عزيز صرخ بوجهها بكل قسوه وكأنه مجنون : حبـيببك يالمجنوننه خاطف زوجتتي زوجتتي !!! متتخلفه المفروض انتي وهو تدخلون السجن وتعفنون هناك ! ''لف على مساعد '' هذا مايطلع من السجن سامعع ؟ مؤبد ! مؤبد يايبه !
روز حست انها انصقعت كف على وجهها اول مادرت ان عامر المتسبب بكل شي .. انصدمت وهي تهمس '' مستحيل .. مستحيل '' التفتت على مساعد : تأكدتوا من الكلام الي يقوله؟
ابو مشعل لاحظ انها تدوخ شوي شوي وماهي قادره تتكلم ورجفتها تحكي عن كل الكلام الي فيها : روز اجلسي يابنتي ! بنتأكد من كل شي اهدي بس !
جلست وهي تحس بدموعها تنزل بدون ماتحس ، متحسفه على كل شي سوته لعامر خذلها خذلان كبير حسسها بكل انواع تأنيب الضمير ..
عزيز وهو يرفع شعره لفوق ويتنفس بسرعه : ذا لو طلع من السجن بقتله بقتتتتتله ! ''وسع عيونه بقوه وهو بينجن من الافكار الي تجيه'' وش سوا بزوجتي ! وووش سوااا ليييه لييييه اخذهاا ! ''ناظر روز وهو يصرخ بوجهها '' تككلمي التببن الي معاااك وش يببغى من زوجتتي !
روز علّت صوتها وهي تبكي : مااعررف ماعرفف لاتصرخ علي خلاااص ! انا وش دخلني ليه تطلع حرّتك فيني !
عزيز بقرف وهو يناظرها وكاره وجودها : لأنك تشبهينه ! بكل اختصار!
حست المكان مو مكانها والضيقه كل مالها تزيد عليها .. طلعت من المكتب بهدوء تام ونيران قلبها تحرقها وتحرق كل ضلع بجسدها ..
انتهت .. من كل شي .. حست انها النهايه ماتبي اي شي بعد هذا .. دخلت بأكتئاب مباشره بعد الخبر الي سمعته .. كيف بترجع تنطق اسمه؟ كيف بتناظر عيونه كيف بتزوره؟ كانت مخططه تزوره لكن الحين مافيه امل !!! توها بتطلع من قسم الشرطه وشافت مشعل نازل من سيارته الجي كلاس وكاشخ اخر كشخه وريحة عطره تفوح : اوه روز ؟ وش الصدفه الجميله هذي
روز صدت : اشوفك بوقت ثاني
مشعل وهو يشوفها تمشي : طيب ردي على اتصالااتي ..
روز جلست على احد الكراسي اللي قدام القسم وسندت ظهرها وهي ماتقدر تفتح عيونها زياده غمضت وهي تتنفس وكلها ثواني وغفت بدون ماتحس بنفسها لها كم يوم ماتنام الا ساعه بالكثير وتعباااانه
طلع مشعل وركب سيارته ومشى وبعدها حس انه لمح روز وقف وهو يناظر وانصدم انها نايمه وهمس : مجنونه ذي ''نزل ومشى لها '' روزي .. روزي بنت قومي
فتحت عيونها بشويش وهي نعسانه : خليني مهره بناام
مشعل حط يده على عيونها يفتحها بشويش : ناظريني بنت !
روز وهي لسه مغمضه : اوه مشعل
مشعل : وش اشيلك يعني ولا ايش .. قومي لسيارتي بنزلك بيتك
روز تأفأفت وهي تدور جوالها : وين اغراضي
مشعل : معي بس تعالي .. ''فتح لها الباب وركبت وراح يركب ويسوق لبيتها ''
وصلوا ونزلت بدون ماتكلمه اخذت جوالها ودخلت البيت وهي مشؤومه من بيتها لانها يذكرها بحادثة عامر .. تمنت انها دخلت بيتها ولا تلقفت وراحت ورا عامر .. البيت هدوء دخلت الغرفه ونامت بعد مابكت وطلعت كل الي بقلبها بدفترها الصغير الي تحتفظ فيه على الكومدينه
YOU ARE READING
جريمة قلب .
Actionاخيرا بقدر انام مرتاح .. بعد ماقتلتها ، قالها المجرم بهمس قبل ماينام بدقائق ، مين المجرم ؟ وليه قتل الضحيه ؟ واختارها هي بالذات !
