"ကိုလှမောင် ဒေါက်တာဆီ ကြေးနန်းရိုက်ဖို့ စာရေးပြီးပြီလားတော့"
"ရေးပြီးလို့ မနေ့ကပဲ ပို့ပြီးပါပြီးဟာ"
" ဒါဖြစ်လည်း ပြီးတာပဲတော့ ကျုပ်တော့ ဘာတွေဖြစ်လာမလဲ စိတ်မောနေရပြီ"
မခင်နှင်းဆီရဲ့ မဂ္လာသတင်းဟာ ရပ်ရွာအနီးနားမှာတော့ အတော်လေးသတင်းထူးဖြစ်နေဆဲပါ ၊တစ်ဖက် သတိုးသားကလည်း သူဌေးသားဆိုပေမဲ့ရေရေရာရာအလုပ်မရှိ လောင်းကစားကလုပ်သေးဆိုတော့ ကလသားများက မခင်နှင်းဆီကိုနှမျောသသပေါ့ဗျာ။
~
" ဟဲ့ အေးနွယ် ညည်းကြည့်ရတာ နေမကောင်းဘူးလား အားမရှိလိုက်ပုံများအေ"
" နေ..နေကောင်းပါတယ် အရီးလေးရဲ့"
အရီးလေးဟာ အားမရတဲ့ပုံစံနဲ့ အေးနွယ်ကိုယ်လေးကို မှတ်သလောက်သိသလောက် စမ်းသက်ပေးနေရှာသည်။
"ညည်းသွေးသားတော့ မှန်ရဲ့လားအေ"
" မှန် ...မှန်ပါတယ်"
" ငါကိုမလိမ်စမ်းနဲ့အေ ညည်းပြောဟယ် ဒီကိုယ်ဝန်ဘယ်သူနဲ့ရတုန်းအေ"
အရီးလေးမှာ အေးနွယ်တို့မောင်နှမနှစ်ယောက်ကို မိဘတွေဆုံးပြီးထဲက သားသမီးပဏပြုစုလာခဲ့သည်။
အခုချိန်မှာ အရီလေးရင်ထဲရော အေးနွယ်ရင်ထဲရော အပူမီးတောက်လောင်နေပါတော့သည်။
~
" ဟဲ့ ညည်းကြားပြီးပြီလာအေ့"
"ဘာတုန်း မခင်နှင်းဆီ ဟိုဘက်ရွာသားနဲ့မဂ်လာဆောင်တဲ့သတင်းလား၊ ကျုပ်ဝောာင်အကျီချုပ်ပြီးပေါ့တော့ ဟီး"
ရွာရဲ့တောင်ဘက်မှာရေတွင်းရှိသည်၊ ထိုရေတွင်းကို ရွာထဲကလူတွေလာချိုးတတ်ကြသည်၊ အဲ့လိုအချိန်ဆို အမျိုးသမီးများ သဘာဝ ကိုယ့်ကောင်းကြောင်း သူများမကောင်းကြောင်း တီးတိုးပြောတတ်ကြသေးသည်။
" ဟုတ်ပါ့ ရက်တောင်နီးလာပေါ့"
"ဘယ်နေ့တုန်းအေ့"
"လာမဲ့ကြာသပတေးနေ့လေ ဒီနေ့ပဲ တနလ်ာနေ့ရောက်နေပေါ့"
" ကဲ ညည်းတို့တစ်ယောက်တစ်ပေါက်နဲ့ ကျုပ်ပြောချင်တဲ့သတင်းထူးက အဲ့ဒါမဟုတ်ဘူးဝောာ့"
YOU ARE READING
တစ်ချိန်က မခင်နှင်းဆီ
Romanceဒီ လက်ပံပင်ကြီးရယ်... ထနှောင်းစုရွာလေးရယ် ကွမ်းတောင်ကိုင်ပန်းတောင်ကိုင်အညာသူလေး မခင်နှင်းဆီရယ်....
