسوء حالاته وجهه مبهذل ورغم هذا.. ابتسامته رجعت اول ماشاف روز : اااخ روز
مشعل وقف بعيد يناظرهم وهو يحس بنيران قلبه واحتر الجو .. يشوفهم مبسوطين بشوفة بعض وكانهم شايفين الجنه .. لمحها تدخل يدها بين الحدايد الي مانعتهم عن بعض وتمسك يدينه بقوه : عامر وحشتني !
عامر ابتسم : ياروح عامر وشرايينه ! وحشتيني وحشتيني متى اطلع من هنا ونتزوج ياروز ! طمنيني عنك عساك بخير ؟ البُعد ذابحني ياروز
روز وعيونها تلمع من الفرحه لشوفته : كيف بخير وروحي هنا ؟ بسوي كل شي عشان تطلع صدقني عامر بسوي كل شي
عامر ابتسم : شوفتك خففت علي الكثير ياروز ، دايمآ تعالي
روز : اذا قدرت
رفع يدينه يمسح دموعها : لا تبكين انا بخير يا امي انتي
روز : عامر وجهك دم وجروح
عامر : ما احس فيها مااعليك
روز التفتت لمشعل : عادي تفتح لي الباب ؟
مشعل هز راسه ب لا وهو يفتح ازرة ثوبه يتنفس ، وش تبغى بعد اكثر ؟ تبوسه وتحضنه ولا ايش ؟! وش اكثر من الي سووه الان! : خلص وقتك تعالي
روز : مشعل بس دقيقتين
مشعل شد على سنونه : المره الجايه ماراح اخليك تدخلين للابد سامعه
روز تنهدت : باي عامر
عامر ناظر مشعل بحزن وهو وده يرجعون اصحاب : مشعل ابيك بكلمتين
مشعل ناظر روز : اسبقيني للسياره
روز ماتبي تجادله ومشت للسياره وهي تحس انها تبي تقعد مع عامر اكثر لكن مافيه وقت بسبب مشعل ..
عامر : مشعل وينك يا اخوي لازرتني ولا شي .. نسيت ايامنا ؟ اقرب اخوياي يتغير علي ليش ؟
مشعل : والله انت الي دخلت روز بيننا .. عامر انت تقول هالكلام لمصلحة نفسك صح ؟!
عامر : لا والله ، والله شوفني احلف اني فاقدك وماعتبرك الا اخوي ! مابيك تطلعني جعلني ابقى بالسجن طول عمري بس ليه متغير علي حتى احمد متغير شفيكم ياعيال ؟ بالعاده هوشاتنا يوم يومين ونرجع والمره هذي ؟ مشعل انا اسف على الكلام الي طلع مني اسف
مشعل ببرود : مسامحك ''مشى وطلع من التوقيف ومن القسم .. ركب سيارته وشاف روز تمسح دموعها بسرعه وهي منهاااااره
مشعل : انا موديك هنا بس عشان ماتبكين والحين منهاره؟
YOU ARE READING
جريمة قلب .
Actionاخيرا بقدر انام مرتاح .. بعد ماقتلتها ، قالها المجرم بهمس قبل ماينام بدقائق ، مين المجرم ؟ وليه قتل الضحيه ؟ واختارها هي بالذات !
