عودة .....
اول ما خشيت الغرفه ياسر جا داخل وخلا الباب فاتح
😳 😳😳 انا قلبي شوية وكان ح يقيف قلت ليه ياسر منى وين ؟؟ قال لي نغم اقعدي عايز اتكلم معاك .. قعدت وقلت ليه احكي سامعاك ..
قال لي بقيتي ما بتجي مالك، بقيت بتمتم قال لي عشاني انا يعني؟ انا البلد دي بخليها عشانك وتاني السودان ده ما جاي كده مرتاحه، وانا ساكته قال لي بنهره كده مرتاحه جاوبني انا بدون ما اشعر بقيت ببكي ودموعي دي عشره عشره وكان عروقو كلها ناطه وظاهر انو غضبان شديد وانا كنت ببكي وبرجف😭😭 هدا شويه وبدا يهدي فيني اهدي يا نغم انا اسف اذا زعلتك وخوفتك مني اعفي لي ما بيدي وانا لسه ببكي مشى جاب لي مويه مسحت دموعي وغسلت وشي وقعدت في السرير قال اهدي شويه انا م قصدي اخوفك مني انا بحبك يا نغم فاهمه يعني شنو بحبك لا من اليوم ولا امس انا من قبل سنتين بحبك ، ح تقولي لي كيف؟ كان منى رسلت لي صوره ليها معاك وانا من اول نظره حبيتك وكان بتتصل علي وبقول ليها تحكي لي عنك وكانت بتحكي لي بالساعات وما كنت بمل من سيرتك، وحذرتها اكثر من مره انها ما توريك صورتي ** وكنت بدعي الله كل يوم يحفظك لي وما تكوني لغيري ولما نزلت السودان منى قالت لي عايزه توريك قدر شنو بحبك قلت ليها خليها تعرف براها وما منى براها عارفه اهلي واهلك كلهم عارفين الا انتي يا نغم، انا بحبك عشان طيبتك وعفويتك واخلاقك وعيونك السمحه دي وجنك كمان ، حرام تعملي فيني كده انا بموت من دونك 💔💔 وأنا اسي دايرك على سنة الله ورسلو اها قلتي شنو بدون ما اشعر بقيت ابكي كملت دموعي كلها قلت ليه الابوي بشوفو انا موافقة عليه ... طلعت بره لقيت امي ومنى وخالتي ام منى كلهم قاعدين وفكو الزغاريد وبقو يباركو لي بعض كان يوم من المووت❤
بعد كم يوم ياسر اتقدم رسمي وحددو العرس مع عرس منى سوا وبدل الفرحه فرحتين .....عدت الايام وحبنا انا وياسر كان بيكبر وكان معاي في كل لحظه اشترينا الشيله سوا واخترنا اساس البيت وفرشناهو يعني كان معاي في ادق التفاصيل وانا كنت طايره من الفرحه[ما أجمل عوضك يا الله💜❤]
اها نزلت دخان واجتهدت شديد في نفسي ووقعت في الطحنيه والمديده وجبت تركيبه لي حبوب وشي ديك تتزكروها وخلطات لي شعري واتمزمزت اخر مزمزه وبهناك نفس الجو عند ناس منى اختي وحبيبتي ❤ وحماتي 🤣
باقي اسبوع على العرس وانتو عارفين اجواء العرس بتكون كيف البيت ملان ضيوف والدلوكه والرقيص والاغاني البلديه ونضافة الخضار والفطير بشاي اللبن والشفع يلعبو والقهوه والونسه والضبيحه والونسه مع الطباخين كلها تفاصيل جميله ❤ وانا ومنى ده كلو كان رايح علينا وكنا محبوسين عند ناس خالتي وكان موازرننا بنات خالتي ومقضين وقتنا ونسه وضحك
اها جا يوم العرس وانا خلاص قربت اموت من التوتر وقلبي عايز يطلع من محلو ومنى برضو نفس الشي مشينا الكوفير من الصباح وانا قاعده على اعصابي ومن الصباح ما اكلت ونفسي مابيه الاكل من التوتر بعد صلاة الجمعة طوالي اتصل علي ياسر وسمعني العقد وانا دموعي ديل عشره عشره ما بنسى صوتو وهو بقول لي خلاص بقيتي حلالي ربنا يقدرني واسعدك ❤❤ حضنت منى وبكينا زيييين 😭😭 وبكينا معانا بتاعت الكوافير ........
المسا خلاص جهزنا وانا م قدرت اتعرف على نفسي ومنى ما شاء الله عيني بااااارده عليها جمليه قليله عليها، ما شاء الله الكوافيره مبددددعه ❤🤍 اتصلت على ياسر جا هو ف عربيه ووزيرو سايق ليه ومعاه وزيرتي جنبو وهو كان راكب ورا ومحمد راجل منى برضو راكب ورا وسايق ليه وزيرو .......
اذكروني بدعوة جميلة 🫶🤍💚
