جريمة قلب .

Part 9

جاء اليوم الموّعود ..

يوم الهناء بالنسبة لمشعل الي عزم جميع الناس الي يعرفهم والي مايعرفهم بأفخم القاعات دفع نص حسابه البنكي على عرسه .. تكلّف بشكل غير طبيعي ولا قصّر ابدآ ... فستان روز من اغلى المصممات وفيه ببداية الفستان فصوص من الماس ! كانت طالعه ملكه بشعرها وجمالها شي لا يوصف !!

مشعل كان مرتبك ومعه احمد يهديه : اهدأ ياعريييس اليوم يومك!
مشعل تنهد بخوف وهو يطقطق اصابعه : والله خايف تفشلّني البزرة ذي
احمد بفضول : وش تتوقع تسوي يعني ؟
مشعل : ما أعرف هي مجنونه تطري على بالها اشياء ما يتخيلها انسان ! اخ الله يستر من ذا اليوم

احمد تنهد وهو يسرّح ويفكر : تمنيت عامر معنا
مشعل : ابشرًك طلع من السجن هو ببيته الحين
احمد شهق : ويدري عن الموضوع !؟؟؟؟
مشعل : لا بس ارسلت له الموقع ابي اشوف ردة فعله
احمد : مشعل لاتصير نذل ! احذف الرساله والله بينغبن الولد
مشعل : خلّه يتعلم مايأذي الناس ولا يخطفهم
احمد وهو يضحك ويناظر المعازيم : شايف الي يرقص ؟ ااخ شاد حيلّه !
مشعل بهمس : ههههه ايه حتى اصحاب ابوي يرقصون بالسيف .. الله يستر لا ينقتل احد

ضحكوا وهم يخففون على بعض التوتر .. طلع مشعل بسرعه وهو يتصل ب '' Rozy '' : بنت ! متى الزفه !؟
روز : بعد شوي
مشعل : اقدر ادخل اشوفك ؟! طلّعي الي معاك بالغرفه انا جاي
روز تنهدت وهي تسكر الجوال وترفع راسها تناظر نفسها .. كانت قمه بالجمال .. وخلود امها تصورها وفرحانه فيها وتستقبل المعازيم وتعبت مره في هذا اليوم

دخل مشعل بالبشت واول مالمحها علّى صوته : يابنت ! روز زوجتي وين ؟ انا العريس
روز ناظرته : تستهبل مشعل ؟
مشعل انصدم اول ماشافها : روز ! انتي روز ؟ يخرب بيت الجمممال والله ماعرفتك ! تبارك الرحمن

روز ما اعطت اي ردة فعل : مشعل لاتكثر كلام امش الزفه بتبدا
مشعل : انا الغلطان الي امدحك تصدقين ''مشى وهو منفس وتغير موده ''
وكلها دقايق وبدت الزفه وصوت الزغاريط كان قلب روز يرجف ويدينها ، متوتره توتر غير طبيعي .. مشعل حس بتوترها ومسك يدها : لاتوتريني معك ! هدي شوي !
اخذت نفس شهيق زفير وطلعت امام الجميع هي ومشعل مع بعض .. كانت ماسكه الورد بيد ومشعل بيد وتحس انها بحلم !! تسمع ''الف الصلاة والسلام عليك ياحبيب الله محمد '' وتناظر مشعل المبتسم وهي ؟ ومشاعرها وقلبها الي مسلّمتها لشخص ثاني ؟ .. كان اشبه بالكابوس الكل يبارك وفرحان وهي تبتسم مجامله وبدون نفس .. رغم شكلها ولا غلطه .. الا ان مشعل اكبر غلطه !!!!

كان جالس جنبها ماسك يدها ومشبكها بيده يبتسم ويرد التباريك اقتربت خلود من مشعل : انتبه لبنتي لاتزعلها ياويلكك
مشعل وهو مبتسم : من عيوني ياخالتي ابشري
مهره بحماس: مبروك اختتي ..
روز ببرود وهي تحاول تبتسم : يبارك فيك ''قربت من اذن مشعل وبهمس'' متى يخلص العرس ؟!
مشعل : مستعجله ؟ ''حس بصوتها غصه وأي كلمه زياده بتبكي '' روز مكياجك لايخرب والله بسطرَك !
روز وهي تحاول تنشّف دموعها : ماراح ابكي انطم !