عودة .....
ياسر اول ما جا داخل كان مصدوم وكان بعاين بلهفه وحب على شوق على فرح على انتصار احاسيس ملخبطه 🤍 وطوالي بدا يغازل فيني حصني وقال لي ما شاء الله طالعه قمر ١٤ وباسني في جبيني وقال لي ربنا يخليك لي يا الغاليه وما اشوف فيك شر ❤❤ انا عيوني رقرقن قربت ابكي قال لي هوي المكياج ده بتخربي دافع فيه ملاييين وبقينا نضحك 🤣🤣🤣 وبهناك كان محمد بغازل في منى ❤😂 وهي ما شاء الله كانت مكمله للجمال
طلعنا ماشين ع الصاله والطريق كلو كان بعاين لي وماسك يديني وبغازل فيني وانا ميته من الخجل مدنقره راسي ما رفعتو...
وصلنا الصاله وخشينا باغنية( يا غاليه سمي ودخلي باليمين) ورقصنا اسلو باغنية اليسا( مكتوبه ليك) ❤❤❤
الحفله كانت رااااابه حتيناهو حت وبعد الحفله عملنا الجرتق واتعشينا وودعت ناس امي بالبكى والمخاخيط وسافرنا في ليلنا داك....
وصلنا الشقه الساعه ٥ صباحا اتوضينا صلينا الصبح وشربنا الشاي وفطرنا ومن التعب والهلك نمنا طواالي ما صحينا الا الساعه ٤ استحميت واتمكيجت مكياج خفيف قال لي طالعين نتغدا برا لبست فستان فوشي وطقمتو باللحمي كان رهييييب وياسر كان لابس بدله سودا الصلاه على النبي بسحرو لي حبيبي ❤❤❤
اها طلعنا اتغدينا وما خلينا محل ما مشيناه رجعنا زي الساعه ٩ صلينا العشا وصلينا ركعتين شكر لله عشان نبدا حياتنا الجديده ❤
دخلت الحمام ونفذت كل الوصايا الوصتني ليها نبعو ولبست لي فستان طويل وساتر ما عايزه اخلع الراجل من اول يوم 🤣🤣🤣
وقفت ف التسريحه بسرح ف شعري وكانت ريحة عطري ماليه الغرفه، ياسر جا ضماني وبقى يستنشق في عطري وريحة شعري ، انا لما حسيت بيه قرب شديد قلت ليه ماشه الحمام وكل ما يقرب مني اقول ليه ماشه الحمام بعد خلاص زهج مني قلت ليو ماشه الحمام قال مافي حمام وقرب علي شديييد وانتو عارفين الحصل 😂😂😂😂
واسي عندي احلا حور وحلا ❤ ومنى عندها نغم وياسر💜❤
النهايه ❤💜💗💛💚❤🧡💛💙💜🤎🤍🖤
حبوها واملوها لوفاااااات كتيره ❤ ❤❤❤❤
قلمي إشراقه سراج إسماعيل ✍🖤
الرواية دي اول رواية اكتبها ... كتبتها عام 2021 بس عملت فيها شوية تعديل ورغم انو ف ناس كتيرة شالت الرواية ونسبتها لاسمها الا انها الرواية المحببة لقبي رغم اني كتبت روايات كتيييرة بعدها 💚🩵🤍
* انا م عندي مانع زول يشيل الرواية حقتي ينشرها لكن ينشرها باسمي واي زول بينشر رواية حقتي وينسبها ليه انا وهو خصماء أمام الله لانو ده تعب ومجهود اكتر من تتصورو
لو عجبتكم الرواية ادعموني بالتصويت واللايك والكومنت ومتابعة للحساب وموعودين بروايات اجمل💜 وفي ميزان حسناتكم 💙🤍🩵💗
نتلاقى في رواية جديدة بإذن الله
سلااام ❤️
