عودة .....
وصلنا البيت لقيت ناس منى وامها وامي قاعدين في الحوش ويتونسو وهو طبعا خشى معاي سلم على ناس امي وقعد جابو ليهو مويه شرب امي قالت لي ما تراكي شديده زي الحصان بارك الله فيك يا ولدي قال ليها ده واجبنا يا خالتي م بينا شكر وانا في راسي الف استفهام؟؟؟ ده منو ده يا ربي؟ زي كانو منى قرت افكاري قالت لي نغم ده ياسر اخوي انا من الصدمه بقيت بتمتم وبتكلم كلام م مفهوم وهو بعاين لي ويتبسم لخبط كياني، اها الليل داك عديانو ونسه ودعوات لحبوبة منى❤❤💔، كان يوم مع انو مر لكن ختامو حلوو❤🤩😍
تاني يوم صحيت رتبت البيت طبعا امي كلمت الناس كلهم اني كنت عيانه وقربت اموت مع انو كانت جوعه سااكت 😂😂اها البيت اتملا ضيوف وشيل وخت لبعد المغرب حتى البيت فضى صليت العشا وطوالي اتخمدت نمت 😴😴😴
تاني يوم من الصباح اتصلت علي منى قالت لي تعالي عازماك فطور، جهزت فطور لناس امي وشلت فطوري ومشيت فطرنا وعملنا القهوه وخلاص الضهر خشا قلت ليها بعد ده انا ماشه قالت لي وين تمشي ارح ننضف الديوان ياسر عازم اصحابو غدا قلت ليها ارح امري لله 😢 اها مشينا وبدينا نضافه منى قالت لي تابعي انتي انا ماشه اعمل الغدا مافي زول بجيك هنا قلت ليها تمام، منى فاتت وانا اخدت راحتي ع الاخر مرقت التوب وبديت شغل طوالي ... كنست ونفضت ومسحت وخليت الصالون يلمع وجيت اشد الملايات وانا بدندن وفاكه شعري وبكل اريحيه وناسيه الباب فاتح، اتلفت ما اشوف ليك الا ياسر واري رجعت لي ورا عترتني الملايا عايزه اقع ثبتني ياسر من نصي وكان قريب لي شديد وانفاسو بتلفح فيني لفح وريحة عطرو يا الله قربت احضنو واملا رئتي من انفاسو كان بعاين لي شديد كانو برسمني في ذاكرتو وعيونو كان فيها كلام كتييير وانا اتسمرت في مكاني ودقات قلبي زادت قلبي عايز يطير من محلو ❤❤❤ رفع الملايا غطاني بيها وقال لي خلي بالك من نفسك وطلع وانا بقيت واقفه قريب ساعه م مستوعبه الحاصل...... لبست توبي وجري جريت البيت وانا احساسي كلو متلخبط فرح ع خجل ع صدمه ما عارفه كان احساس حلو شديد ❤❤ المره دي ما عشان افك بورتي لا والله حاسه بالإحساس ده من جواي احساس ما بتوصف احساس انك اتولدت من جديد ي جماعه، دخلت غرفتي واتذكرت الكيس الكان جابو لي ف المستشفى فيهو باقي شوكلاته والورقه المطبقه وكنت خاته معاهم الخاتم، فتحت الورقه لقيت مكتوب فيها [ضحكتك حلوه اوع تمحيها ❤} الخاتم كان شكل قلب ومكتوب فيه من جوه غلاي ❤ كانو كان مجهز اي حاجه 😍😍 انا خلاص راسي شطب الولد ده ح يجنني عبه فراغ كبيييير جواي ❤💜 الليل داك كلو شلتو تفكير نمت متين ما عارفه ....
بكريتها كان يوم عادي اتعمدت ما امشي فيه ناس منى، لاني تعبت من الصدمات الاتعرضت ليها يمكن نزوه وتعدي، 💔💔
عدا يوم ويومين وتلاته وانا متحاشيه امشى ناس منى عشان ما اشوف ياسر ، وفي الايام التلاته دي اكتشفت قدر شنو انا بحبو بس كنت بعصر على قلبي لكن شوقي ليهو كان اقوى كنت بفكر فيه طول الوقت لكن خايفه اتعلق بيه ويكسرني وخايفه على قلبي خايفه على مشاعري خايفه على ذكرياتي الحلوه معاهوحتى لو كانت قليله 💔💔💔
اليوم الرابع من الصباح جاتني امي قالت لي منى عيانه ودوها المستشفى واسي جات امشي عليهم قلت ليها تمام ضايرت البيت وعملت الشاي والفطور وطلعت مشيت لي منى سالت منها خالتي قالت لي جوه في غرفتها خشيت الغرفه لقيتها فاضيه.......
يتبع ......
اذكروني بدعوة جميلة 🤍
