عودة .....
الولد اتفقع من الضحك لما عيونو دمعت 🤣🤣🤣 قال لي يا بت الناس الشارع ده بالليل كعب فيهو كلاب كتيره انا ما جيت بوراك عشان حاجه بس عشان اوصلك البيت 😊 قلت ليو كتر خيرك يا اخوي بمشي براي ما عندك معاي شغله .. قبلت عايزه امشي غلبني افوتو 😚 افوتو كيف السمار ااحي انا كرعيني حلفن ما يمشن بقيت جاراهن وماشه والولد داك يضحك لما بيصفق 🤣🤣😅👏 اها لفيت بشارع بيتنا لقيت كلبين جاييين علي عملت فيها ديك يا البت الشجاعه وبقيت ماشه بعاين للكلب بطرف عيني وهو بعاين لي وقف وقفت حدرني حدرتو قال لي هووو قلت واااي وفحط فحطت وهو وراي المعفن بقيت شايله توبي في يدي وجاريه ومن بعيد بنادي امييييي جات مخلوعه فتحت الباب طوالي انقطعت جوه وقفلت الباب وبتنافس 🥵🥵
بعد رقت شويه جريت المطبخ عملت لي حليب سائل بلبن بودره في وشي ولطخت الفازلين في شفايفي وكعكت ليك شعراتي مسحت الجرسلين ولبست اكياسي واخدت لي رقده زي ساعه وبعدين شلت الليفه والحكاكه والحمام جاك نفر استحميت بجردل بوماستك كامل وغسلت شعري بجردل كامل كترت العفن الطلع مني لا حولا تقول سنه ما استحميت لما طلعت نفسي لما عجبتني 😍😍 امي من شافتني بقت تزغرد ايووووي قلت ليها اسكتي يا امي بتلمي الجيران 🤫 قالت لي الليله عملتيها كيف قلت ليها شنو هو يا امي كده ووب وكده ووبين قالت لي خلاص كده قمر ١٤ 🌝👏
خشيت غرفتي نزلت دولابي كلووو في الواطه عندي فستان كده اوف وايت بتاع قماش عاجبني شديييد فيهو غزاله في النص من كترت ما لبستو بقت كلبه 🤣🤣🤣 كسرت حنكو وطلعت لي فستان اوف وايت وطرحه كبدي وجزمه كبدي وشنطه اوف وايت وإكسسوارات رفيعه 😊 ختيتهن زي ملابسنا حقات العيد زمن الطفوله المشردة جمبي🤣🤣🤣 وجيت صليت العشا ونمت ..... الصباح صحيت قبل الديك ، اتوضيت صليت وعملت ماسك لوشي وشلت مكنستي بقيت انضف واغني وانا مبسوطه 🗣 عملت الشاي وختيتو في احلى صينيه ☕ وجيت قعدت مع نبعو اتونس معاها ❤ قالت لي الليله المزاج رايق ما شاء الله قلت ليها الليله عاملين انا وصحباتي قعده ف الحديقه طولنا من بعض بمشي وبجي بدري ما بتاخر قالت لي كلمي ابوك وبعدين امشي 💚 اها شلت الشاي ووديتو لي ابوي وكلمتو اني ماشه قال لي امشي لكن ما تتاخري واداني قريشات قال لي يمكن تحتاجيها 💜 حبيبي يا ابوي ❤❤
دخلت الحمام اخدت لي حمام دااااافي 🛀 وعملت ميكب بسيط بين لي ملامحي ورفعت شعري شعره واحده والفستان كان ظااابط مع جسمي والله شكلي اتغير ١٨٠ درجه 💃💃 امي قالت لي الصلاه على النبي الليله بسحروك اتحصني وامرقي 💛 اها طلعت قلت أغشى ناس منى اسلم عليهم وامشي ، وبينما انا ماشه وبتلفت اسمع صوت بقول ما شاء الله اتلفت لقيتو زولي داك زااااتو قاعد ف الصبه وبيشرب في بارد ووووبعلي انا اريتني الكرستاله ، عملت فيها ما سامعه وتقيله وانا من جواي بس امشي احضنو 🤤🤤 وقلبي شغال دلوقه وكرعيني يتطاقشن مشيت زاتو ما عارفه كيف لما وصلت ناس منى ، وتعالو شوفو الانبراش فيني قالت لي ياسر كان شافك اسي بيعقد عليك ، قلت ليها هو وين ياسر ده حد مافي قالت لي بري تقول خاتين ليهو شوك في البيت ده ، قلت ليها ما علينا انا ماشه ، قالت لي ماشه وين برفعة حاجب كده، قلت ليها طالعه مع صحباتي الحديقه، قالت لي بيني وبينك كدة قلت ليها انتي حيوانه ساي يلا باي 😒😒😒 قالت لي غايتو اصلي ما متطمئنه لكن كدي بعد تجيني راجعه 😏
اذكروني بدعوة جميلة 🤍
يتبع ♡
