Whispers of Solace (Whispers Series #1)

03

“B-ba-b-bye Ate Kisna.” sulti sa akoa ni Aiah ug niwave siya sa akoa.

“Babye baby Aiah, pagbinuotan diri ni mama ha. Ayaw tagai si mama ug sakit sa ulo.” tubag nako sa iyaha.

“Yes po,” nismile dayon siya sa akoa ug klaro pa kaayo ang iyahang muta sa iyahang mata kay bag-o pa siyang mata.

“Promise?”

Nitando siya sa akoa. ”P-promise Ate Kisna” iyahang gipataas ang iyahang pinky finger ug nagpinky swear ming duha.

It's just so cute nga naa kay ingon ani nga manghud kay makawala sa imohang kakapoy. Always jud ginapawala ni Aiah ang amoang kakapoy ni mama.

Siya jud ang amoang inspiration inig mata namo sa buntag. Kanang down na kaayo ka kay gikapoy kas imohang trabaho tas musugat dayon siya ug mugakos. Lami kaayo sa feeling.

“Ma!” singgit nako.

“Naa kos luyo nak!” tubag niya.

As expected naa napud siyay labada kay naa man siya sa luyo. Sayang naa koy klase di nako siya matabangan.

Niadto ko sa luyo para mananghid ni mama. Naabtan nako siya nga busy ug panguso sa mga labhunon. Nagtipun-og pa ang mga labhunon nga wala nalabhan ug murag unya pajud ni siyang hapon mahuman.

“Adto nako, ma.” pananghid nako sa iyaha.

Iyahang giundangan ang iyahang pagkuso ug niatubang sa akoa. “Pag-amping sa dalan nak ha.” sulti niya.

Nakarealize ko nga di nalang guro sa ko mueskwela kay tabangan nalang nako si mama. Di paman guro pud to sila magquiz karon uy, unya nalang kong udto mueskwela kay naa mi quiz sa PerDev (Personal Development).

“Di nalang diay sa ko mueskwela ma, tabangan nalang tika aning mga labada,” sulti nakos iyaha.

“Ayaw na nak, ako na ani. Kadali ra ani mahuman, makaya ra lagi ni nako. Kailangan nimo mueskwela karon, naa biya moy quiz kaha.” concerned niya nga sulti sa akoa.

“Pero...”

“Aysig ginahig ulo nak, adto nas eskwelahan kay malate pa ka. Kaya na lagi ni nako, ayawg kabalaka.” ana niya ug nismile siya sa akoa para mataguan niya ang iyahang kakapoy.

“Sure ka ma ha?”

“Oh lagi nak.” confirmed niya.

Gusto man unta ko mutabang ni mama pero naa pud koy pag-eskwela nga kailangan nako iprioritize. Kailangan nako musulod kay para pud ni sa ilaha.

“Segi ma, adto nako. Babye, amping mo diri ni Aiah.” sulti nako sa iyaha.

“Bye nak.” tubag niya ug busy na siyag kuso sa mga nilabhan.

“Ay nak, imohang balon nga kuwarta? Wala raba koy mahatag sa imoha karon kay gipalit nako ug sud-an ang suweldo nakos labada.” medyo sad niya nga sulti sa akoa.

Ni smile rakos iyaha. “Okay ra ma, naa pa man pud koy kuwarta diri,” tubag nako.

“Segi adto nako uy!” dugang nako sa iyaha.

Kailangan nako ma valedictorian karon sa amoang batch para naa koy scholarship inig college. Dili kaya ni mama nga mapaeskwela ko sa college kay mag-eskwela nasad si Aiah, kailangan nako magkakita ug scholarship nga musalo sa akoang pag-eskwela.