نبدأ ....
يالله اعرس قبل اموت ، عارفه يا منى لو مته وانا بايره عليكم الله تزرعو في قبري شجرة حنه، والله م ممكن يعني الحاله دي القدري والأكبر مني والاصغر مني عرسو وولدو وانا فاتحه خشمي من سمايه لي عرس لي بكى حتى الطهور مبارياهو وبدون فايده ووبعلي انا يا منى البوره كعبه شديد 😭😭😭
منى : يا بت نغم استهدي بالله الزواج ده قسمه ونصيب وانتي بت متين زاتو شفقانه ساي والله لا بايره ولا شفتي بوره بي عينك....
_ عان الشافعه دي كمان قاعده تواسي فيني وووب عليك يا نغم 😭😭 ما تراكي انتي اصغر مني ب ٥ سنين وعرسك تامنة العيد لا بتشوفي لي قريبك لا اخوك المغترب داك غلطانه انا البصاحب الشفع 😏😏
منى : يختي الزواج قسمه واجتهاد، وانتي عامله لي كده زي هارون بتاع المويه زول بجيب خبرك مافي ، ادعي ساااي قالو دعوة الصايم مجابه انا ماشه اولع حفرتي 😒😌
_ اتخيلو يا جماعه البت الشافعه دي 😱 جرحت أم مشاعري 💔
دقيقه اعرفكم .....
انا نغم بت واحده عند امي وابوي الله يديهم العافيه عمري ٢٢ سنه اتخرجت من الجامعه وقاعده في البيت لا عرس لا شغل زوله كسلااانه وجني نوم ، وجعفر الجواي مسيطر علي شديد يا جماعه وبحب الاكل زي عيوني وبعد ده كلو ما ظاهر يا بنات امي عامله زي الفزاعه لا بتفرز ماشه ولا جايه 🤣🤣🤣 وده كلو كوم وشعري كوم تاني ما متذكره اخر مره ختيت فيه مشط متين ولا عملت فيه زيت متين عامل زي سلك اللماع 🤭🤣 نهائي ما بشبه البنات ولا بختلط بيهن ، ناس منى جو سكنو جنبنا ليهم سنتين وبقت صحبتي شديد، هم اتنين منى واخوها ياسر مغترب وامها وابوها .....
المهم رجعت البيت وانا غمرانه رسمي وشعبي ما بحب الاكل وصايمه عاد كيفن ما بغمر ، امي قالت لي يا بت تعالي حلي العصاير المغرب قرب يأذن ، يا امي والله ما بقدر تعبانه انا من الصباح شغاله عند ناس منى حبشيه انا سيبوني ارتاح شويه 😭😭 كان القى ليك السفنجه في ضهري قومي قامت قيامتك اصلا ما منك فايده ، جايننا ناس خالتك ابتسام سريع استحمي غيري خلقتك دي .. 😍😍😍 خالتي ابتسام يعني محمد القرضه جاينا ووب علي انا من محمد خدره نااااار وشرار 🔥 الولد الطويل القيافه احييي انا بس صايمه 🤭❤........اها قمت زي الفكوني بي نبله وجري شلت صابون البشرى ودخلت الحمام انكرشت زييين....
ودعكت ليك وشي داك الدعك باليفه اصلا لوني قمحي كان شربان بس 🤭🤣 طلعت من الحمام عندي زيت فول قرب يخلص اتجلبطت بيه بقيت المع زي الفرمايكه 🤣🤣🙊 اها الباب دقه ابوي فتح الباب انا دي اتبسم ساااي زي الجايبين شليتها 🤭🤣🤣 الساعه الجا داخل محمد 😍💋 الصلاه على النبي احييي انا منو .....
ووبعلي الولد جهجه باكاتي وبعثر مشاعري بقيت مبحلقه عيوني وفاتحه خشمي مترين 😹😹 امي جات قالت لي لمي ضروسك دي فضحتينا وامشي سلمي على خالتك وخلي دلاهتك دي 😒 ما صدقت قمت جاريه اتبسم ساي واتراشق يا خالتو كيف وناس البيت وريونه كيفها ريان دي بتها متزوحه وبكرهها عمى لكن لازم عاد اكسر تلج وبعيان لي فلان داك بطرف عيني وهو ما جايب خبر 🤦♀️ خالتي قالت ليو تعال سلم على بت خالتك اها جا مدا لي يدو وحات الله أنعم من وشي والعجب عطرو وبعلي انا قربت اشرق بقيت متنحه ساي قال لي انتي كويسه قلتو ليو لا لا ما متزوجه 🤣🤣🤣 قال لي شنو ؟؟ قلت ليهو كويسه الحمد لله انتو كيف 🙉 قال لي الحمد لله ومشى وشال قلبي معاه 🤣❤
شويه والمغرب اذن فطرنا ومحمد طبعا مع ابوي في الديوان وانا اشيل وإتلفت زي مروحة التربيزه 🤦♀️
وبعد الصلاه ديك يا البت الخدومه لميت العده وغسلتها وضايرت المكان وعملت الشاي وجينا قعدنا كلنا نتونس ، وانا اشيل واعاين لي الخدار الخلا قلبي طار💚 وهو بس مركز مع تلفونو ولا جايب لي خبر 😔
خالتي ابتسام قالت لي امي ما شاء الله بتك نغم كبرت وبقت عروس ولا شنو يا محمد 😉 انا دي خلاص خجلت وعرقت حسيت البوره بدت تطلع مني جاني صداع وقلعت عيوني وقلت خلاص يا نغم بورتك اتحلت
🤣🤣🤣 اكيد خالتي جايه تطلبني لي محمد 🙊 امي قالت ليها صاحب النصيب بجي 😌 خالتي قالت ليها محمد طبعا خلاص بقى عريس وجهز امورو ونحنا في العيد الكبير الجاي عايزنو عريس ان شاء الله ❤ وووب الليله انا خلاص غلبني اقعد جري جريت غرفتي بقيت اتلفت يمين وشمال واكفت في نفسي يمكن بحلم خلاص نفسي قطع فتحت المروحه ودورت سبعه مرات في الغرفه ولسه م مستوعبه الحاصل 😂😂 .....
يتبع ♡
اذكروني بدعوة جميلة ولكم بمثلها 🤍💙
