عودة .....
انا يا داب وعيت على نفسي جري قمت جاريه 🏃♀️🏃♀️🏃♀️ اها بعد لفيت بلفة ناس منى وقفت اخدت نفسي 😪 عاد لكن بالغت ما قدر ده اسوي شنو ف الحاله دي 🤔🤔 ما علينا بكره العيد بنتهي وبطير اهلو 😏 عاينت لي ضلي والله قربت اجري الكرعيين رقاااااق والتفه يا جماعه التقول في زول قاعد تحت شعري لما خجلت من نفسي والله يا داب اكتشفت انو انا ما بت 😰😰 اها دخلت ناس منى باركت ليهم العيد وقعدت اتونس مع منى قلت ليها سريع يا منى اديني مرايا اها عاينت لي وشي انا والله ما شينه يا جماعه عايزه شويه اجتهاد بس كان نزلت تفتي دي حبه ورحمت الحبوب الفي وشي دي والله عيوني كبار وحلوات وملامحي حلوه لكن مبهدله ما علينا، قالت لي انتي بتعايني في شنو وشك زي اخر الشهر والله يا نغم انا ما عارفه انتي ح تبقي بت متين ، قلت ليها عليك الله انسينا ياخ اخوك وين المغترب داك النسلم عليه يمكن يكون في النصيب 😁 قالت لي انتي جنيتي والله يا نغم 😏😏 ياسر عايز يعرس والله ومرشحين ليهو كم بت لكن انا عايزاك انتي لاخوي بالرغم من انك عواليق ورمه لكن حبيبتي برضو 😂💞 لكن اجتهدي شويه عليك الله ما تبقي زي جعفر ياخ ابقى بت شويه 😒😒 قلت ليها ياختي لو عايزيني زي ما انا خلاص ولا في ١٠٠٠ غيرو 😒👋 كدي هو وينو اسي 😄 قالت لي طلع قبل شويه اقعدي خلي يجي يقدمك قلت ليها بري يا يمه يقولو مباريه الولد بعد المغرب اصلا كده كده انا بايره 🤷♀️ يلا تصبحي على خير 😚 وانا طالعه نادتني خالتي سعاد غمدت لي قريشات قالت لي دي عيدتك 🤭 قلت ليها شكرا ليك يا خالتي ما كان في داعي قالت لي عيب عليك والله عاداك زي منى بتي ولو ربنا كاتب قسمه ما عايزه غيرك لي ياسر ولدي انا خلاص خجلت ودنقردت قلت ليها ان شاء الله يا خالتي يلا تصبحي على خير ، اها لبست توبها ووقفت لي جنب الباب لما لفيت باللفه نسيبة السرور يا يمه 😍☺ انا طوالي غشيت الدكان قلت كدي النبقى بت شويه واطلع جعفر الجواي ده ، قلت لي عمي حامد اديني جرسلين بلوران ومرايا ومشط وصابونة جرسلين وبانده وشرابات قال لي حسابك الف عديت القروش لقيتها الف ونص اديتو الالف اها ختاهن لي في الكيس وبعد طلعت تاني جيت راجعه رجعتهن ليو قلت ليو اديتي بارد وشيبس واندومي وشوكلاته نوعها لي ولبن بست ومصاصه 😁😁 شلتهن ومرقت مبسوطه وبقيت ماشه واغني 👣🗣 وصلت بداية لفة بيتنا لقيت زولي داك زاتووو قاعد في المصطبه يعاين لي ويتبسم قلت اكيد الزول ده م نصيح معقوله بعد السماحه دي كلها مجنون؟ ولا يكون الشي ده جان وانا ما عارفه بقيت أقرأ في ايه الكرسي .....
وراااافه وقلبي داير يتقطع من الخوف اول ما وصلت نص الشارع قال لي يا بت نغم 😳😳 وعارف اسمي رفعت توبي فوق وبي سكاكاتي ديل فحطت فحط ما تشوف الا الغباروصلت البيت وانا نفسي قايم وكرعيني برجفو بايره وخوافه الاتنين باقيات علي مسكت الباب وبقيت الهس غلبني اصل جوه 🥵🥵🥵 جاتني امي جاريه قالت لي بسم الله يا بت مالك قلت ليها الكلب يا امي سكاني ودموعي عشره عشره 😭😭 قالت لي خلاص اهدي سندتني ودخلتني جوه وبقت تقرأ لي قران لما هديت شويه جابت لي مويه غسلت وشي ورقدت حبه ، بس اسمع ليك عمتي ميته بالضحك 😂😂😂 قالت لي السكاك ده كلب ولا اسد يا بتي وامي بقت تضحك معاها 🤣🤣🤣 انا ما فضل لي الا ابكى من الغيظه مشيت غرفتي وبقيت اقرا واقرا لانو احتمال كبير الشي ده جن لانو بقولو الجنون بظهرو للبشر بهيئة جميله وانا شارده وبفكر تلفوني دق اتخلعت طبعا 😳 نطيت فوووق لقيتو ده عمر ، عمر داك بتاع الفيس تتذكرهو؟
اها طوالي رققت صوتي 🤭 قلت ليهو الووو
قال لي اهلين نغم كيفك، قلت ليهو تمام الحمد لله، قال لي معاك عمر ، قلت ليهو ااي عرفتك كيفك ، قال لي بخير نحمدو معليش اتصلت ليك في وقت زي ده انا جيت نازل السودان وعايز الاقيك اول زول اها على موعدنا بعد بكره، قلت ليو ان شاء الله، قال طيب تصبحي على خير ومعليش ع الازعاج ، قلت ليو ولايهمك وانت من اهلو ☺ قفلت وانا قلبي فرااااشه بس 🦋🦋🦋
حبيب قلبي جاي يا ناس لكن صراحه صوتو م طمني دي كانت اول مره اتكلم معاه ما علينا نشوف اخرو شنو 👋 طلعت جهزت العشا واتعشينا بعد العشا قعدنا نتوتس عمتي قالت لي والله يا نغم انتي بت ما شاء الله عليك مهذبه وخدومه وخلوقه كمان قلت ليها تسلمي يا عمتي ده من زوقك قالت لي والله كلام ما عشان قدامك وقدام امك لكن بالجد نعم التربيه في قلبي قلت ليها كان عرستيني لي ولدك الفي المانيا داك امي قالت ليها تسلمي كتير🤍 قالت لي وانا جايكم بعريس وما بقبل ترجعوني فاضيه في قلبي قلت ليها ونحن نقدر يا داب كده بقيتي زولتي 😁😁
اذكروني بدعوة جميلة ولكم بمثلها 🤍
يتبع ...
