عودة .....
كنا متفقين نتلاقى رابع يوم في العيد 😍 اها العيد قرب وكنت مشغوله في البيت ومع ناس منى اخوهم المغترب نازل السودان بعد ٧ سنين اغتراب عاملين ليهو كرامه شيل وخت وانا خلاص هلكت، قلت ليها انا ماشه البيت يا منى بجيكم الصباح 😞
قالت لي ماشه وين يختي ياسر في الطريق ربع ساعة و بيصل وبعدين الليله اخر يوم في رمضان عديهو معانا ، قلت ليها وآلله يا منى ما بقدر تعبانه ان شاء الله الصباح بدري بجي تصبحو على خير 😊😊 مشيت البيت اتجدعت نمت نومة اهل الكهف، الصباح صحيت صليت عايدت امي وابوي❤ وشربت شاي اللبن🥛 بي ٤ بسكويتات 😂😂🤤 وختيت الخرطوش في الازيار ورجعت نمت 😴😴 صحيت بصوت امي بتكورك لقيت الخرطوش ملا الحوش مويه بحر بس 😱 امي قالت لي قومي سريع جيبي تراب من الشارع كبيهو قدام الباب اها شلت جردلي وانا عين مغمضه عين فاتحه
😴 وكان الناس طالعين من صلاة العيد ❤ مليت جردلي وماشه عترتني الطوبه وقعت واتفنقلت عايزه اقوم غلبني 🤦♀️ اكان القى زول مادي لي يدو، عاينت ليو واريتني ما عاينت جاني حول في عيني اليمين ولد سبحان من خلق فابدع اسمراني ملتحي يا جماعه لابس الجلابيه البيضا والمركوب النمري والشال والسديري وشايل المصلايه وووووبعلي ووووبعلي منو والعجب العطر لا حول ولا قوة الا بالله والطول احححي انا الطول عز وآلله
😍😍❤ طوالي بقيت أحلم خلاص عرسنا وانا واقفه عايزه اجدع الورده لصحباتي شوووو رشيتو بجردل التراب 😱😱😱 وعيت على نفسي وهو بقول لي ده شنو العملتي ده وااي انا من صوتو، قلت ليهو اسفه قال لي لا عميانه انتي ما بتشوفي 😒😒 طوالي جعفر الجواي قام 😡😡 قلت ليو عمى ياخدك عشان سمح واسمراني وملتحي وطويل قايلني بسكت ليك قلت ليك اسفه مالك تاني تسف التراب ان شاءالله غلطانه انا عشان اعتزرت ليك 😏😏 بقى يضحك وفات وبتلفت حيرني وخلاني زي تايه بتلفت خلاني... احييي انا واي انا وبعليييي من ضحكتو 🤤
مشى وبقيت متحنه معاهو لما لفى والغريبه لفه بي لفة ناس منى 🤔 ما علينا العيد بلم خلق الله 👋 المهم شلت جردلي داك وبقيت ماشه واغني راجاياك راجياكز يا اب شرى 💃💃دخلت كبيت التراب ناداني ابوي اداني قريشات قال لي اشتري حاجاتك 😍😍 حبيبي يا ابوي ❤ ونبعو برضو م قصرت غمدت لي 🤭 الله يخليهم لي 💚💜 مشيت سريري قلت اخد لي نومه 😴 ما غمدت كده البيت اتملا شفع وناس خالاتي وعماتي وجوطه وبقينا في برنامج فطور وشاي وونسه 😓 العصر كده عملنا القهوه وبقينا نتوتس ،،، قريب للمغرب البيت فضى فضلت عمتي الكبيره قال بايته معانا 😰 عندها ٦ اولاد ٤ متزوجين وواحد لسه في عمر زواج وواحد اصغر مننا🤩🤩 قلت بس الصيده الجايه عمتي دي ،،،، اها بقيت اتراشق قدامها امشي واجي الحوش كنستو تلاته مرات وفرشت السراير ورشيت وولعت بخور وجيت قلت لي نبعو عن اذنك يا امي ماشه ابارك لي ناس منى العيد 🙂 عايزه حاجه يا عمتو 😊🤭 قالت لي سلامتك ما تتاخري قلت ليها حاضر 😁 وامي بهناك مقلعه عيونها وفاتحه خشمها وبتعاين لي 🤣🤣🤣 سمعة اضاني عمتي قالت لي امي ما شاء الله بتك مهذبه 😍😍 خلاص بس السمكه وقعت في السناره وضمنت العريس اب ريش 🥰🥰 اها طلعت ضروسي وبقيت بتبسم ساي وماشه، اكان اضرب في حاجه عاليه لما وقعت قمت لقيتو زول والضلام ما موضحو لي، ، المهم قلت ليه معليش ، قال لي ح تقولي لي معليش كم مره، عاينت ليو لقيتو زولي بتاع الصباح داك والحاله البوريه قامت علي 🤣🤣🤣 بقيت فاتحه خشمي وبعيان ليه ياخ سبحان الله النور داقي فيو حواجبينو غزيره وعيونو واسعه وعسليه ااااخ والرموش يا جماعه الصلاه على النبي والنخره ااي النخره عمووود عذاب عديييييل والشفايف بنيه داااااكنه ااحي انا ثم واي واللحيه استغفر الله بس، ده كلو وانا بعاين ليه الساعه الابتسم وواي انا هنا فقدت المنطق تلقائيا ابتسمت معاه قال لي مضيعه حاجه ف وشي؟ قلت ليهو ما شاء الله حلاتك قال شنو وانا لسه ما واعيه قلت ليه تقول نازل من الجنه الساعه الفكا ضحكه 😂😂😂 انا يا داب وعيت على نفسي جري قمت جاريه 🏃🏾♀️🏃🏾♀️🏃🏾♀️🏃🏾♀️
يتبع . ...
