لقت روز نفسها قدام بيت مشعل ، فتحت الباب بهدوء ، دخلت للصاله وشافت صحنين وكاسين فيهم ببسي على الطاوله ، الشاشه مفتوحه على نيتفلكس واللمبات طافيه ، عقدت حواجبها وتنهدت وهي متوقعه انه خاين واكبر خاين ، ما اثر فيها واصوات اهلها وصراخ امها لازال يتردد براسها ، كانت مولعه الفلاش دخلت الغرفه وتفاجئت ب شخصين نايمين على السرير !
بلعت غصتها ومشت للتسريحه تاخذ اغراضها بهدوء ، ميكب عطور وكل شي يخصها ..
حس بتحركات وقتها ماجاه النوم من التفكير رفع راسه وشاف عبايتها الكحليه وطرحتها الي على كتفها وشعرها المموج تاكد انها روز ، فز وهو يحس انه يتخيلها يدور تيشيرته يبغى يتاكد هي ولا لا ! : ر.روز
ماسمعته من ضجيج تفكيرها تحط اغراضها بشنطه صغيره بيدها بسرعه تبي تطلع من البيت التفتت بعد ماشافته من المرايه وراها فزت بخوف وهي تناظره وعيونها ممتليه دموع
مشعل بدون مايحس حضنها : روز حنا مابتدينا عشان ننتهي تكفين فكري لو شوي
روز حست بجسمه البارد وتقشعرت وبعدت عنه وتناظره ودموعها اربع اربع بدون اي شعور : انا انتهيت مشعل انتهيت
مشعل حس بصوت المفرش يتحرك وعرف ان احمد صحى من اصواتهم : احمد لاتناظر زوجتي فيه
احمد : خرشتني احسب الجاثوم دخل الغرفه ''غطى نفسه بالمفرش يكمل نوم''
مشعل : تكفين روز شوفيني اقول تكفين !
روز اخذت اخر عطر لها وتاكدت ان مافيه اي شي يخصها ، طلعت من الغرفه بدون ماترد عليه وتشوفه يمشي وراها : مشعل روح نام احسن لك والله!
مشعل : روز والله ما اشك فيك ابدا ونعيش احسن حياه بس لاتروحين لاتخليني روز انتي حبيبتي وزوجتي لاتخليني روزز
روز : اليوم قايل تمام بنزلك الان عند اهلك وورقتك تجيك ايش الي غير كلامك ها !
مشعل يقرب يبغى يحضنها : والله اسف اسسف
دفته من صدره بقوه : اسف هذي تقولها لأخوياك مو لي ، والله لو ماطلقتني لا اخلعك سامع ! ''صدت وطلعت من اللبيت وهي تشااهق ، الفراق اختيارها لكن كل شي قدامها متدمر ، تروح لمين ؟ الان وبهذا الوقت تروح لمين ؟ جلست بالحديقه الي بالقرب من بيت مشعل ودخلت احد المواقع تدور شقق للتأجير
قاطعها اتصال '' أ.اسيل '' هلا
اسيل وهي تمسح دموعها : روز شفيك ؟ تبكين انتي ؟
بكت بقوه وهي المفروض تسمع هالكلام من امها : لا لا
اسيل : سمعت ان خالتي خلود زعلانه منك ؟ روز تعالي بيتي
روز : مابغى اتعبك والله معاي شنطتي قاعده ادور لي على شقه بس استقر ونتقابل
اسيل : تستهبلين روز ؟ تعالي عزيز مسافر وحاسه بالوّحده امشي عندي ونامي وخذي راحتك
_______________________
لبس تيشيرته وهو يشاهق جلس على الكنب ويمسح دموعه بذراعه ، حس فيه احمد وقام : مشعل ! ورع شجااك ''قام بسرعه بخوف على خويّه '' ولد !''
جلس جنبه على الكنب وهو خايف عليه اول مره يشوفه متدمر ودموعه اربع اربع ، سمعه يهمس ( بتروح مني يا احمد بترووح)
YOU ARE READING
جريمة قلب .
Actionاخيرا بقدر انام مرتاح .. بعد ماقتلتها ، قالها المجرم بهمس قبل ماينام بدقائق ، مين المجرم ؟ وليه قتل الضحيه ؟ واختارها هي بالذات !
