«غريبة في مدينة الشيطان»
بارت 6
وصلنا عند كيان ولوجين اللتين كانتا تشاهدان الشيطان من بعيد إلى استقباله لصديقه احمد...
انتظرا حتى قام الاثنان بالدلوف إلى القصر، ومن ثم أمسكت لوجين بيد كيان وذهبت كلتاهما لاستكشاف قرية السنافر كما يسمونها.
وكانت وجهتهما الأولى هي حديقة القصر الخلفية، فاتجهت كل منهما إليها بحذر.
وعند وصولهما لم تنصدم لوجين مثل كيان، بل أردفت وهي تضيق عيناها: "لالالا خلاص اتعودنا على كده، مش كل شوية هننبهر زي اللي دخلو الجنة بعد عذاب. اهدي كده وانشفي أمال".
كانت الحديقة بسيطة ومليئة بالأزهار الملونة، ويغلب عليها الأزهار ذات اللون الأحمر القاتم من أنواعه المختلفة.
تجولا داخل الحديقة وهما تستنشقان الرائحة بانبهار. جلسا لوقت ليس بطويل في المكان حتى أردفت لوجين لكيان: "أنتي هتنامي هنا ولا إيه؟ قومي ورانا حاجات كتير لسه مشوفناش".
كيان بتوهان: "لاء والنبي يا لوجي، سيبيني هنا المكان فيه راحة نفسية مش طبيعية. ده غير أنك عارفة أنا بحب الورد قد إيه".
لوجي بحماس: "يستي تعالي وهبقى نرجع لها بعدين بس يلا عايزين نشوف البيوت اللي هناك دي والمدنية في النور علشان إمبارح كان ضلمة مش شوفتهاش كويس".
كيان بخوف: "لا لا، احنا مش اتفقنا بلاش تهور. بيوت إيه اللي نروحها؟ أنتي عايزانا نتمسك كده من تاني يوم؟ خلينا في حالنا بالله عليك".
لوجي وهي تمثل الحزن: "يعني هنفضل محبوسين كده تحت السلالم لحد ما ييجي الليل وناخد المفاتيح، بعدها برضو هنتحبس في الأوضة".
كيان بتأثر: "ماهو يا لوجي...".
لوجي بعزم: "مش عايزة تيجي متجيش، بس أنا لازم أتفرج. خليكي إنتي هنا لحد ما الجنايني ييجي ويمسكك ويديكي للشيطان يعفرتك".
كيان بخوف: "لاء خلاص أنا جايه اهو، استنيني".
ثم ذهبت خلفها وهما يختبئان وراء الأعمدة والأشجار حتى وصلا إلى بهو المدينة حيث البركة الصغيرة التي كان الأطفال يتجمعون حولها يلهون ويلعبون.
للحظة شعرت كيان أنها تود أن تذهب وتلعب معهم وتنزل بالماء، ولكن نفضت كل تلك الأفكار من رأسها.
نظرت إلى لوجين وجدتها تشمر بنطالها وأزرعتها وترتسم على وجهها ابتسامة عريضة، فنظرت لها كيان بزعر من أن يكون ما في بالها صحيح.
وجدتها بالفعل تتجه نحو البركة بحماس رهيب، فامسكت بها كيان بسرعة: "أنتي بتعملي إيه يا مصيبة؟".
لوجي بابتسامة شر: "هنلعب مع العيال دي".
كيان بصدمة وخوف: "لاء، اهدي يا لوجي بالله عليك، مش عايزين مشاكل.. لوجي لاء لوووووووجي يخرب بيتك".
أنت تقرأ
غريبه في مدينه الشيطان
Mystère / Thrillerتتحدث روايتنا عن فتاه وقعت ضحيه لظلم ابيها الذي سعي لتزويجها من شاب اجنبي من اجل المال ولكن رفضت جميلتنا هذه الزيجه وهربت برفقه صديقتها لتحتمي في مدينه تسمي ب "مدينه الشيطان" والتي لا يقوي احد التهويب ناحيتها لقسوه وجبروت صاحبها ولتخترق الجميله حصون...
