عودة....
اتصلت لي منى قلت ليها ود خالتي جا اتقدم لي والعرس في العيد الكبير اكتبي لي الحاجات الاتحبستي بيها ورسليها لي في الواتس 😌😌 شويه كده امي نادتني انا كرعيني بقن يتطاقشن مع بعض وجاتني الحاله تاني 😹 مشيت ليها وانا مدنقره وخجلانه 🙈 عاد ما عروس 🙊
لقيت ناس خالتي طالعين حلفت عليهم الا يتعشو زولة واجب وكده 😌قالت لي م عندنا طريقه خليها مره تانية ... اها ودعناهم وانا قلبي شغال رف رف رف 🦋 وبعد طلعو.....
جري جريت غرفتي خجلانه وكده يا جماعه 🙈 مستنيه ابوي يجي يسألني واتكشم واتخجل واقول ليو البتشوفو يا ابوي 😹😹وقلت عاد الليله امي ما بتنوم من الفرح وقعدت أجعر 😭😭 يا حليك يا نبعو والله ح اشتاق ليك شديد بعد اتزوج 👰 لكن ح نعمل شنو دي سنة الحياه 😌واي بت ده مصيرها✋
قعدت ربع ساعه ونص ساعه زول عبرني مافي ولا ابوي جا سألني لا امي باركت لي في شنو يا جماعه 🤔 الناس ديل مصدومين ولا شنو ؟ كدي النطلع اشوف الحاصل.... اها طلعت لقيت ابوي ناااايم 😴 وامي تحضر في المسلسل مشيت قعدت جمبها قريب نص ساعة وانا خجلانه ومدنقره واحمحم ساي ولا التفت عاينت لي 🙄 خلاص انا غلبني وقلت ما دام ماعايزين يفتحو الموضوع انا بفتحو 🤨 قلت ليها يا امي انتو قلتو لي خالتي ابتسام شنو في موضوع عرس محمد ☺ بااايره وعيني قويه 😂😂😂 قالت لي ح نقول ليها شنو يعني 😒 قلنا ليها ربنا يسهل ويتم القسمه 🤲 قلت ليها بخجل طيب يا امي بتوافقو بدون ما تشاورو العروس 😁🤭قالت لي مالنا بيها بنشاورها هي ما عندها اهل ؟ قلت ليها كيف يعني؟ قالت لي شنو هو الكيف محمد داير لدن بت خالتك مريم وقلنا ليها بنمشي معاكم تب لانو ابوها شويه صعبه ... قلت ليها شنو 😰 انتي جاده يا امي 😨 عليك الله ما تقولي كده 🥺🥺🥺 محمد عايز لدن 😕😕😕 قالت لي مالك يا بت كنتي قافله عليه ولا شنو 🤣🤣🤣 انا هنا دموعي جات جاريه عشره عشره 😭😭😭 وامي ميته بالضحك 🤣🤣🤣🤣 وانا اشيل واتمخط بي توبها خلاص احلامي اتدمرت بقيت بشوف طشاش طشاش 😩😩
بعد شويه جات خالتي سعاد ام منى تزعرد من جمب الباب ايوووووووووووي ابوي صحى مخلوع من النوم 😳 قعد في نص السرير 😓خالتي سعاد جات سلمت عليو قالت ليه مبروك لي
نغم وابوي ده عامل كده 😳😳😳😳😳😳
وجات باركت لي وقالت لي امي يغسي على جيرتك ما بتقولي لي نغم جاييين يطلبوها 😏 امي قالت ليها وآلله جات كده نحنا زاتنا ما كنا عارفين 😄 قالت ليها اها والعرس متين؟ امي قالت ليها نغم رفضتو والله وتشيل وتحمر لي 😡 خالتي قالت لي يا بت يا هبله في زول برفض النعمه مالك مابياهو 😒 قلت ليها وآلله يا خالتي ده م طموحي 😌 امي قالت ليها والله حاولنا معاها وابت تقتنع نهائي 😄 اها الونسه جرت شويه وبعدين خالتي سعاد مشت البيت انا اليوم داك اتجلدت جلد 😭😭😭 حردت العشا والسحور 😩😩 دي نهاية البوره .....
تاني يوم النهار سخانه تفسخ الخطوبه 🥵🥵 الكهربا قاطعه، وانا خلاص عايزه اموت من العطش والجوع قطع مصاريني 😵 تاني توبه ما بحرد الاكل 😭😭 ده كلو منك يا محمد لكن ما مشكله بجيب سيد سيدك اصلا ما كنت عاجبني 😌😌
اها بليت توب الهزاز واتجعدت نمت 😴😴 وطبعا احلامي كلها عرس👰👰 امي جاتني قالت لي عقدو عريسك بره راجيك وانا طالعه ومدنقره 🙈🙈 اسمع ليك ايوووووووووووي بصوت عالي صحيت من النوم مخلوعه نطيت من السرير وقعت في نص الغرفه وبقيت مبحلقه 😳😳 يا ربي عقدو 🤔 اكيد امي كان بتهظر معاي وكان عاملنو لي مقلب 😁 جريت اتغطيت بالتوب قلت اسي النسوان بجن يباركن لي 🙊🙈 جاتني امي شايله السفنجه يا بت انتي لسه نايمه قومي نامت فيك حيطه 😬😬 ليه كده يا نبعو ،، قلت ليها في شنو يا امي والزغاريد دي شنو 🙂 قالت لي دي حبوبة منى جات من البلد قومي امشي عليهم 😒 قلت ليها وهي الجابها من اسي شنو وبتزغرد مالا نص النهار ما تراعي لي مشاعر البايرين اقصد الصايمين 😂😂 قالت لي يا بت قومي اتخارجي قبل ما ارتكب فيك جريمه 😡😡
اها كشطت سفنجتي عبد الواحد ولفحت توبي داك المبلول ومشيت على ناس منى اتجعدت في السرير نمت 😴😴 صحيت العصر صليت وجيت قعدت اتونست مع منى قالت لي خباري يا بت مالك طفشتي العريس 😒 قلت ليها والله يا منى مافي النصيب بس بعدين الولد م عجبني 😌 قالت لي في ان في الموضوع المهم ما علينا امشي لي امي في المطبخ قاعده لي زي العمل الردي 😒😒 حدرت ليها زييين الشافعه قليلة الادب دي ومشيت المطبخ قطعت لي سلطة حمرا وجريت البيت 🤭..
يتبع ♡
اذكروني بدعوة جميلة ولكم بمثلها 🤍
