عودة ......
.... خشيت الغرفه شغلت المكيف ورقدت تاني نمت 😴😴 صحتني امي قبل المغرب بساعه استحميت قريت قران 😌😌 وجيت حليت العصائر 🍺🍻 اها بعد فطرنا انا خلااااص جسمي رخم صليت المغرب بالكرسي 🌚🤭 وبقيت احبي لما وصلت غرفتي رقدت في السرير وفتحت الشبكه خشيت الفيس لقيت رساله 😳.
ما صدقت طبعا قفلت الشبكه وقفلت التلفون وتاني فتحتو 🙄 الرساله برضو في معناها انا ما قاعده اتخيل 😃 قريت الرساله مكتوب فيها سلام عليكم ✋ جري جريت البروفايل بتاعو اهم حاجه عندي ف الحاله الاجتماعيه أعزب 🌚 اها لقيت الحاله الاجتماعيه أعزب يا داب كده ارتحت وقلبي أتطمن 😂
عاينت للصوره اللهم الثبات بس 🤩🤩 ولد زي النار انضف من ضميري قاطع النص ولابس الكرفته وووووب علي انا منو 💋💋 الخدره الدقاق دايره كسره مره 👏ولد يسوي كدي 👋 اها الحاله البوريه قامت علي 🤣🤣🤣 جريت مشيت رسلت ليو وعليكم السلام ✋م عرفتك 🙂 قال لي اول حاجه رمضان كريم تصومي وتفطري على خير قلت ليو الله اكرم برضو م عرفتك 😒 قال لي ح تعرفيني اول اقبلي طلب الصداقه، قلت ليهو معليش م بضيف الاولاد ✋ اي صحي بايره يا جماعه لكن الاولاد ديل ما عندهم ضمان 🌚 قال لي يا بت الناس انا قاصدك في خير وانا اصلا م عندي زمن اضيعو في الفاضي انا زول كبير وعاقل وعارف نفسي بعمل في شنو ، قلت ليو اجي انا ياني الفاضيه ليك وبتعرفني من وين انت لو ما عندك زمن حايم بجاي مالك، قال لي يا بت الناس اديني فرصه وادي نفسك فرصه الناس بتتعارف ما تقفليني كده ، قلت ليو من الاخر كده انت عايز تصل للشنو ، قال لي انا ادمن مشاكل وحلول زوجيه وبصراحه حسيت بيك انسانه فاهمه وعاقله من خلال الحلول البتقترحيها ولو اتعرفنا واتفاهمنا احتمال ربنا يجعل بينا القسمه 🤝 اختكم مفتيه وكده 🤣🤣
انا دي راسي كبر 🤯 وقلت يا بت نغم اتاريك ما هينه لكن برضو كدي النتقل شويه 😌 قفلت الشبكه وقفلت التلفون ونمت ع كده 😴😴 وانا ليلي كلو بحلم بالعريس القرضه ده 😍 صحيت للسحور فتحت الشبكه لقيتو مرسل لي فكري واديني خبر قفلت الشبكه تاني ونمت 😴 الصباح لقيتو مرسل لي .....
صباح الخير ، رسلت ليه صباح النور ، قال لي اها لسه ما فكرتي، قلت ليه بالنسبه لشنو؟قال لي ياخ معقوله كلامي ده كلو تنسي كده، في قلبي قلت ليه انساو كيف و انا حافظاهو حرف حرف 😂😂😂 قلت اممم لسه م فكرت قال لي خلاص فكري واديني خبر
قلت ليه تمام وقفلت الشبكه ، شلت مكنستي وبديت انضف كان اسمع الكواريك 😲 طلعت بره لقيت امي تلبس في توبها قلت ليها في شنو قالت لي حبوبة ناس منى تعبت ودوها المستشفى اتوفت قلت لا حولا ولا قوة الا بالله وجريت توبي وجرينا، اها بقينا في موضوع البكى والجري وفطور رمضان والصدقة وانا اتراشق بيجاي وبيجاي عسى ولعلى القى صاحب النصيب لكن هيهات 🤦♀️
عدا اسبوع من البكى وانا بااايره وللعرس دايره وطبعا عرس منى اتاجل للعيد الكبير، انا جيت قعدت معاها وواسيتها شويه شويه بدت ترجع طبيعيه، اها رجعت البيت ارتحت شويه وفتحت الشبكه، لقيت زولنا داك مرسل لي انا منتظر ردك ، رسلت ليو طيب تمام ح نتعرف مبدئيا وبعدين نشوف الحاصل قال لي خلاص موافق ،
عدت الايام واتعرفنا وصراحه ارتحت ليه شديد وكنت طايره بيه في السما وخلاص بورتي فكت المره دي ، طلع مغترب وقال لي ح ينزل السودان ف العيد والحاجه الغريبه نهائي ما قال لي صورتك وكده وكان طوالي بقول لي الجمال م مهم مهمه الأخلاق وانا قلت خلاص ي بت الدنيا ضحكت في وشك وربنا فرجها عليك 😘😘 وانا كنت مكتفيه بصورتو الفي البروفايل ☺☺
يتبع....
اذكروني بدعوة جميلة 🤍
