عودة .......
امي قالت ليها البجيبو الله كلو كويس وانا اتخجل سااي قالت لينا نعتبركم موافقين يعني ، امي قالت ليها والله لما نعرف العريس منو وهو شنو قالت ليها بتعرفي كويس انا دي قربت ابكي من الفرح خلاص يا بوره ودعتك الله اهدي عمتي دايراني لولدها عقبال كل بت ي رب 🤲 امي قالت ليها ولد منو؟ قالت ليها ولد عائشه جارتنا ، امي قالت ليها ولادها كلهم متزوجين ما عندها ولد ما متزوج 🤔 قالت ليها ولدها اكرم زول مهذب وطيب ووضعو كويس ونغم ماشه تكبر بعد ده لازم تتستر امي قلعت عيونها بس وبقت تعاين 😳 انا ما باقي لي الا اقوم اخنقها 😡😡 خلاص اعصابي باظت ودمي بقى يغلي واخلاقي وصلت نخرتي والمصران قام علي وطوالي انفصمت فيها 😡😡 يا سلام عليك انتي قايلاني بايره ولا بايره تعرسيني للمجنون الريالتو سايله قال قال انا كبرت ما تراها بتك مزن اكبر مني وخرفت ساعة فيهو فايده ما تعرسيهو ليها عليك الله اهلو ما قادرين عليو الاكل الا ياكلو ليهو والحمام يحممو جايه تسميني بيهو انا طوالي امي ضربتني كف 😱 خليتهم ودخلت غرفتي وانا بغلي غلي من جوه معقوله حقارة للدرجه دي زول عيان مختل عقليا ما فاهم شي للدنيا تقول لي عرسيه وبعين قويه وبعدين الجننتو جرعه زايده من المخدرات يعني م اتخلق كده بايره للدرجه دي انا ، سامعاها بتقول الا ماشه بيتهم في الليل ده م بتبيت معانا طوالي طلعت اعتزرت ليها وحنستها باتت الصباح صحيت عملت الشاي وطوالي طلعت ناس منى كان عاملين صدقه لحبوبتهم مشيت خشيت لقيتهم عجنو عجين الزلابيه كان يوم جمعه مودنها الجامع... بعد الفطور بدينا نرمي في الزلابيه انتهينا الساعه ١٢ عبيناها في الجرادل وعملنا الشاي، بعد كده قلت ليهم انا ماشه معانا ضيوف ف البيت قدري ما حنسوني اقعدي الغدا ابيت اقعد منى قالت لي الليله انتي ما طبيعيه مالك قلت ليها مرهقه بس قالت لي خلاص اقعدي يجي ياسر اعرفك عليهو قلت ليها ياسر ده حد مافي في البيت مالو حوام كده 😏 قالت لي مشى الصلاه يا هبله بجي اسي يشيل الزلابيه يوديها الجامع انتظريهو قلت ليها لا لا يا منى لو قدرت بجيكم بعدين اسي تعبانه، اها طلعت ماشه..... اكان المح ليك زولي الما بغبى منو 😳😳لابس الجلابيه البيضا والشبشب الاسود والحلاقه والطاقيه يا اخوانا🤤🤤 جاي داخل
على اللفه قمر وحات الله انضف من ضميري انا دي ثبته مكاني والله غلبني اتحرك الولد ده ح يجيب لي جلطه 🤷♀️ جا ماري بي جمبي ريحة عطرو لا حولا حاجه كده في قمة الووووووبعلي 🙉 انا قربت اقع الا مسكت في الحيطه 😂😂😂 قال لي انتي كويسه ب بسمه كده قلت ليو كويسه كيف عامل سماحتك دي ☺☺حتقتلني يوم 🥶 بقى يضحك بصوت عالي قال لي ع فكره انتي الحلوه 😳 يا داب وعيت على نفسي عاينت ليو شديد وقلت امييييي وفتح فتحت اقع واقوم الزول ده اكيد جن 😱 وهو يضحك لما قعد في الواطه عارف نفسو كسار الوسخ 😏 دخلت البيت لقيت عمتي راحت اعتزرت من امي على موقف امس قالت لي عمتك زاتها ما زعلانه ختت ليك العيديه دي قريشات برضو 🤭 اتصلت عليها شكرتها.. وجيت رقدت نمت صحيت اذان المغرب صليت واتغديت واتزكرت موعد بكره 😢 اطلع من البيت كيف، والحجه شنو ، بس بقول لامي ماشه السوق وكلها نص ساعة بس وبجي عاينت لي وشي بمراية بدره كان لقيتها واقعه🤣🤣🤣ي جماعه انا عندي القروش لكن جععععععفر 🤦♀️ لقيتو ما بتقابل والعجب التفه هارون ما زيي طوالي لعنت جعفر الجواي وجري المطبخ جبت زيت فول مليت شعري داك كلو وبالخلال اسلك وابكي بعد إنتهيت الطلع من شعري اكتر من الفي راسي 🤣🤣 اها بقينا في مشكلة البانده ربطتو بي شراب وطلعت الدكان جبت اربعه باندات صغار ووحده كبير وعلبة فازلين وجرسلين وشرابات واكياس واندوميييي 🤣🤣 وانا جايه راجعه لقيتو في نفس المصطبه لابس ترينق كحلي وتشيرت ابيض انسو بس وكالعاده يعاين لي ويتبسم 😃 ده شنو الولد الاهبل ده خلاص علق 😒😒 لكن النصيحه عاد نجااااااااض 🥺🥺 جيت ماشه سريع سريع وانا مدنقره قال لي السلام سنه قلت الحمد لله ده ما جان تاني قلت هوووي يمكن مسلم الشي ده م تتورطي معاه ، تابعت في مشيتي جا لاحقني طوالي اتشجعت وقفت غزيت كوعي قلت ليو اسمع هوووي كان انس ولا جن حركاتك دي م تعملها لي انت عايز مني شنو عامل سمح كده 🙊 والله ي جماعه براهو خشمي بيتكلم غصب عني الجمله دي بتطلع 🤣🤣🤣
يتبع ♡ .....
اذكروني بدعوة جميلة ❤️
