جريمة قلب .

Part 6

تذكرت الشي الي ماخذته عشان تحمي نفسها من اي اذى ، طلعت السلاح من جيبها وعشّقت .... وطلقت على مشعل بكل قساوة وحقد

هدووووء وصمت مخيييف ومرعب بعد صوت الطلقه وصرخة مشعل وهو طايح يتألم ويتنفس بسرعه ، وصرخة المعلمين الي يركضون جايين للساحه الخارجيه ! كانت من ارعب اللحظات الي مرت على روز ! رجفت يدينها وهي تستوعب وش سوت وطاح السلاح من قوة الرجفه ، الطلاب كلهم تجمعوا حول مشعل خايفين عليه ومصدومين !

لفت على عامر الي موسع عيونه ويناظر بخوف وصدمه : شسسووييتي يامجنووونه!
روز وهي تحس بهبوط : ع.عامر والله ما.. ما قصدت! ''غمضت عيونها بالتدريج وطاحت بحضن عامر مغشي عليها من الصدمه

_______________________

صحى خالد وهو يسمع قراءة امه للقران ، فتح عيونه وهو يشوف منشفه على جبهته وما عليه تيشيرت : ي.يمه
: صدق الله العظيم .. ''ناظرته ببتسامه'' عيون امك وروحها ، طمنني عنك؟ تحس ب تعب ؟
خالد : ش.شوي ، شصار يمه احس تعبت زياده
الام وهي تحاول تمسك نفسها وماتبكي من منظر ولدها : عليك حراره ياحبيبي '' حطت يدها على رقبته'' لا ماشاءلله خفّت الحراره عن قبل

خالد مسك يد امه قبل لا تبعدها وباس يدها : الله يحفظك لي يمه
كانت تسعده الاشياء الحنونه هذي وتخفف عنه الم قلبه كثيييير
خالد بعد سكوت لمده : يمه عادي اسافر ؟ اغير جو شوي
الام : شفيك ياخالد شفيك؟ وش الي متعب قلبك ؟
خالد تنهد : ولا شي يايمه بس ابي اغير جو
الام : اخاف تتعب هناك ولا احد داري عنك
خالد : ان كانك تبين تعالي معي
الام ببتسامه : والله ماقول لا ياولدي تم
خالد ابتسم : باخذ مسكن الم واححز طيارتنا ، تجهزي وشوفي عامر اذا بيجي

الام هزت راسها بالايجاب وهي مبسوطه وتحس ان هالسفره بتسعد ولدها كثير .. ومتطمنه لانها معاه .. راحت تكلم عامر وللاسف اعتذر وهو متوتر وخافت انه صاير له شي من صوته المتوتر والقلق ، وكان عذره '' لا يمه ماقدر اغيب والله ، يمه اكلمك بعدين مع السلامه'' تعوذت من ابليس ماتبي تشيل هم اكثر من الهم الي فيها ، جهزت اغراضها واغراض خالد وهي تدعي لعيالها

_______________________

كانت جالسه بحضنه مغمى عليها رشوا عليها مويه وفزت وهي تتنفس بسرعه
المعلم : مجلّسها بحضنك بعد ! راح تدفع الثمن غالي بالاخره والدنيا ياعامر!
عامر : اختي بالرضاعه هدها ياستاذ
صحّت روز على اسوء جمله ممكن تسمعها بحياتها ! حب الطفوله طلع اخوها من الرضاعه؟ كل هالسنين والحب ! اخوها من الرضاعه؟ تمنت الارض تنشق وتبلعها من قوة الصدمه : مشعل فيه شي !؟
عامر : لا ، تستهبلين؟ طلقتي عليه متوقعه مافيه شي يعني !!؟

روز وهي تقوم من حضنه : وخر عني مو ناقصتك ''دفت الاستاذ عن الباب وطلعت من غرفة الانتظار وهي تشوف الدكاتره حول مشعل بأحد الغرف ، دخلت وهي تركض وقربت من مشعل الي كان يتألم وصراخه يعوّر القلب ! .. ماتوقعت انها بتبكي على صوت عدو اختها ! بس رحمته كان بيموت من الالم ، والسبب ؟ هي !