عودة ......
بقيت رااافه وانا نفسي قايم وما شايفه قدامي من الزعل حظرتو وقفلت تلفوني وتاني فتحتو وتاني قفلتو طلعت الشريحه وكسرتها، ووقفت ركشه ووصلت البيت وانا هلكااانه وجعانه، خشيت لقيت ناس امي ناااايمين طوالي خشيت الحمام استحميت وبكيت زييييين، ما على بورتي علي قروشي الخسرتها في المشوار ده ، طلعت من الحمام وانا مصدعه من البكى خشيت غرفتي بلعت بندول وشغلت المكيف ونمت 😴😴😴 صحيت قريب المغرب استحميت صليت وجهزت الغدا لناس امي وما كان عندي نفس اكل اتونست معاهم شويه المغرب اذن صليت ولبست توبي ماشه ناس منى ،وانا ماشه ف الشارع راسي لفه وعيوني بقن طشاش طشاش وكرعيني تقلن وخلاص عيوني ضلمن وقبل اقع في الواطه في يدين حاوطتني من نصي وانا بين واعيه وما واعيه وسامعاه بقول لي اصحى يا نغم ما تخوفيني عليك والصوت ما كان غريب علي وشويه شويه الصوت بقى بعيد شديييد مني وتاني ما وعيت الا وانا ف المستشفى ومركبين لي درب سالت الممرضه انا الجابني هنا شنو قالت لي كنتي غمرانه وفي ولد جابك هنا وقال هو خطيبك، اجي يا خطيبي 😳 قلت ليها طيب انا عندي شنو قالت لي كنتي فاقده وجسمك مهبط عشان كده غمرتي وعوضناك بالدربات 😊 اها الباب دقه وطلع ياهو زاتو زولي داك انا من سماحتو صنقرت في نص السرير 🤩 المرض داك كلوووو راح عاد ما شفته طبيبي ودواي ❤ قال لي حمد لله على السلامة، قلت ليو الله يسلمك ، مد لي كيس فيهو فواكه وشكولاته وفيهو ورقه مطبقه 😍 شلت الكيس بصدمه 😳 ابتسم ابتسامتو ديك واااي انا قربت اغمرتاني 🤩🤩 قال لي خلي بالك من نفسك قلت ليو بدون م اشعر حاضر يا روحي ❤ البت لامن شهقت قالت لينا شكلكم بتحبو بعض قال ليها اي بحبها شديد 😳😳😳انا بقيت مبحلقه عيوني وبعاين يمين وشمال بقى يضحك بصوتو الكسار داك قال لي يلا قومي ارح قلت ليو موديني وين قال لي االبيت، قلت ليو بيت منو😳 قال لي بيتكم يا هبله خايفه مني يعني ؟ قلت ليو اكيد قال لي يا مجنونه انا بخاف عليك اكتر من روحي بقيت عامله كده 😳 قال لي يلا انا منتظرك بره اها رتبت اموري وطلعت وكان واقف جنب عربيتو والساعه كانت ماشه ل ٨ مساء قلت ليو عايزه اتصل لامي اكيد خايفه علي ومستحيل اركب معاك في زمن زي ده 😒 قال لي امك عارفه انك ف المستشفى وانا طمنتها عليك ، اجي الولد ده عايز يجنني ، قلت ليو كذاب بتعرف امي من وين انت، طلع تلفونو قال لي دقي رقم امك دقيتو طلع مسجل بخالتي الغاليه 😳 اجي يا خالتك ؟ اتصل عليها وفتح الاسبيكر قالت ليهو اها يا ولدي نغم كيف، قال ليها كويسه يا خالتي ياهادي جنبي عايزه تتكلم معاك ، قلت ليها ده منو يا امي قالت لي انتي كويسه قلت ليها اااي قالت لي م تخافي منو وتعالي البيت انا بفهمك الحاصل، اها قفلت ومشيت ركبت ف العربيه وابيت اركب قدام ركبت ورا والطريق كلو يعاين لي بالمرايه ويتبسم احييي انا من عيونو الولد ده ح يقتلني بالسماحه دي ❤ وكل ما عيني تقع في عينو اقبل منو وقلبي عايز يطير من محلو، ،، اها نزلني في مطعم ظريييييف وعزاني عزه جد وغشاني محل فضه واشترى لي خاتم مبااالغه قال لي دي اول هديه مني م ح ترفضيها اها قبلتها بي سكات ومشينا ٠٠٠٠٠
يتبع ....
اذكروني بدعوة جميلة 🤍
