عودة .....
طلعت وطلبت لي ترحال 🚙 عاد ما ماشه اقابل المغترب والقرش الما خمج اكيد قريشاتي ديل ح يتعوضن وبالزياده 🤑🤑 اتصلت عليو قلت ليه انا طلعت من البيت انت وين قال لي انا قريب من السوق نتلاقى في كافتريا ٠٠٠٠٠ اها وصفت
لي بتاع الترحال وانا كلي شوق لي سيد الريد والزوق وقلبي رف رف رف رف فراشه طايره 🦋🦋 واشيل واتبسم وبتاع الترحال يعاين لي مستغرب اظنو افتكرني مجنونه ولا حاجه المهم ما علينا ، وصلت الكفتريا واخترت لي تربيزه مطرفه كده عشان م يسحروه لي من العين، قعدت زي ١٠ دقايق كده ما جا ولا اتصل ، اتصلت عليه قال لي ربع ساعه وبكون معاك ، وانا الجوع عايز يقطع مصاريني ما فطرت راجيه الطقه النضيفه 🤩🤤 اها شويه كده اتصل علي قال لي انا وصلت انتي قاعده وين قلت ليه لابسه طرحه كبديه قال لي م شايفك انا جنب الباب شايفاني قلت ليه لا لا قال لي كدي عايني كويس وانا يا جماعة ما شايفه غير عمو كبييير كده ، قلت ليو لا لا م شفتك قال لي انا شفتك جاي عليك ورفع لي يدو ، والصدمة يا جماعه كان عمو زااااااتو 🙆♀️🙆♀️🙆♀️🙆♀️🙆♀️ بقى ماشي علي وانا مقلعه عيوني وفاتحه خشمي مترين وما باقي لي الا اقوم جاريه 🏃♀️🏃♀️🏃♀️🏃♀️ قلبي وقف وريقي نشف وبقيت ما فاهمه اي حاجه الساعه الجا قعد جنبي قال لي نغم ؟ كرهت اليوم السموني فيه الاسم ده 😖😖 قلت ليه اهلين مده لي يدو للسلام تحلف تقول طالعه من خشم غنمايه من شدة ما مكرفسه والعجب لما ابتسم واااي انا الخشم فاضي وكلو رياله، واااا مغستي طيب والفي الصوره؟ ........ عقلي بقى يودي ويجيب بقيت بس بعاين ، قال لي ما شاء الله عليك طلعتي جميله اكتر مما اتوقعت، قلت ليو تسلم ، قال لي وفاهمه كمان وعارفه انو البت لازم تتستر وان شاء الله بسعدك واخليك اسعد انسانه قلت ليو أن شاء الله وانا بغلي من جوه غليان، قال لي شكلك خجوله كمان يا بختي بيك 🤩🤩 البخت اليغطس حجرك يا عجوز يا ما بتخجل 🤨🤨 سكت مسافه قال لي عطشانه قلت ليو يعني طلع ليو كرستالتين من شنطتو قال لي ديل مليتهم من الكلر البي هناك بااااارد انا بقيت منططه عيوني 😳😳 فتح الكرستاله شفطها كلها والرياله جات نازله 🤮🤮🤮 احييي انا يا مصاريني، قال لي انا طبعا متجوز وعندي ٤ اولاد وبتين اصغر وحده عمرها ٣٠ سنة وبعلي قدر امي 😭😭😭
وطبعا المدام الله يرحمها اتوفت وانا عايز اجدد شبابي تاني ، في قلبي قلت ليه قوم يشب فيك الضرس الخامس يا عجوز يا مقطع 😡😡 اها قال لي وان شاء الله ح اتزوجك ومهرك كتاب الله واسكنك مع اهلك وكل ما انزل اجازه اجيك وان شاء الله عايزين نستمتع في حياتنا يعني نعمل كنترول تلدي بعد خمسه سنين من الزواج وهو فضل ليه جمعه واحده ويموت 😒😒 وطلع كيس دعايه فيهو الريحه ديك البجي معاها قلم اتزكرتوها؟😢😢 قال لي دي هديتك اها رأيك شنو ؟؟؟ انا بدل اقوم اخنق الراجل ده ويموت في يدي احسن اتخارج، قلت ليو بينا التلفون انا ماشه اتأخرت قال لي اقعدي افطري طلبت فول مصلح حااااار ما يفوتك انا خلاص بطني طمت 🤢🤢 شلت شنطتي ومشيت وهو بتكلم معاي وانا ما سامعاهو بقول في شنو 😬😬😬
يتبع ....
اذكروني بدعوة جميلة 🤍
