غريبه في مدينه الشيطان

بارت 3

غريبه في مدينه الشيطان» 
بارت 3

في مكان ما وتحديدا في شركه الشيطان عند عائشه كانت كالعاده منكبه علي مكتبها .. تعمل فهي من الموظفين ذات الكفائه العاليه في الشركه رغم صغر سنها استطاعت اثبات ذاتها مبكرا .. كان عدي ذلك الموظف الجديد يعمل حيث كلفته ببعض المهام فهو متدرب علي يديها مؤقتا  ..

لاحظ اخطاءا في بعض الحسابات فتوجه بها الي عائشه مردفا:  احممم ممكن تشوفي الحسابات دي علشان انا لاحظت ........._

عائشه بصدمه : معقول ازاي ده كان ممكن تودي الشركه في ليڤل تاني خالص كويس بردو ان انت راجعتها ياعدي

"وكانت هذه اول مره تنطق بها اسمه بدون القاب فابتسم هو علي سماع اسمه منه بتلك الطريقه فادركت عائشه ماتفوهت به وشعرت ببعض الخجل"

عائشه وهي تحاول تغيير الوضع تحدثت بارتباك : احم انا هروح ابعت الورق ده لاحمد باشا يشوف صاحب العقد الفاشل ده مين

عدي بتسرع:  انا هوديه

عائشه باصرار:  لا انا هاخده ليه علشان اعرفه ان انت اللي راجعته ولاحظت الاخطاء

ابتسم لها عدي ثم اردف:  طب منا بردو ممكن اوديه واقوله ان انا اللي لاحظت كذا وكذا

عائشه باستغراب:  انت مصر تروحله لي

عدي ببرائه ظاهره:  اصل بصراحه يعني احمد باشا حاليا في مكتب المدير وانا لحد دلوقت مشوفتش المدير ده فكنت عايز اتحجج بالورق واشوفه

رغما عن عائشه اخذت تضحك بقوه علي ما تفوه به الان .. سرح الاخر في ضحكتها واخذ يتامل ملامحها ونجده يبتسم تلقائيا فتلاحظ هي ابتسامته وتامله لها تلقائيا يحمر وجهها فيفوق هو من تامله لها ويعي علي ماكان عليه ويانب نفسه في سره ثم يستاذن ويذهب بسرعه وهو يكور يده ليخبطها في اي شئ يقابله  ..

في مكتب الشيطان كان ينظر بغضب الي نقطه ما بالمكتب وهو يتوعد لشخص ما وهو يقول:  هجيبه وهشرب من دمه

احمد وهو يحاول تهداته:  اهدي بس ان شاء الله هنلاقيها متقلقش

الشيطان بهدوء مميت:  مش انا اللي حد يحط عينه علي حاجه بتاعتي انا مش هاممني الجوهره ولو هقتله هقتله علشان ايده اللي اتجرات واتحطت علي شئ من ممتلكات الشيطان علشان يبقي عبره لغيره

يطرق الباب عدت مرات فيازن له احمد بالدخول فنجده عدي يدخل بكل ثقه الي المكتب علي عكس باقي الموظفين الذين يدلفون الي المكتب وهم مرتجفين ومنهم مطاطئين الراس خوفا من النظر لذلك الشيطان  ..